|
دخلت فا الدنيا وأنا مامعي شي=
الظاهر الايام هذي أبي ِاشغلكم با ألاسئله
لاكن أسمحولي على ألازعاج فيه بيت غريب ولاأعرف صاحبه اللي يعرفه أويعرف القصيده يكتبهاويكتب أسم صاحبها ؟؟؟ (دخلت فا الدنيا وأنا مامعي شي= وأروح منها ما أعرف اللي دفني) |
خذ راحتك يا عم لا شغله ولاشيء
احنا فاضين ترا !! وان شاء الله يفيدونك الشباب |
هذى طال عمرك لعبد من عبيد سبيع وكلنا عبيد لله
أسمة مبارك فايز البخيت السبيعي والقصيدة : سجه مـع الهاجـوس طبيعـة ٍ لـي طبيعـةٍ بامـوت ماجـزت عنـهـا أشكي على الخلاق وارفع لـه إيـدي لاكثـرت الأفـكـار يـفـك منـهـا أما الكرم قد فـاز بـه حاتـم الطـي حتى الفرس من شان ضيفه طعنهـا خلوني أكرم في حياتـي وانـا حـي ولامت مـدري جثتـي مـن دفنهـا خلقت في الدنيا وانـا مامعـي شـي وبروح منهـا مامعـي شـي منهـا مسكين ياللي تحسب الواجـد شـوي والعافيـه لـو تنشـري وش ثمنهـا ياجاهـل الدنيـا تراهـا كمـا الفـي يامخبل اللـي فـي حياتـه ومنهـا إن ناحرت لك قامت تـروح وتجـي مثل الذلـول اللـي طويـلٍ رسنهـا وإن أدبـرت خلتـك طايـح ومرمـي وكم واحـد ٍ لـه حاجـةٍ ماضمنهـا لابد مانرحـل عـن المـزح والغـي ونسكن بيـوتٍ قبلنـا مـن سكنهـا النفس مثل الغصن عايش على الـري ولولاه كـل النـاس عافـت وطنهـا يالله عسى الحسنات تقضي على السي لاقربـوا للنفـس ذرعــة كفنـهـا |
نعم صريح جاب القصيده وأسم الشاعر
بشكل صحيح والبخيت في الوقت الحاضر من سكان الدمام وهو في سن متقدم حيث قد قارب الثمانين من عمره تحياتي للجميع |
صح لسانه وبيض الله وجهك ياصريح ملايين البياض
والاخ اللي يقول أنها له أنشا الله يقراها على الصفحه وتحياتي لكم |
صح لسانه وبيض الله وجهه
|
نعم صحيح ماذكره صريح وتصديق (لما ذكروه أللأخوان ----- صريح ----- وسلطان ) ألبخيت صاحب هذه القصيده وهو كان في الحرس الوطني في بحره في جده عام 1395ه وكان عنده ضيوف ويسوي القهوه لهم ويمزحون معه ويقولون له انت عبدن مهبول بكره الحرس يقاعدك وتجلس ماعندك شيء |
قصيدة أكثر من رائعة
سلمت يا صريح سمعت لقاء للشاعر مدغم ابوشيبة يقول أنها للشاعر مفرج المشعبي السبيعي في قصيدته اللي يقول فيها انا البارحه يوم الهبايب تسوق الموج من البحر الاحمر لين يصفق على الجالي تدافع هجوسي بين ريع الضلوع العوج وانا ذا الزمان ادناة ما اثر على حالي اليوتيوب ما يفتح عندي في الدوام بإمكانك البحث عنها في اليوتيوب قصيدة مشعل العروج تحياتي للجميع |
القصيده مثل ماذكر صريح
ياابو ممدوح ومتى ماجيت ناون حفر كشب مر تقهوو عندى في ظلم واعطيكيها تسجيل بصوت راعى القصيده وقصتها كامله الجوالات ماخلت شي تقبل مرورى |
| +4. الساعة الآن 12:50 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط