|
يااهل الاثاثي يقول المثل رماه الله بثالثة الاثافي
يقولون في المثل العربي : "تلك ثالثة الأثافي" ، ويقولون أيضا : "هو إحدى الأثافي" يضرب للذي يُعين عليك عدوّك .
فما الأثافي ، ولم كانت ثلاثا : الأثافي جمع أُثفيِّة ، وهي الحجر أو الدعامة التي توضع تحت القِدر ليستوي . قال صاحب لسان العرب : قال أبو عبيدة : ثالثة الأثافي القطعة من الجبل يجعل إلى جانبها اثنتان فتكون القطعة متصلة بالجبل . قال خفاف بن ندبة : وإن قصيدة شنعاء مني *** إذا حضرت كثالثة الأثافي وقال أبو سعيد معنى قولهم : رماه الله بثالثة الأثافي أي رماه بالشر كله ، فجعله أثفية بعد أثفية ، حتى إذا رمي بالثالثة لم يترك منها غاية . والدليل على ذلك قول علقمة : بل كل قوم وإن عزوا وإن كرموا عريفهم بأثافي الشر مرجوم . ألا تراه قد جمعها له ؟. قال أبو منصور : والأثفية حجر مثل رأس الإنسان ، وجمعها أثافي بالتشديد . قال : ويجوز التخفيف . وتنصب القدور عليها . وما كان من حديد ذي ثلاث قوائم فإنه يسمى المنصب ولا يسمى أثفية . ويقال أثفيت القدر وثفيتها إذا وضعتها على الأثافي . قال أبو عبيدة : ثالثة الأثافي القطعة من الجبل يجعل إلى جانبها اثنتان فتكون القطعة متصلة بالجبل وما كان من حديد ذي ثلاث قوائم فإنه يسمى المنصب ولا يسمى أثفية . عط الرهن خويك يابو فيصل :msn-wink: وعلم ابو رامي يركب القدر على الاثافي وترا القرن ماناكله :d ولا اوصيكم على التصويت |
ابو علي الله يمسيك بالخير
والله لو تجيب حتى كتاب محمد تركمانستاني انها الاثاثي مير استريح يكفينا قصيدة دحيم ابن رشيد وكلام كروم ابن عاذي وترا العشا لو الود ودي يكون فالاستراحه وانتبه ابو رامي معه قيلون فكنا من الحوار لا يعصب علانا وانت تعرفه لياعصب قام يلعن الحي والميت |
زوزيت بالعشا ياطلال مار لو الود ودي تسويه في مزرعة ابو رامي هههههههه
وليس عليك ان يقتنع الناس برأيك ولكن عليك ان تقول للناس ماتعتقد انه الحق واما بالنسبه لكلام دحيم وكروم بن عاذي يمكن خطأ املائي ويمكن منقوله بالخطأ كروم الله يطول عمره مانلحقه شك في عرفه لكن يمكن البلا من اللي نقل عنه المعلومه :d وانا اجزم انه خطأ املائي من ناقل المعلومه واذهنو التصويت ربعي يااحبتي هههههه كان تبوني اخشركم |
ابو علي
رح اقنع الغنانيم كلهم وقل الاثاثي اسمها الاثافي وبعدين اقتنع الاثافي والله ماعمري سمعتها الا منك وانت تعرف ان الغنانيم من افصح القبايل ماعندهم حروف مهجنه |
مساء الخير جميعاً
ذياب الله يعطيك العافية على الموضوع والتوضيح وأكيد ما ننسى صاحب الموضوع الاصلى اللي هو ابو فيصل عندما أثآر مثل هذا التساؤل فلكم مني جزيل الشكر والتقدير وبصراحة اول مرة في حياتي اعرف اسم الحصى اللي تحت الزدر ( القدر ) . بعد البحث في موقع الباحث العربي المختص بعاني مفردات اللغة العربية اتضح صحة ماذكر بأعلاه وعلشان ياطلال تتأكد من ذلك نرفق لك الرابط للإطلاع عليه الآن ومستقبلاً حيث ان هذا الموقع يعطيك الاجابة من المصادر التالية : لسان العرب ، مقاييس اللغة ، الصّحّاح في اللغة ، القاموس المحيط ، العباب الزاخر . الرابط ( http://www.baheth.info ) ذياب ابن غانم شكراً لك مرة أخرى على هذا الطرح ولكن عندي سؤال خارج الموضوع ومشغل بالي له سنيين واتمنى اجد الحل عندك او عند من يعرف الاجابة وأكون شاكر ومقدر له سؤالي : ليه القفل له ثلاثة مفاتيح ؟ |
نسيت اقول من اللي عليه الحق طلال الله لايهينك جهز عشاك ترانا نبا نجيك كلنا جميع أعضاء المنتدى
والتصويت لصالح ذياب |
الفدرالي والله اني عارف انك تبي تصوت ضدي
لو ان الحق معي |
ههههههههههههههههههههههه
ابك لاه ياطلال انا مع الحق ولا لازم تبنا نمشي على دربك عميان ونترك الحق |
اقتباس:
وبعدين من قالك ان الغنانيم كلهم متفقين على كلمتن وحده :d يعني كلهم يقولون اثاثي خف ربك ياراجل ولو قالوها هل هم ذخاير (سيبويه) إمام النحاة وحجة النحويين في اللغه العربيه |
يالربع انا قصدي على الكلمه الدارجه بين القبايل
والربع ماقصروا فالموضوع السابق وانا قلت لبو علي نعرفها باسم الاثاثي المهم الاستطلاع توه والاعضا باقي ماشفنا ردودهم لاتستعجلون مادري لو خلينها رحلة الخميس للرياض منها نتعشى عند ابو علي ومنها نسلم على الربع |
اقتباس:
هاذي يبالها منتدى لحالها هههههههههه موضوع مايكفيها لكن نزلها في موضوع وهات ابو رامي ونادر سمايل وساير خلهم يتناجخون عندها حولن كامل ويمكن ساير يكفر اللي صنع الاقفال في ختامها :d |
هههههههههههههههههههههههههههههههههههههههههه
الله يرجك يامسري ابك تسيف ساير يكفر اللي صنع الاقفال |
مسري طع شوري ورح سجل باكثر من معرف اذنك تصوت لنفسك
|
العشا طاح مار لاتعجل على رزقك :d
واصبر لين نشوف التصويت |
اقتباس:
لا يا مسري الكلمه سامعها اثاثي 100 % ورح انشد جدي .. :) تبون العلم !! في اللغه العربيه يقال اثافي وهي جمع اثفيه ولكن عند البدو يقولون اثاثي بصفه عاامه الكلمتين صحيحه ...!! من وجهة نظري ولاني مصوت لا لطلال ولا لذياب :harhar1: |
اقتباس:
لاحول وانا نهاري كله التمس لك مبرر واحط من الاعذار وادورلك مخارج لكن على شان الجيره والرفقه تراني كنت جارك في ظلم وفالطايف وان كان تبا تدسم شاربك صوتلي :d |
مرحبا يا ذياب بن غانم انا كنت اقول وما ازال اقول انها ( اثاثي حسب ما اسمع من صغري )
بس عاد انت جبت ادله على انها ( اثافي ) نباء نشوف الاستطلاع وين يوصل معنا وبالنسبة للعشاء ودي ان ابو فيصل يتزنفلبة وترانا قريب منه ما حنا ببعيد ان بغاء يعزم |
اقتباس:
يبا يتنزفلبه ويزوزي بالاثافي فالمزرعه وانت تشوف كني اعاين فيه مع ابورامي منفذين عن يدينهم ويحرّفون على الضيوف كعادتهم ويهلون ويرحبون بس علمهم لا يكثرون الملح يخربون عشانا |
لاوالله إلا جيتكم بالعلم الوكاد:::::::: منذ الصغر وحنا نسمع كلمة الاثاثي بس كلمة أثافي باللغة العربية وحنا نمشي على لهجتنا ما حنا بمغيرنها / مثل كلمة فيصل في اللغة وعند البعض فاصل
ولايزعل ابو فـــــــيصل وأنا في صفة |
:d
اقتباس:
ههههههه مشكور ياخطاف على الايضاح والتصويت والله يحيكم كلكم على العشا عند طلال الغنامي :d ابو فيصل هههههههههه ( منها نتمشى فالرياض ونسلم على الربع ) ياهملالي ولم عشاك خل التمشيات والربع اللي تتسلم علاهم فالرياض واذهن تقول مااقتنعت |
والله ماقتنع لو تجيب
الفراهيدي ويقول اسمع ترا مسري صادز لاقول رح اقنع دحيم ابن رشيد وكروم ابن عاذي وتعال اعلمك بالربع الباقين اللي تقنعهم مار زين عشاك تراك تعرفنا ياهل الحجاز نتعشا بدري ولاداني احد من المعازيب يقلط معنا |
الاثاثي وليس الاثافي . مازلت مصمل على رايي يالذيب ذياب
واللي نعرفه ان فيه مفرد وهو الاثفيه وهي اقل حجم من الاثاثي بكثير |
اقتباس:
يرضينا الجمهور والتصويت ههههههههههههههههاي بس والله انك اضحكتني اضحك الله فمك طال عمرك :d تبا العشا بدري ولاتبا احد يقلط معك اكل من القدر كان ماتبا تقلط معنا والا عساك ماتاكل |
اقتباس:
عندهم كلمات مانعرفها ومن امس في خذها وذقها حنا وياهم عند هالكلمه والدعوا فيها عشا :d مر على التصويت |
هههههههههههههههههههههههه
ابك تيسيف القدر هاذي يبالها موضوع ثاني مار خل نياف يجي |
اقتباس:
هههههههههههههههههههههههه ههههههههههههههههههههههههههههه يا دافع البلا هههه جيرتك فالطايف يمكن اصدقها مار في ظلم ما عديتها صدقه ... :) على طاري الاستطلاع هو كم ياخذ ثم تعلنون الفايز :harhar1: ترانا نحتري العزيمه على أحر من الجمر سواء من ذياب ولا من طلال :shiny01: منول يقولون الغنامي ما يقلط على الشبب المعترض وليا عزم ما يستثني ... وهالحين يدور العزيمه دوره ,,, ويجي على الدخااااان :harhar1: ههههههههه مار أخلصوا علآنا ... :shiny01: |
ياعرب عجلو بعشاكم تراني جوعان وش عليكم من اسمه انا اسميه دافور او بوتقاز او فرن اهم شي يسوي عشاء عجلوا علنا الليل امسانا ................ شجاع جوعان
|
تدري يبو علي
منول باقف معك مار يوم شفتك مصوتن ضد نفسك وانا اتنحى عنك منت بصديق نفسك |
عاني صوتلك ياأخو أخوي . مار ليتني ماصوتلك لقيت اكثر المصوتين مع طلال .
ليتني استخرت هههههههههههههههههههههههههههههه |
اقتباس:
لاتنكر الجيره ماشدانا من ظلم غار قريب يوم انقطع ماء الغريف عنه :d بس انت من صوتله على شان اعلمك بموعد العشا وسالفة ان الغنانيم يكفحون الشبب ولايقلطون بلا عزيمه :d هذاك منول هالحين جاك الجيل الثالث ليا شافوا العيشه تسابقوا علاها وجا عندهم قضع وبغطرررره وبعضهم ياكل بعض نسال الله السلامه تقول انهم في مجاعه |
اقتباس:
والا على الشوايه الشجاع ابشر والله بالعشا كانك صوت لصالحنا :d |
والله محرتنّي ابا اصوت لطلال يا ذياب !!
الا أنك احرزتني .... :) |
اقتباس:
هاذي خدعه للناس اللي يعاندون على الخطا لانه يجيك مطسس مايشوف :d ولو دققت فاللي مكتوب فوق (( العشا على من )) 1 طلال 2 ذياب |
اقتباس:
اقر من جديد وشف العشا على طلال والا علي |
ماتدري اني عزيز النفس غنامي
والله ما ذوقه ولاتضرب يدي فيه رجالنا لــــو يصدر جايع ضامي فنجال دلــــه وفذة تمر تكفيه ******* خل العشيات اللي تدورونها من بعض************* |
نواف والله محرني اصل سلمان ههههه
خطاف يامال العافيه ماتبا تدسم شواربك |
الربع يصوتون لصالحي
يامسري على ان الحق معي |
ذياب وطلال
عشاكم متى وبعدين متى ينتهي التصويت |
اقتباس:
لكن المشكله الربع اللي عزمناهم ومعنا فالموضوع من البدايه والاستبيان واضح واللي مكتوب (((((العشا على من ؟؟؟؟؟))))) ذياب والا طلال وكلهم :flex: |
اقتباس:
والتصويت مستمر لين يغرف عشاه :d |
| +4. الساعة الآن 10:15 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط