|
الشـمـري والعـتـيـبـي
هـذي مجـاراه اورد بـسيـط علـى قصيـدة الشـاعـر الكـبيـر هـلال الشـمـري
بعد مانزلت ابيات في منتداه وطلبت منه حذف اوايقاف العضويه وكانت الابيات غزليه منها هذه الابيات قلبي شكالي قصة الحب ياناس ---------------------------- قصه غريبه والوصوف العجايب ثم قلت له ياقلب لاباس لاباس ---------------------------- هذي ترا الدنياء ظروف ومصايب نوب الزمن يصفي كماصفوت الماس ---------------------------- ونوبً يسوي فالمحب الغرايب قال الزمن ذوقني المر بالكاس ---------------------------- وانا ارميت بـسـهم والسهم صايب ولي رماني سولعي عذب الانفاس ---------------------------- نساني الخـلان وياء القرايـب 000000000000000000000000000000000000 وقال هلال هذه الابيات قـال الـذي فـي داخلـه تُحبـس انفـاس ===============ويـزفـر مــن اللـوعـات شـيّــن عـجـايـب مـن ضيقتـه كـن الفضـاء يخلـق اليـأس ===============والـوقـت يطـلـب مــن حـيـاتـه ضـرايــب سـلام يابـن الـلـي لـهـم كــل نـومـاس ===============يـــوم الـرجــال تـســاق دون الـركـايــب سـلام يابـن اللـي علـى الـدوم نبـراس ===============وســـلام لأعتـيـبـه ســــلام ورحــايــب واخص ابـن مطلـق مـن الـرأس للـرأس ===============ولاخـاب مـن ينـصـى عـريـب النسـايـب انتـم هلـه .. وانتـم هـل العـز والـبـأس ==============وانـتــم ذراهـــن .. لأنتخـيـتـوا كـتـايــب يامـسـنـدي والـوقــت مـافـيـه عـبّــاس ==============والـحـزن شــد بـداخـلـي لـــه نـجـايـب احس بإحساسك والإحساس حسّاس ==============ومن حس بإحساسك يشوف الصعايب وانــا انتصيـتـك وانـــت لـلـنـار مـقـبـاس ==============الـبــرد حـاديـنـي وشــفــت الـرهـايــب يـوم ان عـودي عـاش جابـولـي الـفـأس ==============كـلــن يـبــي قـطـعـي ولانـــي بـتـايـب لفّـيـت انـــا بـيـتـه ودقـيــت الاجـــراس ============== وطلبـتـه يـدهـا مـــن مـواكـيـر شـايــب مــن بعـدهـا مابيـنـنـا شـــروا انـجــاس ==============عـذالـنـا حـسـبـي علـيـهـم حـسـايـب هـذا وأنــا يامسـنـدي جـيـت محـتـاس ==============رغــم الألـــم جـيـتـك وكـلّــي طـلايــب وانت الذي من جـاك ماحـاش الافـلاس ==============مـايـرجـع الا كـاسـبـن لــــه كـسـايــب وانـــا اطـلـبـك تـبـقــى وتبـقـالـنـا رأس =============والّا مـعــك خـذنــي .. ولانـــي بـهـايـب وهـذا ردي يامرحبا ترحيبتـ ن ساسها ساس ================= ساسـ ن عزاز ولاتجيه الخرايب ترحيبتـ ن من قلب صافي ومن راس ================= من راس روقيـ ن يدوس الصعايب يالشمري لاهنت والطيب نبراس ================== يكسي بني شمر شبابـ ن وشايب انتم هل الغلبا هل الجوخ والطاس ================== ورادة الموت الحمر فالحرايب وفالجود معروفيـ ن من خيرة الناس ================== اهل الكرم واهل البيوت النصايب وياراعي المطلوب لاباس لاباس ================== اللي تبيه يصير لوكان غـايـب ابشر بقو الشعر والراس والباس ================== وليـا دعيـنا فالـطلـب مانـغـايـب وسلامتكم,,, |
وانت سالم
وبيض الله وجهك على هذه المشاركه الجميل |
شاعر غنام
حضورك يسدني عن باقي المشاهدين!! وصح كلك ولاخلا ولاعدم |
بيض الله وجهك ووجه الشمري
|
حكيم الراي
حياك ربي وبيض الله وجهك وصح بدنك ولاخلا ولاعدم |
بيض الله وجهك ووجه الشمري |
صح لسانك ومبروك المنصب تستاهل والله شاعر عملاق ومبدع تحياتي وتقديري
|
بيض الله وجهك وبيض الله وجه الشمري ومشكورين على هذه المجاراه الممتعه
|
برق الشمال
صقر روق ابوبـتـال حياكم الله وصحت ارواحكم وابدانكم وبيض الله اوجيهكم على هذا الحضر ولاخلا ولاعدم |
| +4. الساعة الآن 12:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط