منتديات شبكة قبيلة الغنانيم الرسمية

اترك اهل المسيد وخل المصلين ~ وجب الجزال ولاتجيب الدوادي ّ
اعرفك قبل ايام وشهور وسنين ~ تقرا الكتاب وتستمع فالروادي ّ
واليوم ياكثر الشعر والمغنين ~ وصوت الربابه مع هويدي وهاديّ
تعرف خوالي يابن اخ المسمين~ سب القديم وجب علومن جداديّ
والدين يالقشران مايقضي الدين~ وانت يحرشك الكذوب الرباديّ
والله ما ناكل حلال المساكين ~ ظلمت نفسك وانت عندك مباديّ
اترك خثارق بنت الاجواد يازنين ~ قدام يد نجرن ضد المعاديّ
انت يابن نافه تجامل هل الشين ~ يخال هو الي بدا بالعناديّ
قام يتلقف والعرب عنه مقفين~عادي طبيعي عنده الوضع عاديّ
ياهل الحبيس انتم على الشر عجلين~ياهل الكحيلا في نهارالطراديّ
حنا اهل الصحره صعوط المجناين ~ يبى يحصله صباح وهجاديّ
ومجنن المسلح ينامون صاحين ~ ومجنن صويلف ملا كل وادي ّ
انتم تراكم ياهل شععار مخطين ~ اثره صحيح النار تخر رماديّ
اما اختموها يالنوافه على الزين~ ولا تراني حلتكم لابن باديّ