|
جذيبة دعيكان (( لمقبول السندي ))
السلام عليكم ورحمة الله وبركاته كان الشاعر مقبول بن السندي الغنامي رحمه الله يعمل عسكري في الظهران وأخذ فيها سنوات طويلة ولما رأى أحد أبناء عمومته في الظهران واسمه سرور تهيض وذكر ديرته وهضابها والديار الي حولها فأرسل هذه القصيدة مع سرور ليوصلها لحجيلان بن عباس النصيف ابو مقحم وحجي
ياسرور وصلي سلامي حجيـلان = وده لبو حجـي وعطنـي مـرده
قله ترى مقبول مولع وولهـان = ومقابـل الدمـام بيّـح بـسـده سبعة عشر عامِ قضاها بظهران = في خدمة الأركان لارحـم جـده يا الله يلي تجزي الحسان بحسان = ياواحدن ترجي المخاليـق مـده أنك تشوفنـي جذيبـة دعيكـان = وهضيباتٍ مـن شمـالٍ تحـده مدهالنا يوم العشايـر لها شـان = نرعى بها نبت الوسـوم المجـده ياما رعانا أبها طوارف عمودان = وياما سهجنا بالضعايـن مصـده وياما رتعنا بين سفوه وعـردان = وياما وياما شين أزريت أعـده |
رد: جذيبة دعيكان (( لمقبول السندي ))
[tabletext="width:70%;"] | [/tabletext]وياما رتعنا بين سفوه وعردان وياما وياما شين أزريت أعده الله يرحمه وغفر له كلا يتذكر المكان الي نشا فيه ويعتبرها أحلا أيام حياته شكراً على الايراد |
رد: جذيبة دعيكان (( لمقبول السندي ))
الله يرحمه ويسكنه الجنه شاعر بارك الله فيك ابو باسل على الإيراد يالغالي
|
رد: جذيبة دعيكان (( لمقبول السندي ))
الله الله يابو باسل جبتها على الجرح على ماقالو... ياليت تُجمع اشعار ابو نواف مقبول فهي من القصائد التي يقل امثالها في جزالتها وسهولتها وفيها من الحكمة التدين الشيء الكثير ومعروف الشاعر مقبول انه امام ومؤذن مسجد ربعه ولذالك تجد الدين والحكمه لها طابع بارز وضاهر في اغلب قصائده الله يرحمه ويرحم اموات المسلمين وبعض قصائد الشاعر مقبول السندي لها طابع فكاهي تجبر المتلقي لحفظها من اول مرة عند سماعها وقد حفظت بعضها من لسان الشاعر ولاكنها تحتاج لبحث وجمع اكثر .. وماقول الا سلمت انامل دونت يابو باسل ومشكور على الذائقة الراقية
يالله ترحم راعي الطيب مقبول = وترحم جميع امواتنا ياألاهي حنا شهود الأرض بالفعل والقول = نشهد بحال الخلق صالح ولاهي |
رد: جذيبة دعيكان (( لمقبول السندي ))
الله يرحم ابو نواف
وتسلم يابو باسل على ايراد القصيده الجميله وتقبل خالص تحياتي |
رد: جذيبة دعيكان (( لمقبول السندي ))
الله يرحم الشاعر
ويعافي ابوحجي ويعطيك العافيه ابو باسل على الايراد |
رد: جذيبة دعيكان (( لمقبول السندي ))
انا اتكفل بكامل قصايد مقبول السندي الله يرحمة بس اصبروا علي شوي
|
رد: جذيبة دعيكان (( لمقبول السندي ))
اقتباس:
|
رد: جذيبة دعيكان (( لمقبول السندي ))
عساك على القوه................................ننتظرك
|
رد: جذيبة دعيكان (( لمقبول السندي ))
الله يقويك ياعبدالحكيم ننتظرك بفارغ الصبر :msn-wink:
|
| +4. الساعة الآن 11:57 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط