|
ازريت
أزريت أداوي علت(ن) مــالها أطبـــــاب بوسط قلب(ن)مستصيب(ن) ومضــــهود سبعة عوام(ن) وأحــسب لطبها حســـاب وأكثر الـــتفكيروما شـــفت لـــه فــــــود أســـــباب من قــفت ولاغيرها أســــباب خلت بوسط القــــلب شــــعله وبـــــارود حاولت أسلي خــاطري بين الاصـــــحاب لـــكن وليفي صــــدته تبري الــــعــــود لوهي بكيفه صـــدته كـــــان ماصـــــاب قلبــي ولاقلت أريش الـــــعين مــــفقود لــكنه اقفى غصب لوكان لـــي حـــــاب وانا بعد عن شوفته صرت مــــــحدود وإن قلت في حب الغنادير لي بــــــــاب مادام خلي راح ماعنـــــه مــــــــنشود أرجع واقول إن حبهن نظرة إعجــــاب ماينمحي حب(ن)له أعوام مـــوجــــود (العين تشعق بالنـــــــظركل ماطــــاب والقـــلب يعشق واحد ويرفض الـزود) وحيد الجزيره |
رد: ازريت
وحيد الجزيره العربيه صح لسانك قصيد طيب
فلاكن ياليت تكتب اسمك ورقمك وعنوانك لان هاذا الشعر خاص بالغنانيم ووحيد الجزيره انا هواوي داج ما اعرفه لاتقول اني داج وماعندي هرجه تراني داج بس اعرف |
رد: ازريت
الاخ هواوي
صح بدنك واشكر لك مرورك اولآ/ منت داج ثانيآ/ وش ضرورة كتابة الاسم والرقم والعنوان زي ماقلت اذاشاك اني ماني بغنامي اقولك اني غنامي وحبيت أشارك مع ابناء قبيلتي فقط لاغير ثالثآ/إذا تواجدي مضايقك فإقراء توقيعي تحت القصيده (ضيف وماشي) ومره اخرى أشكر لك مرورك |
رد: ازريت
اف اف لااه ورا تواجدك مضايقني لا بالعكس تواجدك يفرحني يالحبيب
فلاكن اني كنت ابا اسمك الصح لانك شاعر والشاعر ماهو زيي يكتب باسم غار اسمه والضيف الماشي انا مو انت |
رد: ازريت
هواوي
تسلم يالغالي ومن ناحية الاسم فهو للشهره وهي ليست غايتي مع ان قصايدي ماهي ذاك الزود ومن ناحية بقائي في المنتدى اقول ان شاء الله واتمنى انك تبقى لان مشاركاتك في القصائد والمواضيع تعطي دافع بان الواحد يكتب تحياتي أخوك /وحيد الجزيره الغنامي |
| +4. الساعة الآن 10:16 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط