منتديات شبكة قبيلة الغنانيم الرسمية - ياليل خبرني عن أمر المعاناة (( خالد الفيصل))

- منتدى الشعر والقصص الشعبية (https://www.gnanim.com/vb/forumdisplay.php?f=11)

- - ياليل خبرني عن أمر المعاناة (( خالد الفيصل)) (https://www.gnanim.com/vb/showthread.php?t=16762)

ياليل خبرني عن أمر المعاناة (( خالد الفيصل))

يا ليل خبّرني عن امر المعاناةْ
هي من صميم الذّات و الاّ اجنبيّهْ
هي هاجسٍ يسهرْ عيوني و لا باتْ
أو خفقةٍ تجمح بقلبي عصيّهْ
أو صرخةٍ تمرّدت فوق الاصْواتْ
أو ونّةٍ وسط الضّماير خفيّهْ
أو عبرةٍ تعلّقت بين نظراتْ
أو الدّموع اللّي تسابق هميّهْ
أعاني السّاعه و اعاني مسافاتْ
و اعاني رْياح الزّمان العتيّهْ
و اصوّرْ معاناتي حروف و ابياتْ
يلْقَى بها راعي الولَعْ جاذبيّهْ
و لاني بْندمانٍ علَى كل ما فاتْ
أخذتْ من حلو الزّمان و رديّهْ
هذي حياتي عشتها كيفما جاتْ
آخذْ من ايّامي و اردّ العطيّهْ

صاحب السمو شكرا لك على الاختيار الجميل

تحياتي وتقديري

شعر حلو من الشاعر الامير دايم السيف

مشكور يبو سمو مع اني اشوف الكلمات عاديه لكن محمد عبده عطاها انتشار بعد ما غناها

ياهلا بغيوم شرفتي موضوعي

و لاني بْندمانٍ علَى كل ما فاتْ
أخذتْ من حلو الزّمان و رديّهْ

بيت اختصر فيه كل الحقيقه;)

ياهلا بلمى شرفتي موضوعي