|
عنيدي سالفه مادري موضوع
بسم الله الرحمن الرحيم
السلام عليكم ورحمة الله وبركاته عساكم طيبين عندي موضوع الي مده ودي اهرجكم فيه مار ماجت الفرصه والليله نبا نهرج فيه يوم الله جمعنا الله يجمعنا على العز والمعزه الملك جاي والعلوم زانه وتهامه مربعه وابو رامي سمعت بعد انه في جده وليت ماقلوا انهم شافوه على البحر لابسن برموده وانا ابرا لله نوب اقول ماتجي علاه ونوب قول يسوبها المهم لاننسا موضوعنا ياربعي فيه بعض الاعضا ينزل الموضوع ثم راح لايرد على الاعضا اللي شاركو في موضوعه ولاحتى يرد على مواضيع الاعضا الاخري ثم بعد مده جا وسوا مثل المره الاوله انتم وش رايكم حنا نعامله بالمثل والا نقول الرجال مشغول وليا تفرغ يبي يرد حتى على المواضيع المرسه ولاتنسون موضوع البرموده توقعون ان ابو رامي يسويها |
يا بو فيصل بعد التحية ... اقول ان العرب بضروفها .. ومن صدح معنا بموضوع هنا لابد له من الرد على الاخوان والاخذ بالراي والراي الاخر ..
وفيما يتعلق بالاخ ابو رامي تم تصويرة من قبل نظام ساهر وهو ينتهك حدود السرعة المفروضة وسوف يتم تنزيل الصور بالمنتدى للعبرة لا اكثـــــــــــــــر |
اقتباس:
هههههههههههههههه هذا اهم شي التوثيق بالصور شاكر لك مرورك لاعدمت طلتك |
زانة علومك يابو فيصل العضو اللي ينزل موضوع ويروح ما يرد ممكن يكون عنده ضرف لآن بعض الاعضاء مشغولين ولا يجد فرصه الا لحضات وهذا معذور اما اذا كان العضو يقوم بأنزال الموضوع ومن ثم يبقى في المنتدى ولا يرد فهذا يعني لا مبالاه
ابو فيصل البرموده ما كنت ابا السه بس مسري علي الله يهديه لقيته هو والرعد والعبرود وسلطان مطلق مشمسين في ابحر الشماليه والحو علي البس مثلهم وما حبيت ازعلهم وجاريتهم والا انا تراني ما احب البس البرموده |
هلآبك طلآل , آنآ بصرآحه آعذره ولآ رآح آسوي مثله هو مآقصده يحقر موآضيعنآ يمكن مشغول ومآيسمح له وقته ,, تقبل مروري ي الحبيب
|
اقتباس:
لاهنت على المرور والمشاركه مار مسري انت خابره مايداني جده والشي كان درا انك لابس برموده والله ليحرج علاك شهر |
اقتباس:
وتعليقك |
ابو فيصل موضوع جميل وفعلآ يحتاج الى مناقشته
العضو الذي يقوم بتنزيل الموضوع ويخرج من المنتدى لضروف هذا لاعتب عليه لآنه يمكن ان يكون وقته لا يسمح بالبقاء اكثر من ذلك ولاكن من يقوم بانزال الموضوع ويتجاهل ردود اخوانه الاعضاء ويتجاهل الرد على المواضيع التي يقوم الاعضاء الاخرين بالمشاركه بها وليس لديه ما يشغله ويبقى في المنتدى فهذه تعتبر عجرفه ولا مبالاه وهذا غير مقبول ويجب عليه ان يغير من هذا الاسلوب الذي لن يجلب له الا مزيد من المعامله بالمثل وهناك صفه يجب ان يتصف بها الجميع وهي التماس العذر للآخرين والضن بهم خيرآ فهي السبيل الى الحفاظ الى الروابط الاخويه . نعود لموضوع البرموده البرموده يابو فيصل ما كنت ناوي البسه بس الاخوان الله يهديهم الحو علي وقلت خلنا نجاريهم اليوكم العصر لقيت مسري علي وسلطان براك ومخاوي الذيب والعبرود والرعد مشمسين في ابحر الشماليه مع الخواجات وقالولي ممنوع تدخل الموقع الا اذا لبست برموده واضطريت علشان اجاملهم ومخاوي الذيب هو اللي اشتراه الي لاكن استر ما واجهت ولا تعلم الربع في الديره تراهم يدورون الفرصه |
ابك ابك ابك تسيف برموده
وابو رامي رفيقنا اللي ماغاره ايييييييييه نطق الشر من قريب :d انني لست مصدق لين قريت رده الله يردي نصيب شيطانه مار ياحلالاه يالحراثه والتسبد اللي تقبل جده انا اشهد كان نسوي فلم جلغفه وكرسعه على الكرنيشن وساهر يعاين ههههههههههه وموضوع الردود ومشاكل الاعضاء فالمنتدى ماهيب اكبر من هالموضوع بس تولم غبشه وخلك على كبري السيل |
اقتباس:
هههههههههههه ابو علي حنا في عصر التقدم والسرعه وابو رامي خابره رجالا شميط يمكن لقا البرموده اخف من الثوب مار المشكله كان خلاها علاه ثم عود للحفر ويوم تذر الشمس وهو فالورشه بالبرموده ويطالب العمال والربع سارحين للمركز يشكون في حدث ثم يشوفونه وااللي فالمحطه يعبي بعد يعاين فيه واللي جاين يبا التريله يتفرج |
حياك الله يا طلال والله اني مداني امر ولا ارد
لانها سخافه الا الموضوع الي يحوم الكبد من طوله ينقلب راسي ما اكمل وما ارد لاني مدري وش الطبخه اما ابو رامي ما يلبس برموده الا اذا نشف البحرهههههه الف شكر على الموضوع...............تحياتي |
وابو رامي خابره رجالا شميط يمكن لقا البرموده اخف من الثوب
ههههه . اخف من الثوب يمكن كاشفن سواقاته على شان المراغة ما تلحقة البرمودا الى نص الساق ....:harhar1::harhar1: |
اقتباس:
هههههههه لاهنت اسعدني مرورك |
المشاركة الأصلية كتبت بواسطة ذياب بن غانم http://www.gnanim.com/vb/images/gnan...s/viewpost.gif
http://www.gnanim.com/vb/clear.gif ابك ابك ابك تسيف برموده وابو رامي رفيقنا اللي ماغاره ايييييييييه نطق الشر من قريب :d انني لست مصدق لين قريت رده الله يردي نصيب شيطانه مار ياحلالاه يالحراثه والتسبد اللي تقبل جده انا اشهد كان نسوي فلم جلغفه وكرسعه على الكرنيشن وساهر يعاين ههههههههههه وموضوع الردود ومشاكل الاعضاء فالمنتدى ماهيب اكبر من هالموضوع بس تولم غبشه وخلك على كبري السيل ابك يالضالم توهقني وتقول البس ولا علاك واخرتها تبا تطردني بالحراثه يبا الله يلزمنيك في رقتن خلا ما عندك الدومري ثم ورني ويش تبا تسوي |
بالنسبه للموضوع عندك غلطه أملائيه شنيعه وليتها بالموضوع لا لا بالعنوان الله لايبلانا
قال عنيدي سالفه قال ههههههه ..اما سالفة ابو رامي والله يالظاهر ان السالفه تاتطول وبيدخل فيها نص القبيله بس دمدموها وفكونا من شره هالحين حين نشدتوه وهو يخم أربعه مدري خمسه ويشركهم معه ظلماً وعدواناً هههههه أما الردود والله أنا واحد من المقصرين بالردود بس يعلم الله أني أقرأ الردود وأهتم فيها وماهو أستهانه برد احد بس الوقت الوقت مايسعف ولا ترى ماحنا كارهين التواصل والردود والوناسه ويادمعه على خدي تجري ولا تهدي انا وش بيدي أبك أنا وش بيدي |
هههههههههههههههههه برموده ابورامي ابعد عن الربع لايغيرونك
|
سند ما ابركها من غلطه
اللي خلتك تدخل وترد اثرك تصيد اجل تبا تعين خار على دربي ههههههههههههههههههههههههههههه اسعدني مرورك |
ابو عليط
يامرحبا انت دريت عن علوم ابو رامي لاتعلم احد |
لاوالله الا طرحنا مارحنا
انت يبو فيصل مشغل قوقل ييرث ومسلطه على ابو رامي المهم ان التنكلوجيا هااليام يابو فيصل ماتخطي على احد وابك كيف برمودا وفي بحر جده ياهملالي يابو رامي تبغا تندس بين اهل جده لباسة البرموده وانا اشوف ابو رامي واللي معه كلهم دقو علي يقولون انت دليله في جده ودنا للبحر وقلتلهم تعالو للقهوه وقالو فكنا من علوم البدو اللي ماتسبب غير القيلون والحرقان وخلنا نتمشا ونشرب عصير عرايسي احسن من قهوتك بس والله يظنتي انها ماتجي على ابو رامي وانا مارحت معهم |
اقتباس:
ابو مشعان احلف انك مارحت معهم هههههههههههههههههههههه بعدين وشهو عصيره اللي تقوله |
مساكم الله بالخير
طلال مواضيعك مميزه واشكرك على هذا الموضوع . من ناحية المواضيع واهمالها مايصلح ان الشخص يهمل موضوع يخصه. اما بالنسبه لابو رامي ولبس البرمودا ياخي لاتدققون انتم لاتصيرون كذا سيلكم حدور على ابو رامي <<<هاإجحدها يبو رامي;) الا البرمودا بكم فالسوق ؟؟ |
السلام عليكم ورحمة الله وبركاته
الله يعطيك العافيه على هذا الموضوع وانا من الذين تواجدهم قليل في المنتدى وتكون مشاركاتي قليله وليست استحقار اوتهاون بالاعضاء فجميعهم اخوة كرام ارجو ان نحسن الظن وكل انسان له ظروفه وكما قال الاخ سمو الذات بعض المواضيع تكون الابتعاد عن الرد فيها والمجادله اسلم لدين المسلم عن الغلط او الدخول في نقاشات لا معنى لها |
-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-0-00-0-0-0-0-0-0-0-0-0-0-0-0-0-0-0-0
دقت ساعة الثورة إلى الأمام إلى الأمام |
انت تشوف ياسند يبا يشركنا معه ظلما وعدوانا:d
وعلاوة على ذلك يهددنا ويقول عسى يوم احضرها بالبرمودا وشريكه عرفناه كان ماني بموهم انه وحيد الجزيره هههههه ينشد عن البرموده ياذاكني ماعرفها:d مار شفه عندك ياطلال والا علم العبرود يراقبه عن طريق قوقل وعطنا اخباره |
المشاركة الأصلية كتبت بواسطة وحيد الجزيره http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مساكم الله بالخير طلال مواضيعك مميزه واشكرك على هذا الموضوع . من ناحية المواضيع واهمالها مايصلح ان الشخص يهمل موضوع يخصه. اما بالنسبه لابو رامي ولبس البرمودا ياخي لاتدققون انتم لاتصيرون كذا سيلكم حدور على ابو رامي <<<هاإجحدها يبو رامي;) الا البرمودا بكم فالسوق ؟؟ بعدي والله ياوحيد الجزيره لك فزعة مثلها ليا حدتك الايام وطحت في مثل ها الشله اللي ما لهم شغل الا ييتريقون على اللي يجاري الموضه ويحاول يظهر سيقانه علشان يمتع الانظار وهم علشان سيقانهم ماهي زينه ومعصقله ما يبا يلبسون البرموده والربموده مسري وطلال هم اول من لبسه في الردف في الطايف عام الاول |
المشاركة الأصلية كتبت بواسطة طلال الغنامي http://gnanim.com/vb/images/gnanim/buttons/viewpost.gif
http://gnanim.com/vb/clear.gif المهم لاننسا موضوعنا ياربعي فيه بعض الاعضا ينزل الموضوع ثم راح لايرد على الاعضا اللي شاركو في موضوعه ولاحتى يرد على مواضيع الاعضا الاخري ثم بعد مده جا وسوا مثل المره الاوله انتم وش رايكم حنا نعامله بالمثل والا نقول الرجال مشغول وليا تفرغ يبي يرد حتى على المواضيع المرسه طيب وش رايك يابو فيصل في موضوعك ليش ماترد يعني شايف نفسك علينا ولا شو ولا تقول مشغول تراني شفتك اخذت لفه في الموضوع ثم مدري وين رحت المهم لا تنه عن خلق وتأتي مثله عار عليك إذا فعلت عظيم |
اقتباس:
ههههههههههههههه الفدرالي انا اردعلاك فالخاص والا هنا انت نشبه |
يالربع انا بصراحه مالي ضميمه وكان ابوي عندي فالبيت واعلمه بالقصيد الي في المنتدى الى موضوع طلال وجلست اقراه علاه ثم قام و ضرب بحاجونه الحزم وجلس يقول انا اخو ساره ثم قال عطني رقم ابو رامي والله لونك تكذب علي لاضربك بالسهم الي ماتقوم منه
والله يعين ابو رامي على اخو ساره ههههههههههههههه توهقتوا هههههههه |
المشاركة الأصلية كتبت بواسطة الرعد http://www.gnanim.com/vb/images/gnan...s/viewpost.gif
http://www.gnanim.com/vb/clear.gif يالربع انا بصراحه مالي ضميمه وكان ابوي عندي فالبيت واعلمه بالقصيد الي في المنتدى الى موضوع طلال وجلست اقراه علاه ثم قام و ضرب بحاجونه الحزم وجلس يقول انا اخو ساره ثم قال عطني رقم ابو رامي والله لونك تكذب علي لاضربك بالسهم الي ماتقوم منه والله يعين ابو رامي على اخو ساره ههههههههههههههه توهقتوا هههههههه لاتكفى ترى كل شي الا اخو ساره لاتنهز صورتي قدامه ثم والله لاخربلكم المنتدى كله واحوسه حوس واني لاطلع كل خنابزكم اللي مدسسينها واللي ما عنده لاجيبله من عندي |
وحيد الجزيره
الله جابك اثرك مرقطن في جده ماحد درا عنك تدور البرمودات ههههههههههههههههههههههههه هين الربع هناك يبا يصورونك انت وابو رامي ثم نبا نفتح قسم للموضه ونحط صوركم اسعدني مروك |
الله يهديكم تركنا موضوعنا الاساسي
الموضوع جاد اكثر من ذلك ويحتاج الى مناقشه من خلال ملاحضاتي للردود اتضح لي ان هناك اعضاء لا يعلقون الا على مواضيع بعضهم يعني جاملني واجاملك وهناك اعضاء يترفعون عن بعض المواضيع التي تحتوي على مزاح ضنآ منهم ان انها تقلل من قيمتهم التي يعتقدون انها رفيعه الادهى من ذلك ان بعض الاعضاء لا نرى لهم تعليق لبعض المواضيع الا منتقد ومهزل في مواضيع الاخرين الحلول : 1 - يجب علينا جميعآ ان نشارك ونعلق وان لا يكون هناك تكتلات حزبيه داخل المنتدى 2 - ان نبتعد عن التعالي على بعضنا البعض فمثلما تحب ان يجاملك الأخرون فأنهم ايضآ يريدون منك ذلك 3 - ان نبتعد عن الانتقادات اللآذعه والتهكم على مواضيع الأخرين فأن ما تراه انت خطاء يراه غيرك صحيح واذا لديك ملاحضه على احد الاعضاء بأمكانك مراسلته على الخاص ونصحه بطريقه لا تجرح شعوره هذا ما اراه واود ان انوه بأنني عندما لم ارد على المواضيع فهذا ليس متعمد ولاكن ضعف الاتصال لدي وتأخر فتح الصفحات يجعلني لا استطيع الرد على الجميع اما الذين لديهم اتصال سريع فلا عذر لهم |
اقتباس:
ابو رامي كما عهدناك مبدع حتى في ردودك اوضحت كل النقاط لم يبقا لي ما اقوله الا الشكر لكل من شارك في هذا الموضوع |
يابوفيصل توقع أن ابورامي يسويها لالالالالالامايسويها لاكن أضنه أعترف رسميآ وابوعلي والرعد تجي عليهم لاكن عندك أياهم أنت تعرف لواياهم وتعرفهم عدل وأنا بصراحه مابريهم أما با النسبه للي مايردون على المواضيع ممكن عندهم ضروف عدم الرد ماهوب مشكله حسب نظري
|
اقتباس:
ابو ممدوح يامرحبا تراحيب المطر نورت الصفحه ازهلهم العبرود يقول يبا يصورهم وتشوفهم في قسم الصور وجهة نظرك في عدم الرد محل الاحترام لكن صدقني بدون ردود حتى الموضوع يموت لابد من الرد اسعدني مروك |
المشاركة الأصلية كتبت بواسطة طلال الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif وحيد الجزيره الله جابك اثرك مرقطن في جده ماحد درا عنك تدور البرمودات ههههههههههههههههههههههههه هين الربع هناك يبا يصورونك انت وابو رامي ثم نبا نفتح قسم للموضه ونحط صوركم اسعدني مروك --------------------------------- يبن الحلال جده ماشفتها غار فالتلفزون وقلت يوم اني عندي نيه اروح لجده خلني انشد عن اللبس االزين وانا همي الدبابات ترى ماغير الدبابات علشان اذا سقت الدباب وانا لابس ثوب يمكن ينشق الثوب اما بالبرومودا يقولون ان الحل الانسب لقيادة الدبابات :d |
| +4. الساعة الآن 05:52 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط