ياعود موزٍ
 

الله على غروٍ لمحته على جمس
ماله حلي في ناقضات الجدايل

من يوم قفوبه وانا خاطري عمس
مغير اوسع خاطري بالمثايل

ياحمس قلبي منك ياصاحبي حمس
لو لامني خبل يضيع القوايل

ماولعه من طلته كنها الشمس
عزالله اني منه شفت الهوايل

ياعود موزٍ في الثرى منغمس غمس
في ساقيِ تدرج عليه المسايل

حتى لو أن اليوم مهوب مثل امس
الحب هو الحب والشك زايل

الا أن في حب امس لأهل الهوى رمس
ولابينهم من يوصلون الرسايل

واليوم يومٍ التلفون باللمس
توفرت للناس كل الوسايل

صح لسانك يا السفير الطيب وطيب الله حالك

ياعود موزٍ في الثرى منغمس غمس
في ساقيِ تدرج عليه المسايل

حتى لو أن اليوم مهوب مثل امس
الحب هو الحب والشك زايل

الله عليك يا سفير الطيب ..
تعود ويعود معك اعذب الشعر وأصدقة
لتحكي للملهمين بالشعر عبارات العشق والحب العذري
واصل إبداعك وإلهامك الشعري الجميل
وفالك الطيب
تقبل إحترامي لك ولإبداعك

صح بدنك شاعرنا مبارك ومشكور على مرورك الرائع

صح بدنك أبو بتال ولك جزيل الشكر

مشكور أبو فارس على الإطراء والمرور الأكثر من رائع

سفير الطيب بيوت طيبه وجزله كل الشكر لك وبيض الله وجهك وكثر الله من امثالك

سفير الطيب


كلمات رائعه


تقبل كل التحايا

غنام الروقي الله يطيب فالك وهذا من ذوقك الرائع