السلام عليكم ورحمة الله وبركاته
في يوم من الايام مربي الطريق على البئر دعيكان وهاضت قريحتي بهالابيات
اتمنى تنال اعجابكم
وهاذي صورة البئر دعيكان لمن لايعرفه
http://www.gnanim.com/vb/imgcache/598.imgcache.jpg
ياعد انا نفسي من الشعـــــــر تايبه
عافت طواريقه وعافت طوايبــــــــه
واليوم من شوفك ومن شوف طيك
عادت هواجيسن عن القلب غايبـه
ياعد شف دمعي على الخد سايـــل
الدمع من شوفك تزايد صبايبـــــه
مابكي على قصة غرام ومحبه
ولا فراق الزين ناقض ذوايبه
ابكي على رجالٍ لهم فيك مورد
ورودهم تاتيك من كل صايبه
هاذي مجرتهم وهاذي رسومهم
وهاذي منازلهم بها البين خايبه
يازين جمعتهم ولجت نجورهم
ويازين شوف الشول تلفح جنايبه
وماحلا مبانيهم وفيها مجالس
عنها الردي دايم خطاويه هايبه
ياعـــــــد ياليتك تكلـــم وتنطق
اباخذ زلال العلم واترك شوايبه
اباخذ علومك وابا اعطيك علمي
لو كان علمي ماتسرك نوايبه
ياعد من كانو يرودون حيك
اليوم في قبرن تزامت نصايبه
ماباقي الا انت ومجرتك والعنا
وجواً خلا تلوف جالك هبايبه
ماعاد بك قطره ولافيك مورد
شف جمتك من صالي الشمس شايبه
راحت حياتك مثلهم يوم راحو
يسقيك رب الغيث منشي سحايبه


ــــــــــــــــــــــــــــــــــــــــــــــــــ ــ
وهذارابط القصيده بصوتي يوتيوب
http://www.youtube.com/watch?v=gN7E4hH03LM
.................

المشاركة الأصلية كتبت بواسطة يوسف الغنامي (المشاركة 23081) صح لسانك يامعتلي الشااان قصيدة اكثر من رائعة والله اني اتصفح المنتدى زائر .. وشفت الموضوع قبل اسجل دخولي وسجلت عشان ارد على قصيدتك بيض الله وجهك شاعر إبيات معبرة وجزلة لآهنت يالرمش ..