منتديات شبكة قبيلة الغنانيم الرسمية - الحر رايه يقدحهـ من زنادهـ ولا ينكر المعروف غير البهيمهـ

السلام عليكم ورحمة الله وبركاته
اخواني واخواتي اعظاء المنتدى الكرام اعرفكم بنفسي انا الشاعر مبارك بن مطلق بن عايش الغنامي العتيبي ولقد ورد لي بعض القصائد في منتداكم الكريم عن طريق العضو محمد عايش الغنامي وحبيت اني اتواصل مع محبي الشعر وهذي احدى قصائدي حبيت اشارككم بها
اترككم مع القصيده وسامحوني على الاطاله:

الله ومر خلقه بحسن العبـــــاده
وحرم على المخلوق هرج النميمه

والعمر مثل الزرع ثبتن حصاده
يومن من الايام يصبح هشــــــيمه

والقبر بيته والنصايب وســـاده
وهناك للمظلوم نصر الضـليمــــه

والتجربه عند المجرب شــهاده
والبعد عن شيآ يغثك غنـيمـــــــــه

والطير يطرب صاحبه في هداده
والوقت يبغا منك صبر وعزيمـــــه

والنار عقب الجمر تصبح رماده
وذيب الخلا يقطع فجوج الخريمــه

والحر رايه يقدحه من زنـــــاده
ولا ينكر المعروف غير البهيمــــه

وسلامتكم