منتديات شبكة قبيلة الغنانيم الرسمية - دحيم بن رشيد و عبث بن ضربون

الا ياجماعه من لقالي عبـث ضربـون
تشالتبـه الايـام ليـن اقلعـت سربـه
شحن موتـره زاد وكفـرات برجستـون
على شـان ديانـه يغـرز علـى دربـه
وانا مادريت انه بطـول وعليـه ديـون
ابيعه على وضـح النقـا والله ابصربـه
حلالي ثلاث سنين في بطنـه المطعـون
لياجـاه ديـانـه مغـيـر يتمكـربـه
ولانا خابر ٍ لاله تقاعـد ولا لـه شـون
يبايجحـد العربـان ويـش يتعـذربـه
وابا ادعي عليه الصبح والعصربالطاعون
جحد مالي اللـي كـل يـوم يتجرربـه
نويت اضربه واخر فلاق ٍ وفيه طعـون
لكن المشايـخ ماتوافـق علـى ضربـه
اخم المعـادي خمـة الذيـب للمجنـون
عشايه غروب الشمـس والا اتفطربـه

ورد عليه الشاعر عبث بن ضربون الغنامي

الا ياهـلا يامرحبـا والعـلـوم تـهـون
بقاف العميل الشاعـر اللـي هـذا ظربـه
تمنن عليه وانت من ربعـت(ن) يعطـون
ولد شايـبٍ يـوم القـا يحتمـا السربـه
وانا احسبك مثل العود صوره على الكربون
يعزالرفيـق ويطعـن القـوم بالحـربـه
رماني نصيبي فيك يالصاحـي المجنـون
وانا ما اعرفك لكن صـارت لنـا جربـه
يحدن بعض الناس عـن تجرتـه يـدرون
ولا عـود الله رزقـه الـلـي تعصـربـه
وانا عايفه من يوم شفتـه كبيـر متـون
من انعام ربـي فالرخـا مايـل(ن) ثربـه
وانا ماعليـه منـه لـو مطلبـه مليـون
يفرج لنـا مـن مطلبـه فـارج الكربـه
ولو انه يقوم بحرب هتلـر فانـا ممنـون
خطـاه وجـداه وبصـره اللـي تبصربـه
تجيه البضاعـه جاهـزه سرهـا مكنـون
فحصها الخبير اللي عزلهـا مـن التربـه
اخذها دحيم من المعلـم علـى الطبلـون
بعد مااستلمها منـه قلبـه غـدا شربـه
تحياتي