منتديات شبكة قبيلة الغنانيم الرسمية

سالفه صديقي لاتقولون هاذي جايبها يالداج تراي ما جيب شين

يقول : ذات يوم كان ضغطي مرتفع إلى 500

بس ابا اي واحد يتكلم في الشارع عشان اصك واتهاوش معه

طلعت للجامعة وحضرت محاضرتين يوم طلعت

لقيت الامن حقين الجامعة حاطين مخالفه على السيارة

وقوف خاطئ المهم وانا يرتفع ضغطي زيادة

وانا اطلع لشؤون الطلاب واقدم لهم اعتذار

عن المستوى هاذا ( عشان اقهرهم بس )

واروح للبيت المهم يوم وصلت للبيت

قال ابوي الله يطول في عمره : لاتروح مكان الليلة

فيه عشاء لعمك يبي يجي من الديره

قلت : يالليل الليل من عمي ماجاء إلا اليوم

ابا اتابع مباراة السعودية ومصر ياابوي

قال : تجي للعشاء في الاستراحة لا اتوطئ ببطنك هنا

( ززززززززززاحف الشايب عربجي ) قلت : ابشر

المهم رحت للإستراحه وتجمعت العائلة كلها

وكان فيه واحد من عيال عمي ملقوف

( لو بيدي الموت ذبحته )

كل مادخل واحد علينا وسلم

نقز ولد عمي الملقوف وقال : مادريتا

( ذكرني بطاش ماطاش )

الداج قصدي قشعان عكاش فصل من الجامعة

والليل كله وولد عمي معلق على الجملة ذي

والجماعه كلهم يسبووون فيني عشاني تركت الجامعة

المهم طفشت من الإستراحه وطلعت

قلت: خلني اتعشى برا احسن من مقابل الملقوف اللي في الإستراحه

دخلت مطعم كودو وطلبت لي وجبة وجلست اتعشى

المهم يوم بغيت اطلع ناداني المحاسب

قال : اسحب كربون يمكن تفوز معنا بجائزة

سيارة او فيلا … إلخ
المهم سحبت كربون

يوم ناظرت في الجائزة إلا مكتوب مبرووووووك

شاركت معنا في برنامج ستار اكاديمي

المهم وانا من الفرحه ماعاد اشوف الدنيا

واعطيها المحاسب قلت : اقرا وش الجائزة

قال : راح تشارك في ستار اكاديمي

المهم وانا اطلع من المطعم وكل تفكيري البرنامج

بس المشكلة ابوي واخواني وجماعتي كيف اقنعهم

بالفكرة حقت البرنامج
(ابوي مايدري إن معي جواز سفر لو درى ذبحني )

بعد تفكير طويل خطرت في بالي فكرة

قلت لأبوي إني ابا اسافر إلى ابها البهيه شهر وابي ارجع

المهم قمت اعلم خوياي إني ابي اسافر للبنان

وقمت اترجى كل واحد منهم يعطيني من ملابسه

اللي عطاني جينز واللي عطاني شوورت

واللي عطاني فانيله واللي عطاني جزمه وانتم بكرامه

المهم طلعت للمطار ولقيت مجموعه من الشباب

معهم اعلام السعودية ويشجعوني

ويقولون : الداج خخخخخخخ قصدي قشعان عكاش ارفع راس السعودية

المهم وصلت للمطار لقيت واحد معه لوحه
مكتوب عليها اسمي

قلت له : سلامات يالطيب تعرفني

قال: خيو إنت السيد قشعان

قلت : ايووووووه ابووك تعرفني انت ؟

قال: انا من برنامج ستار اكاديمي وبدي اوديك للبرنامج

المهم دخلت الأكاديمية ولقيت هشام السعودي واحمد حسين

وبشار القيسي وبشار غزاوي وسامر وجوي بصوص

وزيزي المصريه اللي تشبه روبي واماني التونسيه
وكاتيا

المهم قاموا يرحبون فيني ويغنون وانا مبسووووط

المهم الكاميرات شغالة علينا اليوم كله

رحت ابا ااانام حسيت إني محشور بطني كله غازات

رحت للدورة المياه (وانتم بكرامة ) لقيتهم حاطين كاميرات

نزلت الفانيله حقتي وحطيتها على الكاميرا

( مابقى إلا هي يصورني بعد ونا في خلوتي )

المهم يوم خلصت وطلعت جتني العجوز مديرة البرنامج
قالت : شو عم تعمل

قلت: ماعملت شي بس كنت في مشروع خاص للرمايه

قالت : لو تعمل مره تانيه كدا راح تكون نومنيه

قلت : اوكيه من عيوني كل شي وإلا النومينيه

المهم الصبح رحنا نتمرن مره رياضه ومره عند

العجوز ( ام فم وعرقيب كنها مواصير هي حقت الموسيقى ) وإلسنار حقت الرقص

المهم خلصنا اليوم وحنا نتمرن يوم جاء الليل وحنا نتعشى

وراحو البنات ينامون قلت لهشام السعودي واحمد الكويتي

نبا نسوي مقلب في البنات وش رايكم
قالو : خلاص بس وش المقلب

قلت : نبا ندخل غرفة البنات وانتم بس صارخوا

وخوفهم والمقلب راح تشووووفونه بعيونكم

المهم دخلنا الغرفة وقمنا نصايح ونصارخ

والبنات خافوا وكل وحده منهم نقزت لها فوق درج
قالوا: وش فيه

قلت : إنحاشوا ضب ضب ياويلكم الغرفة فيها ضب

قالت زيزي : ضب إيه هو الضب ده إيه

قلت : ضب ماتعرفونه ابو عكره اللي يخوف

المهم والبنات كل وحده تعطيني نظره بنص عين وتنام

غسلووووو يدهم مني انا وخشتي وانا يبرد وجهي

( وش عرف لبنان وسوريا ومصر بالضب )

المهم رحت للغرفه ابا انام حسيت إني محشور
قلت خلني افك زنقتي احسن

رحت للدورة المياه ( وانتم بكرامة

لقيتهم حاطين كاميرا وخفت إني اسوي نفس الطريقة

الأولى يحطوني نومنيه دورت لي مكان في الأكاديمية

مااحد يشوفني فيه مالقيت إلا الثلاجة

المهم دخلت وسط الثلاجة ويوم طلعت لقيت العجوز المديرة

قالت: انت نومينيه الأسبوع دا من دون إي جدال

وراااحت ابوك جتني فيك انتي ونومنيتك

إخس يالعجوز كلامها على قد فعلها( تذكرني بكونديلا رايس حقت امريكا تتكلم في الدقيقه 200 كلمه وتكون على قدها )

المهم وصلنا الاختبار اللي نغني فيه قبل نكون نومينيه

قالو لي المدرسين : اعطينا أغنيه حزينة
( طبعاً على العود اغنيها )

قلت لهم :
رحت المقابر شكيت الحال
جت الجماجم تواسيني
دمعي إنهمل وعلى خدي سال
والزين مازال جافيني

المهم المدرسين غسلو يدينهم
( ابوك يالحزن اللي زي كذا )

قالو: عطنا اغنيه غزليه

قلت لهم :
يامديرة على كل البنات نجحيهاااا
نجحيهاااا تراها تستحق الشهادة

قالو : أوكيه الله يستر عليك
طلعت ولقيت اماني التونسية وجلست ادق حنك معها

وجلست انصب على البنت واقول لها ابوي طبيب جراح

في السعودية وعمي الكبير يملك شركة ارامكو

حسيت إن البنت مو مقدمه تجاوب معي مااعجبها ابوي
ولا عمي ( مايجذب البنت ذي إلا الفن والطرب )

قلت لها : وعمي الصغير يبي يشتري شركة روتنانا
المهم والبنت تفك معي وتجلس الليل كله تمدحني
وتقول لي خلي عمك ينزل لي شريط

قلت لها: من عيوني بس نطلع من البرنامج نتفاهم
المهم جاء يوم الجمعة وكنت نومينيه
وصار البرنامج كله رقص واغاني

المهم
قالت المذيعة : الأن معنا ضيوف للطالب داج
يود دخلوا الضيوف إلا هو ابوي ومعه ثنين من الجماعه سعد وسعيد
( لا والله رجعت جنازة للرياض )

المهم وابوي يبتسم لي ( يتمسكن حتى يتمكن )

المهم وانا احب راسه واقول له بصوت خفيف

ابوي حنا على الهواء مباشر لاتفضحني مايمداهم يحذفون

مشاهد والبنت اماني تحسبك جراح تكفى ياابوي
المهم وهو يصكني بوقس والربع يطبون معه

وانواع تفقيع الوجه وربعه يتوجهون للطلاب
ويطيحون فيهم ضرب

قالت المذيعة : شو مهضومين هالسعود
دمهم خفيف ( على بال امها تبي تصرف الفضيحة )
المهم وسعد يعطيها ذيك المصطه بالعقال وهي تحذف
الميكرفون وتنحاش

وسعد طب على الجماهير و راح للمخرج
المهم يوم إنتهت المعركة مابقى احد في صالة البرنامج

الناس كلهم إنحاشوا إلا هشام السعودي
اشوفه طايح على الأرض مغمى عليه

المهم وهم يسحبوني للمطار ويركبوني الطيارة وحنا نتجه للرياض يوم وصلنا البيت اخذ بوي الجواز حقي

وقال : ابها هاااااااه ابها البهيه
قلت : ياابوي انا ودي اصير فنان محترم
قال : فنان والله يوم اتوطى في بطنك هنا

المهم من بعدها كل ماطلعت لمكان عام
قامت الناس تشر علي وتضحك خخخخخخخخخخ صرت مضحكه للعالم اه يالدجه

ملاحظه تلاحيظ : ترا هاي السالفة مثل الي قبلها وسامحوني وادعولي ممكن
اسافر واخوكم كان مشرف كبير في منتدى مجاور وتهاوش مع مدير المنتدى
وتم طرده والظاهر من علومي هاذي بيتم طردي من هون
المهم انا مسافر قبل الطرده