منتديات شبكة قبيلة الغنانيم الرسمية - أبن دراع اللي يسوي المجارير

هذه قصيدة الشاعر المعروف محمد بن جريس الغنامي
رحمه الله وأسكنه فسيح جناته وأموات المسلمين
ردن على قصيدة عبد الله ابن دراع المرشدي

عبد الله بن دراع المرشدي يقول

أبن جريس اللي يجيكم على البير *** يمناه من دمان أخوكم محناه

أخوك عانه فا المرابيخ يا منير *** شبت عليه النار كنه ولد شاه

تراه عند أمتيهين المعاشير *** مرباه يم الخال عندك أهنياه

والقرن يا الهروال فوق الغنادير *** ونته تكد القرن ألأشقر وتثعاه

لا يحضرني من قصيدة المرشدي إلا هذه ألأبيات
وهذه قصيدة المرشدي يستفز فيها الهروال ومتهم ابن جريس في قتل
ضلمن وبهتان والعياذ با الله وهذه القصه حصلت في أوئل حكم عبد العزيز

ومن ثم رد محمد أبن جريس رحمه الله وقال

هاظني قافن لفا مناعير *** أبن دراع وقافه اللي تعمقاه

أبن دراع اللي يسوي المجارير *** يا جعل رب البيت با الظلم يبلاه

لين العساكر تقظبه با التعازير *** أباه يونس ما لقانا ويلقاه

يومن ما سوت إدينا بواذير *** جعل الظلايم كلبوها تظواه

يا دراع ما عقبت فيكم مواثير *** حسبي على منهي فعوله ومجراه

لكنكم ماتسمعون المعاذير *** يوم أتعذر كل عذرن بتقواه

الله يجهركم بكل الجواهير *** ما سدكم حبس الملك والكلبشاه

أنا ثمان أسنين أدير التفاكير *** يا دراع مدري مالنا ويش ماواه

وغاره ثمان أسنين يا أدراع تصبير *** من فعلكم يادراع ماهيب مشهاه

دندر علينا أبن وهق با الدنادير *** ولا همن ألأ موتنا قدم نجزاه

أنتم صدرتوا فا الخطاء با المعابير *** فا الظلم ولا ماش بذرن بذرناه

حنا حيام ولا عطينا مصادير *** سوات من مظمي وتوقف ظماياه

يا دراع ما عينت حام المعاشير *** كمله وحنا عندكم ما نسيناه

خلي عشا لمعكفات الدناقير*** يا دراع مرمس والسداد إترجاه

يا دراع ما ثيري براع المجادير *** وعقب البطاء لابد بلحاف ووقاه

ما زال ما سيقت عليك المظاهير *** ما يهجي الحزنان زاده ولا ماه

متى نشوف الملح مثل المعاصير *** في ملحكم يا دراع مابه مفافاه

أبن دراع أتزبر الكذب تزبير *** وألا أنت بطنك فيه غشك وتلقاه

ما زال ما عديت كبشان والنير *** تا طا الوعر ما تونسه يوم تاطاه

تحطلك با الليل عنا نواطير *** نسهر عيونك بأول الليل وأتلاه

وحنا لكم يا دراع مثل المداوير *** وحنا إدانا فا القدايم محناه

ودراع باقن عنده أنا مساعير *** سعرن نجيب وناخذه ما عطيناه

سعرن يجنمبه عاتقات المسامير *** شغل النصارى اللي من الموت مسقاه

تلقاه من خطو الوجيه المسافير *** لاكن صبر وفعلنا لا تباطاه

أدراع جعل أمه وابوه الـ زمهرير*** حنا طنايا كان عينه مشقاه