|
قصيدة الشاعر زايد شعيفان الغنامي
السلام عليكم ورحمة الله وبركاته وبعد :
لقد التقيت في هذه الفتره بأحد شعراء الغنانيم وهو الشاعر زايد بن شعيفان الغنامي واقدم لكم هذه القصيده وارجو ان تحوز على رضاكم :
تشويش أدار الوقت من حظنا الشرس= رحنا لدغمان الشوارب فريسه قوم الربا والخبث بقلوبهم غرس= مايلحق الحفار عرق الغريسه نسوة بعيد وللقريب وجع ضرس= وفرسان في جو الهبوب المنيسه في بعضهم دقاتهم تشبه المرس= سود القلوب اهل الصدور النحيسه اضعف من العيسوم واقوى من الفرس= بالهذر ماهي بالليالي التعيسه طاشت مراجلهم من البنك والعرس= ولولا الحكومة كان راحو حويسه مامنهم اللي يضبط الدين والدرس= غير الغشامه والظنون الخسيسه رجالهم للحكي يلقم كما الترس= ينطق لسانه منطقن مايقيسه في مجلس امثالهم صميدع وهو هرس= بطل الكلام عن اللوازم فطيسه لعل مخلاب المقادير يفترس= هامة غلام واجبه دون كيسه |
رد: قصيدة الشاعر زايد شعيفان الغنامي
طاشت مراجلهم من البنك والعرس= ولولا الحكومة كان راحو حويسه
الله يعز الحكومه ويسدد خطاهم .. و تسلم ابو بتال على النقل ولكن شكل الشاعر معصب وزعلان على احد:d تحيااتي |
رد: قصيدة الشاعر زايد شعيفان الغنامي
شكراً لمــــــــــرورك
|
رد: قصيدة الشاعر زايد شعيفان الغنامي
ابو بتال الف شكر على ايراد القصيده
وفيه خطأ قد يكون املائي نأمل تعديله فالمجلس امثاله صميدع وهو هرس |
رد: قصيدة الشاعر زايد شعيفان الغنامي
الله الله
صح لسآنه.., تحيآتي., |
رد: قصيدة الشاعر زايد شعيفان الغنامي
صح لسانه
رجالـهـم للـحـكـي يـلـقـم كـمــا الـتــرسيـنـطــق لـسـانــه مـنـطـقـن مـايـقـيـسـه |
صٌـحٌ لًـٌسَـٍاٌِنٌ قايلها
|
بيض الله وجهك
وصح السان قايلها |
السلام عليكم
الله يبيض وجهك على نقل قصايد زايد بن شعيفان اضعف من العيسوم واقوى من الفرس صح السانه شاعر الغنانيم في الوقت الحالي وهذي وجهة نظري وشهادتي فيه مجروحه اولى سيرت عليه بعد العشا وتقهويت عنده واهداني شريط له وساقوم بتنزيل قصايده تدريجيا واهداني وسام فخر في بيت لقصيده لي الله يعطيه العافيه |
بيض الله وجهك
وصح لسان الشاعر |
| +4. الساعة الآن 11:49 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط