قصيده عليها جايزه عشرة آلآف ريال
 

الله يمسيكم با الخير
والله يصبحكم با الخير

وينكم يا لأذكيا والشعارو العباقره
أتحداكم ثم أتحداكم ثم أدفع لكم فلوس
والله ثم والله أني صادق

عندي عشرة آلآف ريال 10000
عليه الله وأمان الله يا الشخص اللي
يبي يطلّع أسم بنت وأسم أبوها وأسم قبيلتها
من القصيده اللي أبي أنزلها لكم والله لأعطيه العشره
عهد الله
=======
للعلم لمدة عشرة أيام يكون الحل فقط
القصيده

يقول


=======
بيت أبو زيد الهلالي بنوه معـــــــــــلمين=
وأنبتت به شجــــرة البلــــبلأ و البلــــــــــبله

قــــــال بسم الله والله خير الحافـــــــضين=
مــــاتعناه المجــــــلجل وكثر الجــــــــــــــلجله

وحط له حبلين بيـــن العوينه والعوين=
حبل يرخي في منونه وحبل إيطــــــــــوله

وزع الادوار من مــــرتيــــــن ومــــــرتــــــــــــــين=
وعـــــــــلق الصوره وبسمل عــــــليها بســـــــمله

دور لاهل القرب واللي يجون مقــــــــــربين=
ودور للــــــي مــــــــا تجـــــــمل ولا الله جــــــــــــمله

والعيال يمــــين ويسار ويسار ويمـــــــــــــــــــــــين=
أن طــــــــردهم مشكـــــــله وأن تركهم مشكـــــــله

فيهم أهل الحرف والحــــرفنه ومحـــــــــرفنين=
وفيهم اللـــــــــي مثلي الناس ماتــــــــــــــرتــــــاح أله

أن بغــــــــــيته فا الرغأ وأن بغــــيته فا الحـــــنين=
ماعــــــــرف هــــــــو فـــــــأخر الركب وإلا فــــــــــأوله



وسلامتكم
والسلام عليكم
أبي أختصر الموضوع
البنت معرو فين أهلهاوتعيش على قيد الحياه
أ بي أقربكم شوي هلحين ممكن يكون أسمها حروفه قليله
وأبوها نفس الشي

أتوقع والله أعلم ياأبو ممدوح إن البنت اسمها شجرة
وأبوها أبو زيد الهلالي
وقبيلتها بني هلال يعني هلاليه هذا والله أعلم .

اسم الاب العوين
اسم البنت العوينه
اسم القبيله بني يسار

اعتقد ذلك

ابوممدوح احترامي وتقديري===
أبوفايح البنت معروفين أهلهاوهي موجوده على قيد الحياه
تقبل كل الود والاحترام

هلا ابو ممدوح.

ان كان ماخاب ضني

فهي. منونه زيد المجلجل

===========
يامرحبا يا الضامي
الله يسعد أيامك البنت موجوده على قيد الحياه
وبعدين للعلم أول شي أسمها وبعده أسم أبوها وبعده القبيله
تحياتي لك وأحترامي

دقايق وجيك بحلها

يابو ممدوح الله يعطيك العافيه

بلبله بنت ابوزيد الهلالي

اسم البنت: بسمله
اسم والدها : فاخر بن ابو زيد الهلالي
قبيلتها: بني هلال (هلاليه)
تبغى رقم الحساب هالحين والا بعدين
على فكره رقم حسابي بنك الراجحي

سلام عليكم يا بو بطين عز الله انك حطيتها بين العيون يابو ممدوووووووووووووووح ارسل الدراهم لابو بطين

من البارح افكر اقول البنت يمكن من بنات ابوزيد الهلالي وارجع وقول لا هذا لايمكن يحط عليه جايزه لانو واضح كل واحد قرى عن ابو زيد اكيد بيعرف ولكن كرفست المخ لين اذن الفجر ولا طلعت نتيجه ولكن سويت في معروف يوم اسهرتني وخليتني افكر لين صليت الفجر

ولكن ان شاء الله الغز الثاني اول واحد يحله انا

ولوني زعلان عليك يامبارك ولكن ابا اسامحك علىشان الجوايز ههههههههههههههههههه

يابو عواض ويش ودانا بني هلال
البنت معروفين أهلها
وأنا ما لحقت بني هلال الله يحفضك