|
جديد (|أبوعذبي)تاريخ ثابت والعرب تـدري به
قصيدة لشاعر الكبير /سداح ياسر بن بندر بن مدوخ الغنامي غنيّت من هاجس طرا في بالـي هاجس ليا غنيّت له غّنـا لـي لا فرّ دولابي .. وهـزّ اشواقـي جريّت صوتي فـالطويل العالـي من تحت رجلي يوم تاطا واطـي ومن فوق راسي غترتي واعقالي وفي عظم مخي شاشه وطباعـه وبين الضلوع الحدب حاسب آلي شاعر وسط في مركزي متوسط حالي على قدّي وأقّـدي حالـي ما اقول أنا راع الحصان السابق لاشك مع عج الرمك .. خيّالـي ومثايلي .. ماهيب دايـم جزلـه وان جيت امثّلها كثيـر أمثالـي مير العصا اللي في يدي عصايه والوسم وسمي والجمال أجمالي أقودهـا وأسوقهـا .. وأغنـيّ والله يجملّهـا مـع الجمّـالـي أرضى بنقـد الناقـد المتمـرس الواعي اللي ماعليـه اشكالـي واصدّ عن هرج الهبيـل الحاقـد اللي يصب المرّ فوق الحالـي ! أنا سمعت أعـن الزمـان الأوّل وأنـا تحديّـت الزمـان التالـي لي لابه وعزوه وربـع وديـره ماني مع جـرد الفيافـي جالـي تاريخ ثابت والعرب تـدري به يوم الهلالي .. يحتميه أهلالـي أرد عن خالي سوالـف عمـيّ وأرد عن عميّ سوالـف خالـي والطيب أحبّـه واحتـرم جلابـه وأدورّه بـجنيـه وإلاّ ريـالـي وعلى سلومي ما تضيع علومي ووصاة ابويه شلتهـا لـعيالـي والناس خلق اجناس لكن يبقـى اللي عليه العلم .. راس المالـي من سبنيّ من شان قولٍ قلتـه لسانه اللي يفرده وش قالـي ؟ أمّا رضيـت بـحقّـه ومعدالـه وإلاّ عليه الحـقّ .. والمعدالـي ماهـوب مفنينـي ولا محيينـي لا قام يركـز ساقـه ويبرالـي أمرٍ طبيعي لـو تغـار الحرمـه مير البلا من غيرة الرجّالـي ؟ تموّا على كسب الجميلـه تمـوّا ماعاد تنفـع حيلـة المحتالـي الله يكثـرّ خيـركـم ويديـمـه فازوا بـالأولى محتمين التالـي استغفر الله يـوم أعـدّ ذنوبـي وأضيق لا ضاق الحبيب الغالـي بيني وبين الحب وقفـة خاطـر خلاني أعـدّ الهجـوس لحالـي يا اللي وردت الجمّـه المردمّـه راحت حبالك تلتوي فـحبالـي صدّرت عنها والخواطـر طابـت اللّه .. ولا دلو ٍ تطـقّ الجالـي |
أبو عذبي الله يعطيك العافيه وصح لسانك على هذه القصيدة الممتعة
وعساك تسلم ياصقر روق على هذا النقل المميز تقبل تقديري واحترامي أسأل الله أن يحفظ أبو عذبي ويحفظك ويحفظنا وجميع المسلمين من آي مكروه |
صقر روق الناقل الحصري ف
ي المنتدى لقصائد سداح العطاوي صح لسانك ولسان ابو عذبي احترامي لك |
صح السان ابوعذبي
ابومنيف تسلم يمينك |
اقتباس:
المشاركة الأصلية كتبت بواسطة أبو بتـــــال http://www.gnanim.com/vb/gnanimxp/buttons/viewpost.gif أبو عذبي الله يعطيك العافيه وصح لسانك على هذه القصيدة الممتعة وعساك تسلم ياصقر روق على هذا النقل المميز تقبل تقديري واحترامي أسأل الله أن يحفظ أبو عذبي ويحفظك ويحفظنا وجميع المسلمين من آي مكروه أبوبـــتال شرفني مرورك وتعليقك تحياتي وتقديري |
اقتباس:
المشاركة الأصلية كتبت بواسطة برق الشمال http://www.gnanim.com/vb/gnanimxp/buttons/viewpost.gif صقر روق الناقل الحصري ف ي المنتدى لقصائد سداح العطاوي صح لسانك ولسان ابو عذبي احترامي لك أبوعبدالهادي شرفني مرورك وتعليقك تحياتي وأحترامي |
اقتباس:
المشاركة الأصلية كتبت بواسطة نوح فايح الغنامي http://www.gnanim.com/vb/gnanimxp/buttons/viewpost.gif صح السان ابوعذبي ابومنيف تسلم يمينك أبوفايح مرورك شرف لي تحياتي وتقديري |
.
. . الله ،، الله ،، الله يابو عذبي ،، قمة الادب والتواضع من شاعر عملاق صراحة ان يعترف كل هذه الاعرافات ويعبر عن مايجول في خاطره بهذا الكم الحسي المعنوي صح نقلك ياصقر روق وشكرا شكرا شكرا كل الشكرلك تحياتي واحترامي واعجااااابي الكبير بهذه الفاتنة اعلاه اخوك : سلطان .. |
اقتباس:
المشاركة الأصلية كتبت بواسطة سلطان مطلق الغنّامي http://www.gnanim.com/vb/gnanimxp/buttons/viewpost.gif . . . الله ،، الله ،، الله يابو عذبي ،، قمة الادب والتواضع من شاعر عملاق صراحة ان يعترف كل هذه الاعرافات ويعبر عن مايجول في خاطره بهذا الكم الحسي المعنوي صح نقلك ياصقر روق وشكرا شكرا شكرا كل الشكرلك تحياتي واحترامي واعجااااابي الكبير بهذه الفاتنة اعلاه اخوك : سلطان .. أبوديما شرفني مرورك وتعليقك طال عمرك |
مشكور صقر روق
|
| +4. الساعة الآن 10:12 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط