|
ادخل وتهبل علينا
الموضوع الله يسلمكم بكل بساطه تدخل و تهبل على راحتك
يعني كل شي نبيه كذب بكذب (((( الله يجيرنا من الكذب )))) بس كذب ابيض يعني خفيف عاالمعده و تكون السالفه ضحوكيه انا ابدلو بدلوي واعطيكم القويه ياجماعه ماتصدقون وش جاني عرض مادريت الا والجوال ابو شريحتين ياربي اقصد ابو اربع شرائح اللي مهديته علي اوبرااللي بقناة ام بي سي 4 يوم استضافتني العام في مزرعتها الخاصة بتكسس المهم مادريت غير يدق الجوال ويوم اطالع بالشاشه لهو رقم من؟؟؟؟؟؟؟؟؟؟؟؟؟؟؟ رقم اخت عمت امي بالرضاعه اللي راضعه مع خالت جدت ابوي اللي تشتغل في مكتب مجلس الامن في واشنطن المهم قلت ياربي وش ذي الغثاثه ارد والا مارد عشرين مس كوووول منها هاه ارد اولا قلت يالله ابرد وش وش الطاري معها وبعد الترحيب والاشواق اللي كلها خرطي قالت الفزعه يابنت قلت افاااا ابشري بعزك لايردك الا لسانك المهم قالت فيه حريم بسطات اسواق حجاب اللي بالرياض وعندهن نزاع حول احد البسطات ورفعنا قضيتهن عندنا ونبي تسوين تقرير عن التجاوزات اللي عندهن من براقع مهربه وخلافة واستعمال القاب غير مصرح بها على موديلات البراقع وسوي جوله عليهن ترى مالي غيرك يخدمني قلت ابشري المهم سكرت الخط و............... اللي يبي يعرف يحتري بقيت القصه بعد مشاركتين موضوعتين من الاعضاء في هذة الصفحه |
رد: ادخل وتهبل علينا
ههههههههههههههههههههههه
ههههههههههههههههههههه طيب هاك اليوم طلعت الصبح رايح البوفيه ابي اشتري فطور ويوم طلعت على الشارع العام لقيت الأشارة اشوفها من بعيد خضراء والناس واقفين وزحمه في الشارع وش السالفه ياولد قعدت عشر دقايق ربع ساعه ثلث ساعه قلت مصخوها يبي لهم نزله ذولي يوم نزلت ووصلت عند الاشاره لهاك الاسد شوشته شقراء واقف ولا عليه من احد ويقول والله لو يتعدى الأشارة واحد منكم لا العن جده .. وهو قاعد يهايط ويضحك كذا هآ هآ هآ < تخبرون الضحكه الشريرة ..وهو اللي يشوفني عاد هو يووم شافني كنه شايف جني ويروح يعدي منحاش جهة الشمال الغربي وانا اللي الحقه وامسكه بشوشته واصكة بكف واعطيه الكف الثاني بقفى يدي ويقعد يبكي تكفى يايوسف تكفى الله يرحم والدينك والله مادريت انها حارتك اللي ساكن فيها قلت ما فيه امش لازم تعتذر للناس اللي عند الاشاره وانا اقوم اعره بشوشته لين جبته عندهم وقدم اعتذار ووقعناه على تعهد بعدم تكرار هذه الفعلة الشنيعة كما نحب ان ننوه ان فعل هذا الاسد لآ يمثل غير نفسه وفصيلة الأسود مالها اي دخل في هذا الفاسد وشكراً |
رد: ادخل وتهبل علينا
دقايق بس بوصل اخو لي في جزر المالديف واجي .. لان أضخم أطول أسرع طائرة في العالم An-225: تنتظرني في الحوش . < رافعن خشمه ..
|
رد: ادخل وتهبل علينا
اهب ياذا الاسد والله انك مقوي ونااختك تصدق كني اعرفه الاسد ذا وصوفه ماهي غريبه علي لايكون اسمه لؤي اللي طمر علبيت عمتي شهلا اخت امي نفلا بنت عليا اخت معلا |
رد: ادخل وتهبل علينا
اقتباس:
تكفا ياخوي سطام وانت راجع مر باريس على طريقك ناسيتن كوتي بالشنزليزيه هاته تراه عنابي اللون مرقط |
رد: ادخل وتهبل علينا
ههههههههههههههههههههههههههههههه
سطام وش طراز الطيارة هاذي هههههههههههه اهب مالديف اخذني معك تكفى هههه نجديه ايـه إيـه هو له سوابق الأسد الملعون ذا يطمر على البيوت يسرق الغازات يبيعها وبعض الاحيان يسرق كفرات السيارات .. وله عدة نشاطات في المساجد وليست جميلة صراحة لا كبرو الناس للصلاة يجي ويسرق جوالاتهم من مخابيهم يعني شوفوا الوقاحة :d |
رد: ادخل وتهبل علينا
مرقط ههههههههههههههه وربي مت ضحك
شاريته من حجاب ورايحة به لشانزليزيه؟؟ يوسف تعال وهات معك شريط عزازي ترا جون قائد الطائره يحبه |
رد: ادخل وتهبل علينا
والله ودي اجيب شريط عزازي بس يذكرني بزميل لي توفى الله يرحمه اسـمه ابو عايشه < اسمه من يوم عرفته .. طاح من فوق السطح .. كآن يطير حمآم .. خلنا نجيب اناشيد يارجائي تمشي :d
.. بعدين نجديه شي تنزلينه في الشانزليزيه انسي انه يقعد مكانة الناس اللي هناك لا درو ان الغرض المفقود يعود لشخص سعودي والله ياهم ياخذونه يبيعونه في المزاد :flex: |
رد: ادخل وتهبل علينا
اولا الكوت المرقط ماشريته جاني هديه من حرمة اوباما وثانيا الاخ يوسف طلع الاسد مو هو تشابه خشش بس هذاك يسرق نعال بس واسمه حمزه ماهو لؤي غلطت في العنوان بس اما انهم يسرقون كوتي يبطون انا مشمعته بالاحمر وحاطه عليه لافته تقول ((ممنوع الاقتراب هنا سعودي)) على طول ماراح احد يفكر يلمسه فكرتهم كل سعودي ارهابي معروفة بيخافون من اكواع الغسالات الملغمه وبعدين تعال ياسطام من متى جون يسمع عزازي اللي خابرته انه مهستر على الصريخ متى حول عنه بس من جد ياشباب محتاسه في المهمه اللي شرفت بها من جهه ودي اخدم مجلس الامن له افضال علي ومن جهه ثانيه عمتي وخالة امي وزوجة عم عمي وبنت عم زوجة اخوي يبسطن هناك اخاف يزيلون سويقهن وثم يورني نجوم القايله اللي نسمع عنها والله لايورينا هيه شوركم يالربع وجهوني وش السواه |
رد: ادخل وتهبل علينا
مووزوع £cσσ
لي عودهـ من التسذب :d يستأهل الفأيف ستأر -< التقيم ـم ـم |
| +4. الساعة الآن 02:34 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط