![]() |
الشاعر / كريم عبد الله بن عاذي
نبذه عن الشاعر / هو الشاعر كريم بن عبد الله بن عاذي الغنامي
يسكن بظلم حالياً يبلغ من العمر مايقارب الثمانين عاماً لقب من قبل الشيخ عقاب بن وبصان بشاعر الغنانيم الأول بعدما رد على شاعرً تعرض للغنانيم له عدة قصائد من اروع القصائد النبطيه سوف أوافيكم ببعضها إن شاء الله والحين وحده مهداه لأمير الفوج الرابع بينبع نائف بن عبد المحسن بن حميد رحمه الله ياعيد تل الجيب ياعيد تله زرنا وحصنا جميع المطاليب زرنا اميرً زايرة مايملة شيخً يعرفونه شيوخ الاجانيب زان الكلام وكل حلٍ لحله ابا اتكلم عقب زرت المعازيب كلامي ابن احميد في مستهله هداج يفرق عن جميع المشاريب الله يبيض لحيته واجبله اعداد ماتقلط به الشمس وتغيب شيخً ليا جيته حجاجك يفله امارته ماهيب امارة مناصيب كلمة هلا بالضيف مذخور تله طبع الشيوخ مكملين المواجيب وكلمة هلا يامرحبا عادتله وتقليط صفرً بالمنارة محادجيب وقلط لهم عقب التراحيب دله فنجالها يبهج كبود الشراريب ومن عقبها كبشً وسيعً محله يغلا حراجه لين يرض الجلاليب طبعً لبوه وصار نائف محله ماجاب كيلو اللحم من قصاصيب وعن سنته نائف خذا الطيب كله ومن حق نائف لو يعيي على الطيب نال المرام الي يباه وحصله دربً على ولد الردي عسر وصعيب كلن يبا دربه ويزري يدله وكم واحدً ينوي نواياه ويخيب كامل وصايف مايجي منه زله ويكفيك عن خاف الرجال التجاريب ليا طار عن قب المهار الاجله وصار الصياح وطاح ستر الرعابيب كرزان ضرب ارماحهم مستجله نزالت الخوف المطرف ليا هيب كرزان لكبود المعادين عله وصديقهم كنه برؤس المراقيب كرزان حرزن للقلوب المذله حمايه الوضح امهات الدباديب كم شيخ بدوً ورثو فيه خله امثال ابن هادي محمد وابو ذيب الصدق صدق وواضحنً بالادله والكذب عيبً للرجال وعذاريب ولا اخشى كلام اهل الوجيه الاذله ولو لا الحوامي كان ياكلهم الذيب كريم بن عبد الله بن عاذي العتيبي ورح انزل بعض قصائدة انشاء الله ودمتم بخير تقبلوا تحياتي الغنامي ظلم |
رد: الشاعر / كريم عبد الله بن عاذي
بيض الله وجهك على الموضوع
وعلى العموم الشاعر / كريم غني عن التعريف ورحم الله بن حميد واطال الله في عمر شاعرنا وياليت بس تنزل ديوانه وديوان اخوه كروم ولك من اغلى واطيب سلام اخوك المعز :- ذيب الغنانيم |
رد: الشاعر / كريم عبد الله بن عاذي
وجهك ابيض
وشرفني مرورك اخوي ذيب الغنانيم وابشر ان شاء الله رح انزلها قريب وتحياتي |
رد: الشاعر / كريم عبد الله بن عاذي
صح لسااان الشاااااعر وسلمت يد الناااقل
بيض الله وجهك يالغنأمي ظلم ومأ قصرت ونقلت وابدعة واتمنىآ أن توافينىآ بقصأئد كرٍيم الغزٍليه ][ فضلاً منك وليس آ‘مرٍاً عليك ][ دمت بخيرٍ |
بيض الله وجهك وماقصرت
وصح لسان قايلها ... |
سلمت على النقل وصح لسان كريّم شاعر جزل والله يطوّل عمره تحيّتي لك
|
+4. الساعة الآن 06:44 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط