منتديات شبكة قبيلة الغنانيم الرسمية - ينـقـلـع هـمــي مـثــل مـقـلـع طـمـيّــه

عدنـــا مجددآ مع دكتور الشعر وشاعر الحدث الشاعر الكبير/ سداح الغنامي العتيبي مع قصيده لها معانيه وأسلوبها وأليكم القصيده:

الـلـســان حــصــان والـنــيّــه مـطــيّــه
كلـمـة ٍ تحـسـم بـهــا كـــل الـدعــاوي

وأن دخـل فـي صفّـهـا حسـنـه وسـيّـه
الفـتـاوي تـوخـذ مــن أهــل الفـتـاوي

كـثــروا الـشـعّــار .. والــذمّــه بــريّــه
وكــل حــاره وسطـهـا عـمـده وراوي

عـلـمّ الـلـي مـــا ورد حـــوض المـنـيّـه
والله أنّـــه مـــا ورد عــــدّ ٍ رهــــاوي

الــزمــان يــــدور بـأعـمــار الـبــريّــه
مــا ورا طـــول الـزمــان إلاّ الـبــلاوي

هـاجـسـي عــيّــت عـلـيــه الـجـاذبـيّـه
فوق خـط الاستـواء .. سـارح وضـاوي

يعـتـرضـنـي بـالــريــاح الـمـوسـمـيّـه
ليـن ينحانـي عـلـى السـيـل النـحـاوي

يستـمـيـل مـــع الـلـحــون الـسـامـريّـه
ويسـتـوي لا قــام ويطـيـح مـتـسـاوي

مانـحـتّـك يــــا الــحــروف الابـجـديّــه
غير موحي لي في صدري ذيب عاوي

كـــم يـشـيـل الـرجــل عــلّــه بـاطـنـيّـه
مـــا كشـفـهـا لا طـبـيـب ولا مـــداوي

والغـيـاب الـلــي مـسـبـب لـــه قـضـيّـه
مـــا تـرجّــا مـنــه تـرديــد الـرجــاوي

يـــا لـعـلّـه فــــدوة رجــــال الـحـمـيّـه
والبـقـا فــي روس مخلـفـة الهـقـاوي

جـيــت أسـلّــم مـحـزمـي و البـنـدقـيّـه
وأحتفـظ بالثـوب والبـشـت الحـسـاوي

والـنـشـامـى حـقـهــم ثــابــت عـلــيّــه
مـن وفاهـم يخجـل الـرجـل الحـيـاوي

مـيـر هـانــت عـنــد رفـــع المعـنـويّـه
الـبــرا مـــردود .. والـمــردود حـــاوي

مــن نشـدنـي عــن غــلا نـجـد الـعـذيّـه
قلـت لــه قلـبـي عـلـى شـفّـه شـفـاوي

عشقهـا يعـزف فـي قلـبـي سمفونـيّـه
هــايــم ٍ بلـحـونـهـا وانــــا هــــواوي

الـســمــاء خـــــلاب والارض بــدويّـــه
والهبـايـب مــا تـجـي لــك بالمـنـاوي

مــا شـبـرت الـقـاع مـجـهـول الـهـويّـه
لـي وجـود ولـي جـدود ولــي عــزاوي

يــــا مـبـشّـرنــي بـجــولــه عـالـمـيّــه
لــو تسـيّـر بــي عـلــى وارد عـــراوي

أعـتـبـرهـا مــــن مـعـاريـفـك هــديّــه
مـــا تـقــدّر عــنــد تـقـيـيـم الــهــداوي

الــرعــاه الــلــي يـحـفـظـون الـرعـيّــه
مـا تـزحـزح حبـهـم وأمــره سـمـاوي

أن دخـلـت حـدودهـم حـسـب الـوصـيّـه
أنهـض الجنـحـان يــا الـحـر الـنـداوي

ينـقـلـع هـمــي مـثــل مـقـلـع طـمـيّــه
ويسفـهـل الـخـاطـر الـلــي فـيــه لاوي

خلّـنـي وأخــذ الـســلام مـــع التـحـيّـه
و وزّعــه عـلـى الجمـاعـه بالتـسـاوي

وان نـشـدك الـلـي يـبـا مـنــك الـحـذيّـه
قــول هــذا قـــول ســـداح الـعـطـاوي

أسـلــم وسـلــمّ عـلــى جــــوّ الـحـويّــه
عقـب مـا نسنـس هـوا عبلـة مــلاوي !