منتديات شبكة قبيلة الغنانيم الرسمية - لعل وبل السيل يسقي دعيكان

هذه القصيدة لـ الشاعر جبار بن مطيحن السبيعي في قبيلة الغنانيم

لعل وبل السيل يسقي دعيكان = عدن يديرونه رجال الغنانيم

ياما سقوا من ملكهم كل ضميان =عليهم البيضا تثنا بتنعيم

كلن يقول اشرب شرابن بصفطان = ماحط فيها حق ديزل وبنزيم

عسى وطنهم من مطر غرألأمزان = يأخذ اسبوعن والمطروابله ديم

من ثرب لا كشب المسمى وهكران = وتردف انصوبه لا توسق الأكاميم

من ظلم عرضه لا الرفايع وكبشان = وتنحي على العبله انصوبه مراديم

ويعزل الربان لا جا خساران = تزهم ارعوده في آخره والمقاديم

يأخذ ثمان ليال ديمن علشان = تروابه افياض النفل ديرة الريم

مرب سرفاتن طويلات ألأمتان = نشوفها بالعين عفر ومجاهيم

ترعابه العتبان ذربين ألأيمان = مروين عيدان القنا اهل الملازيم

كم واحدن من ضربهم لبس ألأكفان = عليه ترفات العذارا مكاثيم

ياما ويوم اسمع وشفنا بالأعيان = بين الحجاز ونجد اثارن وتقويم

واليوم في ألأسلام عوان واخوان = منصوب شرع الحق مافيه تأثيم

بحكم السعود مطفشة كل شيطان = خلت دعات الشرك تسجد مساليم

وختامها مسكن وكادي وريحان = وعلى النبي افضل صلاة وتسليم