|
بـــــلاد الـــعـــدل
بـــــلاد الـــعـــدل سلام الله سلامٍ عد حــــــــب التين والرمــــــــان ...وعدد رش المطر فوق الحجاز ونجد وتهامـــــه وعدد مالاح برق وغنت الورقا على الأغصـــان... وعدد ماخط في بيض الورق حرفٍ من أقلامــه سلامٍ للمواطن مثل ريح المســــك و الريحـــــان... ومثل ريح الخزامى والنفل لافاحت أنسامـــــــه يعم البدو أهل بيت الشعر والحظر في البنيـــــان ...ويخص ملوكنا آل سعود نصــــر الدين خــــدامه لهم بأعناقنا بيعـــــــه ورثناهــــــا عن الجــــدان... عهودٍ ما يغيرها الدهر لـــو طالـــــت أعوامــــه أهل شبه الجزيره فالرخى والمعضلات أعـــــوان ...يدٍ وحده لفعل الخير لهـــــــل الشـــــر لطامـــــه على حفظ العقيده والبلد راسين مهمــــا كــــــان ...تعاهدنا جميع الشعــــب محكومـــــه وحكامـــــه بلادٍ فالشدايد دونهـــــا الأبطــــــال ماتنهـــــان ...تعيش بلادنا برجـــــالها مرفوعـــــة الهامـــــــه بلاد العدل وبلاد الرخــــــــــى والأمن والإيمان... و تخضع في جميع أمورها للشرع وأحكامــــــه تغيث المسلمين وتكرم الزوار والجيــــــــــران ...ويعيش إبها المقيم أطيب حياته وأسعد أيامـــــه ولا نخشى كلام أهل الحسد والكيــــــد والبهتان... على منهج سلفنا لو يضج الغــــــرب وأعلامـــه ونحمل هـــــم كل المسلمين بسايـــــر الأوطــــان ...جميع المسلمين من العرب وألا من أعجامــــــــه نشوف المسلمين أحوالهم تشكى علـــى الديان ...ونشوف القتل والتشريد فيهم تعرض أفلامــــــة ونشوف البطش والتنكيل ياخذ كل يـــوم ألوان ...مذابح واغتصاب ومنزلٍ يهـدم علـــــى أيتامــــه يعيش الطفل بين المسلمين بساحة الحــــرمان ...يتيمٍ يذبحون أمـــــه وأبــــوه الكــــــفر قدامــــه ولعل الله يكتب للثكالى الصبـــــــر و السلــــوان ...ويعين أمٍ ولدها بالرصاص تشــــــاهد إعدامــــه هذ مقتول والثانــــي مقيــــــد دونه السجـــــان ...بغياهيب السجـــــــون مقيدين يداه واقدامــــــه ومنظمة الحقوق اللي تراعي حرمة الإنســـــان ...تشوف اللي يصير وتسمعه وتسجل أرقامــــــــه تنادي بالعداله واحتـــرام النـــــاس والأديــــــان ...وهم اللي للقيـــــــــم والدين والأعراف هدامــــه ودول مجلس الأمن الدايمه تاقف ورى العـدوان... تعين المعتدي وتناصره وتحقــــــــق أحلامــــــه تحالف ضدنا اهل الكفر واهل الزيغ والطغيــــان ...ولا يرضون حتى يرجع المسلـــم عن إسلامـــــه متى نسمع مناد الحق يصدع يزهم الشجعــــــان... تحت راية زعيم العرب والإســـلام وإيمامــــــه يابو متعب لنا فالقدس وارض الرافدين اخـــوان... وإلك وقفه تخفف نكبـــة المنكـــــوب وآلامـــــه يابو متعب ياخو نوره سلالة فارس الفرســـــان ...ترى الأمه جسدها يشتكي من كثـــرة اورامــــه وترى معك هل العوجا وشعبٍ للوغى عطشـــان... شبابٍ يجلبون أعمارهم للمـــــــوت سوامــــــه نبيع أرواحنا تحت البيارق بأرخص الأثمـــــــان... نهـــــارٍ فيه دبابـــــه وغواصــــــه وحوامــــــه وحياة الذل ما يرضــــا بهـــــا الا واحدٍ جـابــــان... نمـــوت ولا نعيش أرواحنـــــا بالذل منضامـــــه وصلاة الله على المختار سيدنا ولد عدنـــــــــان ...عدد من حج بيت الله وصلى والشهر صامـــــــه |
الله .. الله .. صح لسانك
|
المشاركة الأصلية كتبت بواسطة إياد الروقي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif الله .. الله .. صح لسانك صح بدنك وبيض الله وجهك شكراً على المرور |
الله الله يا بوتركي
قصيدة طيبة من وجه طيب سلمت ولا هنت |
المشاركة الأصلية كتبت بواسطة ابن نما http://www.gnanim.com/vb/images/gnan...s/viewpost.gif
http://www.gnanim.com/vb/clear.gif الله الله يا بوتركي قصيدة طيبة من وجه طيب سلمت ولا هنت شكراً على مرورك المميز |
ابوتركي صح لسانك واعتلى شانك على الجزاله المعتاده منك
|
عليه الصلاة والسلام
صح لسانك يبو تركي ابدعت وستضل مبدع باذن الله . |
سطام ابو بطين وحيد الجزيره مشكورين على مروركم وتعليقكم
|
.
. صح لسانك يا ابو تركي وقصيدة معناها ومناسبتها غير مستغربه من مواطن يفخر بانتماءه لهذا الوطن العظيم ،، كل تقديري لك اخوك : سلطان .. |
المشاركة الأصلية كتبت بواسطة سلطان مطلق الغنّامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif . . صح لسانك يا ابو تركي وقصيدة معناها ومناسبتها غير مستغربه من مواطن يفخر بانتماءه لهذا الوطن العظيم ،، كل تقديري لك اخوك : سلطان .. شكراً لمرورك العطر وتعليقك الجميل |
ابو تركي مبدع كالعاده الله لايضرك
صح لسانك اعتلاء شانك |
أبو تركي صحّ لسانك وقصائدك دائماً مليئه بالجزاله والحكمه والثقافه .. ونحنُ نتعلّم منك حينما نطّلع على قصائدك يا إستاذنا .. أشكرك على هذه الجزله .. وأسأل الله تعالى أن يُثبتنا على دينه وينصر الإسلام والمُسلمين على الكفره المُعتدين.. وتقبّلني هُنا
|
الرعد مبهم مشكورين على المرور والتعليق الجميل ولكم تحياتي
|
صح لسانك مليون ياسلطان ..
|
صح لسانك وبيض الله وجهك وحفظ الله بلادنا من كل شر
|
سلطاااااااااااااااااااان الششششششششششششعر
صح لسانك واعتلا شانك وبيض الله وجهك وليس غريب عليك الابداع ياراعي النوماس...... كلي احترااام |
بعيد النظر عبدالله الهاشمي سموالذات مشكورين على مروركم الجميل والتعليق الذي يشرفني ولكم مني جزيل الشكر والعرفان
|
سلامي عليك كثر ماسلمت على الوطن صح لسانك
|
الله الله يابو تركي
صح لسانك لهذا الابداع الذي ليس مستغرب على شاعر بمستواك |
المشاركة الأصلية كتبت بواسطة العبرود http://www.gnanim.com/vb/images/gnan...s/viewpost.gif
http://www.gnanim.com/vb/clear.gif الله الله يابو تركي صح لسانك لهذا الابداع الذي ليس مستغرب على شاعر بمستواك شكراً على مرورك العطر وتعليقك الغالي الذي نتشرف به |
المشاركة الأصلية كتبت بواسطة طلال الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif سلامي عليك كثر ماسلمت على الوطن صح لسانك شكراً على مرورك وصح بدنك |
صــح لـسـانـك
|
المشاركة الأصلية كتبت بواسطة كنترول http://www.gnanim.com/vb/images/gnan...s/viewpost.gif
http://www.gnanim.com/vb/clear.gif صــح لـسـانـك صح بدنك |
| +4. الساعة الآن 07:44 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط