منتديات شبكة قبيلة الغنانيم الرسمية - قصيدة الشاعر : عايض ثقل الغنامي بمناسبة أطلاق سراح سالم ضويحي الغنامي

قصيدة الشاعر : عايض ثقل الغنامي بمناسبة أطلاق سراح سالم ضويحي الغنامي

خط الأمل مرسوم والاجل محتوم = وليا دنـت إيجي لها مـن الله اسـبـاب

ويبلى بـهـا فـي بعض الاحـيـان مظلوم = يبي يـداويها وينشب بالأنـشـاب

وليا استاطارت واصبح الحل معدوم = ووصلت على ماقيل تكليحة الناب

علـيك باللي للمهمات زيزوم = يـفـتـح لـهـا ابــوابٍ ويغلق لـهـا ابــواب

الـشـر بـابـه يضربة قفل مـلحـوم = ولايطرق الا الـلـي مـنه كـل ماطاب

الــشـكـر والعـرفـان والمدح معموم = المن شارك بفكه بعيدين واقراب

لاهـنـت يا نايف وياعـلّك تدوم = ولاهــان بـدر ولاتهون انـت يـا عقاب

شيوخ وشيختكم ماهي شيخة اختوم = مسيسة من عصر ابا زيد وذياب

وميقافكم يـا شـيوخـنا يجلي اللوم = قـنـع بـكـم مـن كــان للـدم طــلّاب

وأطلقتوا اللي من ورا الباب متهوم = وكفكفتوا دموع مـن العين سكاب

دمعة طفل تغرق بهـا هدوم واهدوم = يبكي و لايدري ورا والــده غــاب

مــا يـدري ان الـعـلم فـي سده علوم= وراس الفتيله قـارب منه مشهاب

والأمر عن بعض المتاهات محسوم = قـال المثل لاتـرقد بشجرة الداب

هـذا مـثـل والعلم واضـح ومـفهوم = أدفـع ولاتـساوم بعكفان الأشناب

وقفاتكم ماهي مغير امس واليوم= مـع عـزوة عتيبة ومع كل الاجناب

هـذي عـوايـدكـم على دايم الدوم= يـكـتـب بــهــا كـتـاب مـن بـعـد كـتـاب

والجاه من رب السماوات مقسوم = ماهو بعند اصحاب تعطية لأصحاب

الشيوخ الذين وردت اسماؤهم في القصيدة هم :
الشيخ / نايف بن عمر بن ربيعان
الشيخ / عقاب بن عَميره
الشيخ / بدر الشغار