|
طلال تعال ما عاد فيه غار مصامخ !!
اسعد الله مساكم جميع
واستلم يا طلال :shiny01:
يدور الزمان , ويظهر الخافي المستور = لآبد الخوافي دور الايام يظهرها بعد ما قرينا سيرة العود ابو حنجور= عياله يبو فيصل وش اللي يعذّرها |
نواف صح لسانك
|
العشا وين بس خل المصامخ:harhar1:
يدور الزمن ويبين اللي عليه الدور=هذا ينزل الديره وهذا يغادرها بعد ماطوينا سيرة الشايب المذكور=وش اللي طرا من علم حتى تكررها |
ارحبووووو يالربع
صح الله السنتكم واصلو وحنا متابعين |
ياسلام ياسلام هذا والله الشعر
صح السنتكم ومتابع عن قرب |
الطرقي يامرحبا تراحيب المطر
صريح صح بدنك وخلك فالصف |
انا شفت لي رجل ٍ عمى يقتدي بالعور = و من سو حظّه فالرديه يشاورها اثر فالعلوم اعلوم يالطير ابو دنقور = تظنّ الظنون , و مستحيل ٍ تغيّرها |
اياد
صح بدنك ولا هنت على التواجد |
ابك الرحب يالطرقي
وصح بدنك و متابعتك شرف |
اررررحب يا صريح
وصح بدنك وتعال في صفي :) |
صح لسانك يانواف
صح لسانك ياطلال بيض الله وجيهكم واصلووو |
صح بدنك يا سمو
ووجهك ابيض و متابعتك نوماس |
عليك الله اكبر كيف تشهد شهادة زور=تبا تنكب الاصحاب حتى تعيرها بعد ماحذفت الجار لاتتدرق بالسور=تبين وعد الحجه اللي محضرها |
سمو الذات متابعتك شرف
|
كلكم عينين في رأس
أنا في صفكم كلكم شعار مافيكم حيله الله يبيض وجيهكم وتشرفون أسم القبيلة |
انا والله اني فالزمن ما عليّ قصور = و علوم ٍ تجيني واثق ٍ من مصادرها من تصيبه الشكّه نبا نقول له ماجور = لجل عزوة ٍ ما ودي أجرح مشاعرها |
نواف صح لسانك
|
صح لسان الشعار نواف وطلال
وتراني جالس بين الصفين واللي يبا ماء يتنحنح واجيبله شاهي |
عرفنا سبب علتك ياذيبنا المسعور=بعد رحت للاموات تنبش مقابرها واذا كان ماتقدر على الكايده معذور=تريح وتلقا من يواجه مخاطرها |
ابو مشعان اقرب جاي
صفي يباله عصير ههههههههههههههه صح بدنك |
هههههههه
تفوح الصدور من الزعل و البلد معمور = و باطن هل الديره مايشبه لضاهرها ليا شفت رجل ٍ فالبلد منهي و مامور = ( ترى صحبته لو برّقت يفسد آخرها ) ههههههههههههههههه |
صح السانكم شعار مبدعين
|
انا مادريت ان الرجل خاطرها مكسور=طلع علتن يالربع ماني بخابرها شهدت بشهادة حق والله ماغط النور=(لكن الحضوض الدامره من يعمرها) |
ماشاء الله تبارك الله شعر كامل مكمل
الله يحفطكم ولا يظركم كل الود .. |
فيصل صح بدنك و شاكر لك تواجدك
______________________ ابو مشعان صح بدنك هههههههه ما فيه قهوه ؟؟ ههههههه شاكؤ لك تواجدكــ يالقرم _______________ نوح فايح صح بدنك و الابداع تواجدك يالقرم ________________ سمو الذات الكامل وجه الله :) شاكر لك مرورك العطر لا عدمتكـــ يالغالي ______ |
ابو فيصل
اللي يطلع معك براس المال كسبان :) وعز الله انك تفحم الواحد :) صح لسانك لين تقوم ناقة صالح و شاكر لك قبول الدعوه واتمنى ان نلتقي في اقرب وقت ومع ( عود ٌ أخر ) :) ههههه |
نواف الغنامي
يدور الزمان , ويظهر الخافي المستور = لآبد الخوافي دور الايام يظهرها بعد ما قرينا سيرة العود ابو حنجور= عياله يبو فيصل وش اللي يعذّرها طلال الغنامي
يدور الزمن ويبين اللي عليه الدور=هذا ينزل الديره وهذا يغادرها بعد ماطوينا سيرة الشايب المذكور=وش اللي طرا من علم حتى تكررها نواف الغنامي
انا شفت لي رجل ٍ عمى يقتدي بالعور= و من سو حظّـه فالرديـه يشاورهـا اثر فالعلوم اعلوم يالطير ابو دنقـور=تظنّ الظنون , و مستحيـل ٍ تغيّرهـا طلال الغنامي
عليك الله اكبر كيف تشهد شهادة زور= تبا تنكب الاصحاب حتـى تعيرهـا بعد ماحذفت الجار لاتتدرق بالسـور= تبين وعد الحجـه اللـي محضرهـا نواف الغنامي
انا والله اني فالزمن ما عليّ قصور=و علوم ٍ تجيني واثق ٍ من مصادرها من تصيبه الشكّه نبا نقول له ماجور=لجل عزوة ٍ ما ودي أجرح مشاعرها طلال الغنامي
عرفنا سبب علتك ياذيبنا المسعـور=بعد رحت للاموات تنبش مقابرهـا واذا كان ماتقدر على الكايده معذور=تريح وتلقا من يواجـه مخاطرهـا نواف الغنامي
تفوح الصدور من الزعل و البلد معمور=و باطن هل الديره مايشبـه لضاهرهـا ليا شفت رجل ٍ فالبلد منهي و مامـور=( ترى صحبته لو برّقت يفسد آخرها ) طلال الغنامي
انا مادريت ان الرجل خاطره مكسور=طلع علتـن يالربـع مانـي بخابرهـا شهدت بشهادة حق والله ماغط النـور=(لكن الحضوض الدامره من يعمرها) |
نوح صح بدنك
|
ابو عيد اشهد بالله انك نشبه انت وها العود المضيع
مار صح لسانك حتى ترضا |
ابوعيد وابوفيصل صحت السنتكم وبيض الله وجيهكم انتم وعودكم
اجمل التحيا |
بو سطام صح بدنك
|
ابك الليل هذا متى هذا والله الهجاد
صصح لسآنك يابو فيصل ليتني لاحقن عليها يوم انها في وهجها ابو عيد صح لسآنك والعذر والسموحه خليتك تنسق القصيده مع ان المفروض ان هذا دوري لكن الاختبارات نشبه :) تحياتي لكم جميعاً |
يعطيكم العافيه وصحت السنتكم
|
المعذره امس كنت مشغول وجيت متأخر
نواف انت عسل طلال انت عسل ذكرتوني بالمحاورات القديمه يوم كانت المحاوره لها طعم وذوق حبي لكم هل تقبلونه |
عبدالله وينك يامديرنا
لوكنت فيه من اول الليل كان صابحنا صح بدنك |
معدي صح بدنك
|
ابو ارمي لازم نعرف وش كنت مشغول فيه
حتى نعذرك مرورك شرف |
سطام صح بدنكــــ
ووجهك أبيض وشرفتنا بمروووركـــ ,, ولآ هنت |
ارحب يبو عابد
صح بدنكـــ يا بعدي ومعذووور دام فيه اختبارات مار الله الله بالمعدل الطيّب خلك مثل محاكيك >>> هو صادز :) شاكر لك مروركـــــــ ولآ هنت |
معدي الله يعافيكـــ
وصح بدنكـــ ولا هنت على التواجد |
| +4. الساعة الآن 06:32 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط