سلام و رد
 

الاوله سلام ي قوم المواقيف الشهيره
ي الاد عاضي ياهل الوقفة ليى صارت كبيره
انتم هل الافعال ف الماضي والايام الاخيره
قدارتوى من فعلكم فخصامكم حد الصقيل

والثانيه حنا بني غنام ناطحت المغيره
امزبنين الجاني الي صار في حاله خطيره
قبل الأمن يومنها برماح وسيوفن شطيره
من فضل ربي ما يروح النا كثير ولاقليل

والثالثه جينا نشاركم عسى فالامر خيره
ومشاركتكم حق من واجب قصيرً مع قصيره
وأنتم وحنا بيننا تقدير ومواصل وجيره
جينا نباركلك على حفلك يابن مشخص جميل



والرد



الاوله يامرحبا عداد سكان الجزيره
ياربعنا اللي دوم معنا فالكبيره والصغيره
انتم وحنا كلنا ربع وجماعه واهل ديره
فعولنا وفعولكم تعرف ولا تبغا دليل

والنعم فيكم يارجال ماتبيحون السريره
افعالكم دايم تناقلها الرواه بكل سيره
الله يديم الامن ويعز الوطن واللي يديره
وانتم وحنا قوم مافينا شرود ولا ذليل


الله يحييكم وهذا سلم ماياقف مسيره
بين الرجال اهل المعرفه والوفا ماهي كثيره
مافيه شي يضيع بين الناس لو كبر الشعيره
الله يبارك فالرجال اهل الوفا واهل الجميل