والله ونعمين ياواف الخصايل
 

قصيده في الاخ : سلطان سفر صقر القبوري الغنامي
ويستاهل كل علم غانم ..



والله ونعمين ياواف الخصايل
ياحزامي فالصعيبه والثقيله

يالقبوري فيك تختال المثايل
النظر مرفوع واليمنى طويله

في علوم الطيب وبشتى الوسايل
مدركٍ كل الأمور المستحيله

تبذل المجهود وتسو الجمايل
ماتحسب للكثيره والقليله

أنت سلطان المراجل والفعايل
أنت ذخر العود حماي الدبيله

أنت ياشوق الهنوف أم الجدايل
أنت ياللي نافلٍ بالطيب جيله

يالأصيل اللي يعجزن الأصايل
مانجبن نده ولاجابن مثيله

يالحصان إلي مرامه بالجزايل
في سبيل المرجله يزعج صهيله

ياسلايل من يروون السلايل
محتمين البوش بالجرد الصقيله

يابو نوره يامعدل كل مايل
طال عمرك طال ياراع الجزيله

نفخر بمثلك مع ركون القبايل
ياسنادي يافخر كل القبيله

الشاعر : خلف فالح بن مزنوت الغنامي

صح لسانك وبيض الله وجهك ويستاهل القبوري

غنام الغنامي صح بدنك ولسان شاعرها ويستاهل القبوري بلا شك
لاهنت ع مرورك الرائع

يستاهل الغنامي