منتديات شبكة قبيلة الغنانيم الرسمية - العـمـر فـرصـه والحـيـاه ايــام والـدنـيـا ظـــروف

العـمـر فـرصـه والحـيـاه ايــام والـدنـيـا ظـــروف
والمشتبـه بالامـر مـا بيـن الحـرام مـن الـحـلال

الشعـر ديـوان العـرب وانـا بشـعـري فيلـسـوف
اترك اهزال الشعـر وانقـى مـن معانيـه الجـلال

البارحه صدرالجنـوب يضيـق واشـوف الحسـوف
وين انت يا صدرالشمـال احتجـت للفزعـه تعـال

وردت مجاهيم الليـال احيـام ورياحـي شعـوف
من يوم وقفني بدرب العشـق يسالنـي سـؤال

واقولـه بينـي وبينـه يـا عسـا الـحـب مخـلـوف
ان مارجـع ربـحـه عـلـي والله لا ارده راس مــال

كم لي وانا تكويني الدنيا علـى روس الكتـوف
واشيل ما لا اطيق من شانك واحملهـا الجبـال

ومديت لك ريحانة الاشواق فـي بيـض الكفـوف
قبـل يجـف العـطـر والاشــواق تدفنـهـا الـرمـال

وقفتني في الشارع الضيّـق وممنـوع الوقـوف
مـسـار واحــد والمصيـبـه لا يمـيـن ولا شـمـال

تـقـول طوّفـهـا مـعـي واقــول عـيــت لا تـطــوف
اجيـبـهـا مـنــا تـجــي مـنــا و لا فـيـهـا مـجــال

والحـب مـا ينـفـع مـعـه فـزعـه ولا واو معـطـوف
والحـب لـو زالــت جـبـال الارض ذكــره لا يــزال

يرقا على رجـم الغـرام ويصدمـه نبـض الحـروف
اشوي من نسج الغلا واشوي من نسج الخيال

وش عـاد لـو غنيـت طاروقـك وصفيـت الصفـوف
صفٍ يبا ياقف معي وصفٍ اليا مـن رحـت شـال

والله لتبطي ما وصلـت ادنـى مواصيـل الهنـوف
الجـادل اللـي دمعهـا لارحـت والا جيـت ســال

الجـادل اللـي طيفهـا عنـدي ولا كــل الطـيـوف
ام الــحـــلا ام الــغـــلا ام الــدلـــع ام الـــــدلال

الـلـي هدايـاهـا مـلـت كــل الـزوايــا والـرفــوف
يطـلـع ابطلتـهـا بــدر ويغـيـب لا غـابــت هـــلال

وانــا اقـدرهــا مـثــل تـقـديـر حـاتــم للـضـيـوف
واطـرب علـى فيّـة غلاهـا كـل مـا مـال الظـلال

اعيشهـا عيشـة عمـر مابيـن امـن وبيـن خـوف
ازرع لها شعري وهي تسقيه من غيث الوصال

حتى خذتني عشـق وانـا اخذتهـا رغـم الانـوف
واسكنتها روحٍ عن اهروج البشر منفى اعتقال

والا انـت قربـك مـا يشجعنـي وفرقـاك امعـروف
اقلـط علـى نـزف الشعـر والفـال يقفـاه العقـال

حتـى لـو انـت الـذ مـن تمـر المدينـه والهفـوف
ارحل ترى ايامك خضر لكن ترى اسنينك اهزال

وفـر ادموعـك دام دمعـك مـر والـدرب امحـفـوف
جعلك فـدا مـن هلـت ادموعـه علشـان ابتهـال

منقووووول