|
00 صدري ابواب 00
.
. الى المساحات البيضاء في قلوب احبتي هنا ،، عذرا ازاحمكم المكان لكن لا استغني عن الحضور بينكم : . . ديما تعالي وافتحي صدري ابواب ..................... توّ ابتدا يا مهجتي ليل بابه شوفي عصافير الوجع طارت اسراب ................... عشان ترتيب الملل للكتابه تجبرني احيان احضر اسباب واسباب ..................... واحيان اصير انسان يعشق غيابه ما احسب يابوي لسيرة الشهرة حساب ..................... مغمور ماتحكم شعوري رقابه كن السطور ارضٍ بعد نبتها ذاب ..................... مرّت من الوسمي عليها سحابه اكتب شعر واثق ولاني بمرتاب ..................... عزي لمن خوف الكتابة غدابه في خاطري شيءٍ له ايام ماغاب ..................... كتمانه بصدري يزيد الكآبه : ليش نتقابل ياوطن مثل الاغراب ..................... وحنّا منوّل بالوجيه نتشابه ماكنت احسب انك وطن حفنة تراب ..................... اثرك رجل شاب التعب في ثيابه ضاعوا عياله واسرفوا فيه الاقراب ..................... ماعاد احد عقب المهابه يهابه شال الديون وتابوا الناس ماتاب ..................... سكن بعد هاك القصر في خرابه لان السنين اشجار والوقت حطاب ..................... والجوع فاس ورحلة العمر غابه تحياتي . . |
الله على هذا الابداع الذي لايستغرب من شاعر كبير مثل سلطان مطلق تقبل تحياتي وتقديري لشخصك الكريم ولهذه القصيدة الرايعه أبو تركي
|
ما شاء الله عليك يابوديما رائع ومبهر
والله جيت ابي انقي منها كذا بيت ما قدرت القصيده متسلسله بشكل انسيابي لم اقاراء مثله قط الله لا يضرك ويحفظك ويحفظ لك ديما اللهم امين .. الف شكر ولا تكفي .. |
ابو ديمه لست ممن يزاحم اذا اراد الدخول بل تفتح لك القلوب قبل الابواب وتفرش لك الورود ومجلسك على عرش التقدير والاحترام
بمشاعر ملؤها الاعتزاز بشخصك وبما تجود به قريحتك نقول لك تقدم وارنا ماذا جادت به قريحتك وكلنا شوق لما تكتب الله يحفظ لك ديمه ويسعدك ويسعدها هذا هو الأبداع لمن اراد ان يتذوق الشعر والأدب في أن واحد تقبل شكري وودي واحترامي الله يحفظك اخوك المحب لك والمتلهف لسماع جديدك من الابداع: نياف |
.
. اخي الغالي جدا ابو تركي ،، هذا المرور كرم وتواجدك في اي نص مكسب حقيقي كما هو في تواجدك كابن عمّ وصديق اعتز به جدا لك التقدير والاحترام ايها النقي تحياتي اخوك :سلطان .. |
.
. صديقي الغالي سمو الذات ،، وانا والله بصريح العبارة انحرج من كلامك الطيب وذوقك في كل مرور يا الغالي ،، واحس ان اي كلام مايوفيك حقك ،، لكن مكانك في القلب ياراقي ،، شكرا لك ولاطراءك تحياتي وتقديري اخوك :سلطان .. |
.
. صديقي العزيز ابو رامي ،، وهل هناك مايمكن ان أقوله بعد ماوجدت هنا في هذا المتصفح المتواضع ،، المضيء بحضوركم الله لايهينك ويحفظك على هذاا لرد المشجع المحفز لكل من يحاول ان يكون كما هو انسان عادي وكاتب شعر يجول في فضاءاته ليقدم مايليق بذائقة الراقين امثالك ،، من كل اعماقي شكرا يانياف ومن كل اعماقي اقول : انا في قمة الاحراج من عذوبة كلامك وتعاملك الطيب معي ومع ما اكتب يانبيل ،، حبي لك اخوك : سلطان .. |
الله يحفظها لك
وصح لسانك وبيض الله وجهك ابداع كما عهدناك |
.
. الغالي طلال من رقيك يا ابومشاري والله يحفظك ويرعاك كلي شكر لك اخوك : سلطان .. |
إسمح لي أبدي اعجابي بما كتبت . . صـــح لسانكـ
|
الغالي ابوديمه اولا شي الله يحفض ديمه ويصلحها الك وثانيا انت مبدع قليله في حقك انت ابوالابداع كله يالغالي لاعدمنا تميزك وحضورك المبهر
تحياتي اخوك فيصل ابوبطين |
لأن السنين اشجار والوقت حطّاب .. والجوع فاس ورحلة العمر غابه
كم انت شامخ يابو ديما عجز لساني ولم اجد كلمات وحروف تفي هذه الجميله حقها وحقك ياشاعر ولكني اقول انت مسخّر الحرف |
أبو ديما
يعلم الله ان الصدر ضايق وعلاج ضيقي يوم اقرا قصيدك يثلج الصدر يبو ديما والظاهر ان قصيدك روشته قبل الضيق قصيده لأبو ديما وبعد الضيق قصيده صح لسانك |
صح لسانك ياسلطان مطلق
|
ابو ديما
صح السانك وعتلا شانك قصيده وافيه من راس وافي لله درك ياسلطان تقبل مروري |
عندما تجتمع الموهبة والعاطفة
والفكر والتجانس والطباق والأبداع والمعرفة والذوق في شخص حتما سيكون سلطان مطلق شكرا لأحيائك الشعر |
وصح لسانك
وبيض الله وجهك ابوديمه |
درر وهذي تعتبرمن المعلقات صح لسانك وبيض الله وجهك
|
.
. الغالي غيمار ،، اعجابك شرف يانبيل كل التقدير لك تحياتي اخوك : سلطان .. |
.
. الغالي فيصل ابو بطين وانا وربك انحرج من هالكلام : ) واحس بقصور كبير تجاهك يافيصل ،، ويعلم الله ان مرورك يفرحني كثيرا ويحسسني بقيمة ماكتبت فلك كل الشكر على هذه المشاعر النبيلة تحياتي وتقديري اخوك :سلطان .. |
.
. الغالي مبهم شكرا لك ياعوض كلامك يثلج الصدر صراحة ومسخرين القاف كثير وفيهم بركة ياصديقي ،، كلي شكر وامتنان واشتياق لك تحياتي اخوك : سلطان .. |
.
. ههههههههههههههههههههههههه ههههههههههههههههههههههههه ابو حمد لا يا مبارك ياخوي اذا صار بعد الضيق وقبل الضيق كذا بيصير عندك تشبع وتمل وانا ما استغني عن الواعين امثالك ياغالي ،، الله يحفظك ويرعاك ،، كل شكري وتقديري لك تحياتي اخوك : سلطان .. |
.
. الراقي اياد وشكرا كبيرة ممتدة الى حيث قلبك النقي ،،، تشرفني بكل مرور عطر يا اياد تحياتي وتقديري اخوك :سلطان .. |
.
. الغالي مذكر ،، والشكر موصول لقلبك يا ابوعماد تشرفت بمرورك لاعدمتك ،، كل التحايا الطيبة اخوك :سلطان .. |
.
. الغالي صريح ،، ماعليك زود والله ،، ونت ابو الذوق والوعي ومرورك له وهج ياصريح وانا اشكرك من كل قلبي لك التقدير والاحترام اخوك :سلطان .. |
.
. الغالي ممدوح ،، وجهك ابيض وشكرا لك من الصميم شرفتني يا كنترول تحياتي لك اخوك : سلطان .. |
.
. الغالي عبد الله الهاشمي شكرا لك من الاعماق ،، ومرورك درة ثمينة ايضا فلك كل الاحترام والتقدير ،، تحياتي اخوك :سلطان .. |
في خاطري شيءٍ له ايام ماغاب ..................... كتمانه بصدري يزيد الكآبه : ليش نتقابل ياوطن مثل الاغراب ..................... وحنّا منوّل بالوجيه نتشابه ماكنت احسب انك وطن حفنة تراب ..................... اثرك رجل شاب التعب في ثيابه ضاعوا عياله واسرفوا فيه الاقراب ..................... ماعاد احد عقب المهابه يهابه شال الديون وتابوا الناس ماتاب ..................... سكن بعد هاك القصر في خرابه لان السنين اشجار والوقت حطاب ..................... والجوع فاس ورحلة العمر غابه و الله قريتها 3 مرات و ناوي احفظها :) يا سلام عليك يا سلطان القصيد , اشهد بالله انك مبدع لك اسلوب خااص يجبر المتلقي ان يعيش في اجواء القصيده ابو ديمــا ,, الله يخلي لك ديما و يحفظها صح لسانك عدد ما كتبت من ابداع ولا تبطي علينا ترانا متشوقين لكل جديد يبو دبما لك تقديري و محبتي |
لان السنين اشجار والوقت حطاب
..................... والجوع فاس ورحلة العمر غابه صح لسانك يابو ديما والله يحفظ لك ديما ان شاءالله اللي بديت فيها هالقصيده الجميله تحياتي لمقامك الكريـم , |
دعني ابصم لك اعجابي في تميزك الواضح والملموس 000000سرعاى نفس طريقك فالمستقبل مشرق امامك بأذن الله 00000 اسأل الله لك التوفيق والسداد في الدارين أخي وصديقي و؟سلطان 0
|
رائعة من روائع المبدع سلطان مطلق يسلم ذوقـــك اخوي ننتظر القادم |
سلطان مطلق صح لسانك واعتلاء شانك وانظامو عداونك
والله يحمي لك ديماء وتتربى في عزك وتحت ظلك اما القصيده انت مافيك حيله يابو ديماء وشهادتي فيك مجروحه الله لايضرك اما البيوت هاذي اثرت في بالحيل ياخوك ضاعوا عياله واسرفوا فيه الاقراب ..................... ماعاد احد عقب المهابه يهابه شال الديون وتابوا الناس ماتاب ..................... سكن بعد هاك القصر في خرابه تمنيت انه لي ههههههههههه وشكلي بسرقه |
سلطان مطلق الغنامي
اسم لمع في مجال الشعر والفلسفله والرقه ولابداع ونا منهنا اقولك ياديما انتي كلك فخر واعتزاز لان ابوك هو سلطان مطلق الغنامي الله يحفظه لك ويحفظك له |
بعد هذا الاطراء من اخواني الاعضاء الذي تستحقه
لايسعني ان اقول ألى اولآ الله يحفظلك ديما ويصلحها وثانيآ صح لسانك يامبدع وإلى الامام يابو ديما فلله درك |
.
. الله لايهينك يا ابو عيد ويحفظك انا اتشرف والله ويكفيني هذا الحضور المبهج صراحة ،، كلي شكر وتقدير لك اخوك : سلطان .. |
.
. عبد الله حفظك الله ورعاك وجزاك خير تشرفت بك وبمرورك يا ابن العمّ :) لك الحب والتقدير اخوك : سلطان .. |
.
. خالد السنة ،، وخالد الذكريات الجميلة الباقية في الذاكرة مدى العمر ان شاء الله ،، يارفيق السهر والليالي القديمة والشجن والفرح والبكاء احيانا :) تذكر لا اخفيك اني بشوق وبخجل منك ،، واقصر كثيرا تجاهك ياغالي ،، صوتك وحده عندما ياتيني ياخالد احس ان الناس مازالوا بخير وحب وعطاء وعلاقات طيبة ،، ياخي شكرا من قلبي ورووووحي تحايا سلطانية كاللي تعهدها عندما نسهر للفجر :) صديقك الدائم باذن الله سلطان ... |
.
. اختي الراقية الحنونة يسلم مرورك اللبق واشادتك النقية انا ممتن كثيرا لك ولحضورك تحياتي وتقديري واحترامي اخوك :سلطان .. |
.
. صديقي الغالي الرعد ،، والله يجزاك خير ويوفقك ويحفظك من ناحية البيتين تمون عليها وعلى راعيها يا الرعد لايهمك مررة :) شكرا لك ولمرورك المسعد لقلبي والله العظيم تحياتي لك اخوك :سلطان .. |
.
. الغالي الضامي ،، مرورك الكبير ياتي كبير مثله وهنا اطراء اخجلني والجم حرفي ويعلم الله يالضامي انني اعد نفسي تلميذ في وجودك و وجودك الجميلين مثلك حفظ الله ورعاك كل احترامي وحبي لك اخوك : سلطان .. |
| +4. الساعة الآن 11:30 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط