منتديات شبكة قبيلة الغنانيم الرسمية - ياوجودي يافرج وجد من جـاله لزوم

قصيده للشاعر معدي بن خالد موجهه للشيخ فرج بن خلف بن مزنوت

ياوجودي يافرج وجد من جـاله لزوم
عند خبلً مايقدر ظروف اللي نصاه

فالسعه تلقاه يعطيك من زين العلوم
وفاللوازم يتعب اللي يريده مالقاه

ليتني سيرت يمك مع الربع القروم
سعد منهم بالمشاوير والدرب اخوياه

مار والله مادريت الا بعد ليله ويوم
يوم واجهني عطاالله على وقت الصلاه

والسلام ختام ماجاك مني ومحشوم
ياولد من تتعب الناس ماتلحق مداه

مقسمه فالجاهليه جزيلات القسوم
شال ابن مسعد على المتن يومنه نخاه

في محلاً من وقع فيه مايقدر يقوم
والخوي لو طاح ماتلتفت فيه اخوياه