نوادر لشاعر الكبير/ سداح العتيبي
 

من نوادر الشاعر الكبير/ سداح الغنامي العتيبي


يا داعي الشعـر مـا للغطرسـه داعـي
قصايـدي كلـهـا بالخـتـم مختـومـه
لا فاضوا المبدعيـن وغـاض الإبداعـي
بالنـاس معطيـه وبالنـاس محـرومـه
تشكيلـة عامـره مـن كـل الأنواعـي
فيهم على القيمه وفيهم علـى القومـه !
الحمـد والشـكـر لله ثــم لـذراعـي
ما جيت مـن بينهـم يمنـاي محزومـه
لو ترقص الموهبـه وتطـق الأصباعـي
قلدتهـا مـن عقـود المـاس منظومـه
عـز الله أن الزمـن ماكـر وخـداعـي
ثـوب الريـاء يلبسـه وينفـذ كمـومـه
لا طال عمـر الضعيـف قصيـر الباعـي
مراجلـه بـيـن حنجـرتـه وبلعـومـه
أغلب نجوم الورق طاحت علـى القاعـي
وأغلب نجوم السمـاء فالليـل منجومـه
يا قاضـي العـدل ويـن الناقـد الواعـي
مفقود.. هو مـات وإلا ضاعـت علومـه
أنا مـا قلـت الرعيـه مـا لهـا راعـي
إلا بعـد شفتهـا ماهـيـب ماسـومـه
عسـى مزاجيتـي مـا تخلـف أطباعـي
وعينـي لهـا نظـرة بالعقـل محكومـه
وقع يا طير السعد وأعزف علـى إيقاعـي
جناحـك المنكسـر مـا يكسـر الحومـه
تون يوم الفضـاء عصـاك مـا طاعـي
وأنته ما ترضى الهوان .. وزومتك زومه !
أبتقاسـم معـك تـوزيـع الأوجـاعـي
يا حر كبـدك مـا بيـن الحـر والبومـه
لا تشرح أوضاعك.. ولا شارح أوضاعـي
كـل عطـاه الولـي رزقـه ومقسومـه

صح السان الشاعر الكبير ابوعذبي
صقر روق احترامي وتقديري لك

صـح لـسان الـشـاعر سـداح..
وأشــكـر صــقـر روق ع الـنقـل

صح لسان الشاعر الكبير ياسر الغنامي
وبيض الله وجه الناقل تحياتي للجميع

.
.


والله ياصقر روق ياصاحب هذا الذوق الرفيع انها من نوادر الشعر الحالي

في حبكها وسبكها ومتضاداتها ومتناقضاتها طباقها مقابلتها ،، ايحائاتها وتشبيهاتها

مبدع هو ياسر بندر في كل صورة وفي كل شطر تجد له بصمة واضحة المعالم ،، ومغايرة

عن غيرها من الصور ،، له قاموس خاص ،، واسلوب يخصه هو وحده لاغيره ،، شاعر حقيقي

وانسان يهبك اجنحة للتحليق في سماوات فكره الفاخر الزاخر بكل جميل ،،

شكري لك على هذه الهدية ياصقر روق

تحياتي واحترامي

اخوك : سلطان

..

يا قاضـي العـدل ويـن الناقـد الواعـي
مفقود.. هو مـات وإلا ضاعـت علومـه
أنا مـا قلـت الرعيـه مـا لهـا راعـي
إلا بعـد شفتهـا ماهـيـب ماسـومـه


ظاهرة وتحدث عنها هذا المبدع في أشعارة

صح لسان أبو عذبي

وتسلم يـ صقر روق على الإيراد

لا طال عمـر الضعيـف قصيـر الباعـي
مراجلـه بـيـن حنجـرتـه وبلعـومـه
أغلب نجوم الورق طاحت علـى القاعـي
وأغلب نجوم السمـاء فالليـل منجومـه



ياسلام ياسلام
قصيده جميله وراقيه من هذا السداح
فـ لله درك يا شاعرنا , وهذا البيت
خيال , مشكور ياصقر روق دمت مبدع

صح لسان سداح
وسلمت يمينك ايوه الصقر
على النقل الرائع