|
مرثيه_أبومسري _فقيد الطيب
مرثيه في الشيخ المرحوم/عريمط بن براصي بن نافه الغنامي رحمه الله قالها الشاعر حين وفاه جده هو الشاعر: ياسر بن بندر بن مدوخ الغنامي الملقب: سداح العتيبي . مواكـب الحـزن تمشـي مـن مكـان لمكـان الـمــوت يقـتـادهـا .. والـصـبـر يبـرالـهـا ** تفتـح صـدور العـبـاد ولا عليـهـا ضـمـان إلـيــا تمـثـنـت قـلــوب الـنــاس تغـتـالـهـا ** يـا مـرسـل التهنـئـه بالشّـمـع والشمـعـدان أرجــوك كـــلّ التـهـانـي قـفّــل إرسـالـهـا * مـع خالـص الشّكـر والتقـديـر والإمتـنـان مـانـيـب ويّـــا عـلــوم ٍ جـيــت مشتـالـهـا ** وشلون تنقز كذا .. يا هلال شهر رمضان أستغفر الله مـن ( وشلـون ) مـن قالهـا ؟ ** مـن يـوم هلّيـت هلّـت يــا الله المستـعـان صـواعــق الـعـلـم فــــال الله ولا فـالـهــا ** هـــزت كـيـانـي وخلّـتـنـي بـلـيّـا كــيــان أجـاهــد الـــروح لـيــن يـهـيـد زلـزالـهــا ** مــع دخـولـك قـبـل نــورك عليـنـا يـبــان والـوف قلبـي .. ونفـسـي وابــري حالـهـا ** وأنــا عيـونـي هزيـلـه والمـدامـع سـمـان يـــا لايـمـيـن الـعـيـون مصـابـهـا جـالـهـا ** خلوني أربط على صـدري حـزام الأمـان وأدعـوا لـي الله يجيـر النفـس مـن حالهـا ** فقـدت راس ٍ عزيـز ومـن طـوال اليمـان قـامـت عـلـيـه المـنـيّـه تـطــوي حبـالـهـا ** فـقـدت وجــه ٍ كـريـم وهيـبـة ٍ مــا تـهـان فـقـدت نـفـس ٍ تـحـوز الـمـدح بخصالـهـا ** فقـدت رجـل المعالـي مـا ضـرا بالطمـان فقـدت نـسـل الـكـرام ومـضـرب أمثالـهـا ** فقـدت تاريـخ حافـل مـن سـجّـل الـزمـان فـقـدت مــن سيـرتـه بالـطـيـب منـزالـهـا ** وشلون أبرثيه وعشري عقـب فقـده ثمـان وقصيدتـي عـن فقـيـد الطـيـب يرثالـهـا ! ** عسـى المراجـل بعـد موتـه تجـار وتعـان المـرجـلـه فـاقــده واحـــد مـــن رجـالـهــا ** هلّت عليـه المنابـر دمـع .. مـع كـلّ آذان إمـــام ربــعــه .. ومفـتـيـهـا .. وخـيّـالـهـا ** وتبكـي علـيـه النخـيـل اليابـسـه واللـيـان والــبــن والـهـيــل والــدلّـــه وفـنـجـالـهـا ** ويبكي عليه الكـرم عقـب إنفـلات العنـان راعـيـه يــوم الـمـكـارم محـتـمـي جـالـهـا ** والشعر يبكي وينشـد عـن فصيـح اللسـان ومساجلاتـه غشاهـا الـحـزن وأومــا لـهـا ** فـيــه الـتّـقـا والـنّـقـا والـعـقـل والإتـــزان والسـيـره الطـاهـره رامــت لــه وطالـهـا ** عسـاه مرحـوم يــوم الحـشـر والإمتـحـان ومجـار فــي سـاعـة ٍ مــا تـامـن اهوالـهـا ** في ظل ربه وينعـم وسـط خضـر الجنـان يـظـلّــه بـرحـمـتـه ويـعـيــش بـظـلالـهــا ** الله يغسـلـه مــن ذنـوبـه ويـبـقـا مـصــان ويعتـق مـن النـار يــوم الخـلـق بأعمالـهـا |
الله يرحم عريمط ويسكنه الجنه و يغفر له
و المدح ما يستغرب في اللي يستاهله وصح لسان سدااااااح وبيض الله وجهه ولا هنت يا صقرنا |
.
. الله يرحمه رحمة واسعة ويغفر له ويوسع مدخله واموات المسلمين اجمعين ،، شاعر فذ ورثائية في فقيدة عز الله شكرا لنقلك ياصقر روق وفيه بيت : مــع دخـولـك قـبـل نــورك عليـنـا يـبــان لابد من تعديله اظن انه هكذا : من دخلتك قبل ما نورك علينا يبان هكذااا اتوقع فلابد من مراجعة القصيدة او الموقع الذي نقلت منه ،، شكرا جزيل الشكر لك اخوك : سلطان .. |
اقتباس:
المشاركة الأصلية كتبت بواسطة نواف الغنامي http://www.gnanim.com/vb/gnanimxp/buttons/viewpost.gif الله يرحم عريمط ويسكنه الجنه و يغفر له و المدح ما يستغرب في اللي يستاهله وصح لسان سدااااااح وبيض الله وجهه ولا هنت يا صقرنا وجهك أبيض يابوعيد شرفني مرورك وتعليقك تحياتي وتقديري |
اقتباس:
المشاركة الأصلية كتبت بواسطة سلطان مطلق الغنّامي http://www.gnanim.com/vb/gnanimxp/buttons/viewpost.gif . . الله يرحمه رحمة واسعة ويغفر له ويوسع مدخله واموات المسلمين اجمعين ،، شاعر فذ ورثائية في فقيدة عز الله شكرا لنقلك ياصقر روق وفيه بيت : مــع دخـولـك قـبـل نــورك عليـنـا يـبــان لابد من تعديله اظن انه هكذا : من دخلتك قبل ما نورك علينا يبان هكذااا اتوقع فلابد من مراجعة القصيدة او الموقع الذي نقلت منه ،، شكرا جزيل الشكر لك اخوك : سلطان .. أبوديما شرفني مرورك وتعليقك والبيت هكذا مرسول عليا على الفيس بوك تحياتي وتقديري |
الله يرحم ابو مسري وجميع أموات المسلمين وبيض
الله وجه الشاعر والناقل تحياتي وتقديري |
الله يرحم ابو مسري،،،وصح لسان ؟؟!
سداح شاعر الحداثه .. |
اقتباس:
المشاركة الأصلية كتبت بواسطة الشاعر سلطان براك الغنامي http://www.gnanim.com/vb/gnanimxp/buttons/viewpost.gif الله يرحم ابو مسري وجميع أموات المسلمين وبيض الله وجه الشاعر والناقل تحياتي وتقديري وجهك أبيض شرفني مرورك العطر تحياتي وتقديري |
اقتباس:
المشاركة الأصلية كتبت بواسطة سامي العتيبي http://www.gnanim.com/vb/gnanimxp/buttons/viewpost.gif الله يرحم ابو مسري،،،وصح لسان ؟؟! سداح شاعر الحداثه .. سامي شرفني مرورك المميز دائما تحياتي وتقديري لك |
رحم الله عريمط رحمة واسعه وادخله فسيح جناته
وصح قولك ومنقولك ياصقر روق |
| +4. الساعة الآن 12:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط