يامسفر الحب نار وهمن يلوعي (مساجله)
 

يامسفــــر الحب نــار وهمن يلـــوعــي
وقلب المــــولع يسج ويكثـــــــر هبالـــه

دايم خفوقه لشـــــوف الزين ممزوعــي
ويطلع عليه الفجـر والنـــوم ماجــــالـــه

وان جابو اسمه يصيح بصوت مسموعي
تكفون خلـــوه وســــط القلــــــب منزالــه

نصيحتـــي لك مادام الــــــدرب مقطوعـي
الصاحـــــب اللي يصــــد تلاقــــي بدالـــه

وان كان قلبك من المزيـون مفجوعــــي
تقفي وتقبــــل عليــــــه وحالتـــــك حالـه

جالس تعد الزمـــان ايـــــام وسبوعـــي
وعنك اختفى وصل خلك واختفى ارساله

لاتنتظــــر دام حبل الـــــــود مرجوعـــي
نبي ندور عليـــه ونطلـــــب وصـــالــــه

ونعطي هلـــه مايبــــون اجوال وقطوعي
جعلــــه فدى خلـــك الــــــدولار وريالـــه

وان كان ماوافقو نخضعهـــم خضوعـــي
نمشــي عليهــم برجليـــــه وخيـــــالــــــه

ووليفــــك اللي غرامـــه فيك مزروعــي
غصـــب عليهم تجيــــه وتجلــس اقبالــه

هاذي حلولــــي مادام العلـــم موضوعـي
وجاهــــز متــى مابغيـــت نزور مدهالـــه

@@@الرمش@@@


القصيده رد علي مسفر بن فهد الفهري القحطاني ارسل لي قصيده يقول فيها :::::

يابو خالد مادام الزيـــــــــــــــن متبوعي=وش حيلـــــة اللي تبع زين(ن) ولا ناله
شفي من البيض حلو الجسمي مربوعي=لامن مشى هــــز فــــوق الكتف شلاله
كن الخدود الحمر بستان مزروعـــــــــي=وجحاجــــــــها مثل يوم العيد وهلالــــه
ولاسلهمت عينها اتوقد اشمــــــــــــوعي=نظــــــــرات عينه تصيب القلب قتالــــه
وخشيمها سيف قرم(ن) صيته يذوعي=وبين الشفايف سوات البرق في (ا)خياله
والصــــــدر تفاحتين ومالها نوعــــــــي=مالــــــه شبيه(ن) فديتــــه فارق لحالــه
زود(ن) على زينهـــا مزيونة (ا)طبوعي=وعقل(ن) يساوي بلاد الغرب ورجالــه
مبحوحة الصوت لكن غير مسمــــــوعي=تقول بن(ن) تـــــحدر وســـــط فنجالــه
والبطن والخصر كنه نايشه جوعــــــــي=عويد موز(ن) لامنــــــــه لف بجلالــــه
ولامن مشت ويل حالي شئ(ن) (ا)يروعي=يغار من ساقهـــــا ياخوك خلخــــاله
هذه منى خاطري والحـــــــظ مجبوعـــــــي=ياما انتظرته اقول (ا)يـــــدز مرساله
ياهل الهوى ليش وصل الزين ممنوعــــي=شوفوا مسفر وش الي صار في حاله
عين المولع جداها تسكب ادموعـــــــي=وتسهر لعل الغضي يرسل لها(ا) رساله

مسفر بن فهد الفهري القحطاني

تذكرت قول الشاعر
الزين مثل الحياء متبوع ==لوماتلاءالناس يتلون
والشين مثل الدهرمقطوع =يمشون لين يتعدون

على العموم صح لسانك يبعدي والله انك من ربعن يجملون وافين
ولاعليكو زود

صح بدنك

يسلم لي راسك

وشرفني مرورك

صح لسانك مساجله رائعه

وان كان ماوافقو نخضعهـــم خضوعـــي
نمشــي عليهــم برجليـــــه وخيـــــالــــــه



الرمش كل الشكر لك قصيده من اروع الرائعات


تقبل مروري مع تحياتي

صح بدنك وشرفني مرورك يالغلا

الروعه مرورك
وكما عودتينا علي الردود المنسقه والجميله

لك كل الشكر وشرفني مرورك اختي

صح لسانك العذب

صح بدنك وشرفني مرورك

صح بدنك ابو بتال لاهنت علي المرور
الله يحفظ الجميع