جت في يديها وردتينٍ حمر


قبل الشفق و الشمس محمره


العنق نافر و السوالف خمر


و الموت بين العنق و الغره


و الريح تاخذ من شعرها غمر


تلعب معاه شوي و تثره


ذاك الثليل اللي جمرني جمر


اللي بغيت اموت من حره


قلت انورت كل الدروب السمر


و العيد جا يمشي على الجره


برق السنين و مجهمات و قمر


جيتي و خفاقي نفض شره


الليله ليله من ليالي العمر


و احلى ليالي العمر بالمره


قالت غيابك و انتظارك جمر


و ابطت تعاتبني و تتشره


قلت ابشري والرمش يا مر أمر


يالول وجداني و يا دره


و اللي جمعنا يا انتظار العمر


ما اعود هالفرقا ولا مره