|
ياراكب اللي تهوم البعد وترومه
ياراكب اللي تهــوم البعــد وترومــــه .. ركابــــــها مايهاب من اشهب الالي
اسبق من اللي يشــق الارض بنسومه .. ليا كظم واســـــتدار وحق الازوالي قد روعه واحــــد جذعـــــاه مسمومه .. ذبح حتينه وفي الــــــــدوف مامالي وياحامل المســــك وده عند زيزومــه .. هدية غاليه تهــــــــدى على غـــالي وانا اعرف اللي يصر الهيل بكمومــه .. ويضحك حجاجه لظيفه طيب الفالي يقطر شبا خوصته والنار مشعومـــــه .. ماصر لام العيــــــال جنيه وريـالي وقلبي ليادق به هاجوس ماالومــــــــه .. معلق في نـــــصوب تشعل اشعالي حس الرعد والقواري طــــيرت نومه .. ياليتني من عيال الحضر واشوا لـي ارتاح واحـــــفر لعربوب الشقا قومه .. ماورث الكـــدح طول العمر لـعيالي وكلن يعبر لسانه حســــــــب مفهومه .. ولازم يجي في الكلام دقاق وجلالي ولافيه نفس عن الزلات معصـــــومه .. وعلى كلامي هذه احــــط معدالـــي وهذي الابيات رد على قصيدة الشاعر اللي ارسلي يقول في مطلعها ياراكب اللي يجيب البعد في يومه .. عليه قرم قطع به رقرق خالي مسافة الألف في ساعات محتومه توضيح* اللي تهوم البعد وترومه/ الذلول اللي يشق الارض بنسومه/ الضبي جبعاه/ بندق القناص |
صح لسانك الشاعر نايف ال مطلق
قصيده جزله ومنتازه احترامي لك |
ابوطلق صح السانك وعتلى شانك
|
صح لسانك يابوطلق والله يطول عمرك
عندي طلب وانا من زمان ابحث عنه واخيرن حصلتك واتمنى اجده عندك اول شي الله يرحم نيف بن طلق ويسكنه فسيح جناته ثاني شي فيه تقصير من ناحيت تدوين ونشر قصايده ونيف شاعر علم مثلك ومدرسه يستحق نشر قصايده للفائده واتمنى منك نشر قصايد له في المنتدى لو كل وقت تنزل له قصيده مشكله صرنا نسمع قصايده من الاجناب وحنى بني عمه مانحفض له شي وياليت تنزل له من المحاورات اذا كان متوفر شي عندك وشاكر ومقدر لك |
صح لسانك وبيض الله وجهك على الابداع اللي ماهوب غريب عليك تحياتي وتقديري لك
|
صح لسانك. من خيره شعراء الغنانيم..
|
صح لسانك وبيض الله وجهك على الابداع اللي ماهوب غريب عليك تحياتي وتقديري لك |
صح السانك وعتلا شأنك وبيض الله وجهك على ماقدت الله يحفظك بحفظه
|
لله درك يارجل
وسلم منطوقك |
صح لسانك واعتلى شانك
كل الشكر والتقدير وبانتظار الجديد القادم |
| +4. الساعة الآن 11:57 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط