أبيات
 

أبيات موجهة للأخ ابورامي
جعل والله صاحبي دايم في سعاده
كل صبح وكل يوم وكل ليل وعشية
صاحبي تل قلبي من عالي فواده
أشهد أن القلب غدا من عالي طمية
لابغيت أتوب عذبتني بالنقاده
ذكرتني يابورامي بالعصورالأولية
ويالله المعبود ياوالي عباده
ترحم اللي فالهوى عمره ضحية

خطاف ترد في ابو رامي تراه شاعر بس للحين ما كشر عن انيابة

خطاف اسعد الله اوقاتك بكل خير
شكرآ على هذه القصيده والله ودي ارد وعلى كل حال ذياب بن غانم وكيل شرعي عني في هذه المواضيع وطلال الله يطول عمره مرسل لي رساله على الخاص يقول انتبه ترد على اى قصيده قلت ليش قالي انت ما تعرف القافيه ولا الوزن وبيوتك مكسره وانت تعرف انا مكبور وما اقدر اتصرف دون راي وتبغا الصحيح كلامهم صحيح انا مالي بالشعر

صح لسانك يالذيب
وهاذي قصيده مقوّله على طرق قصيدتك لقيتها مع ايسر سفوه في ماينتسفيبه الما يم ابو شباهينه
فاضة البطان يوم يقارح مجرور
منحوته في سرحه من على العصر الهلالي قبل ستين ثانيه وكم جزء من الثانيه
مغيب شمس عام الاول يومنا قطين على تكساس
واليك القصيده
الشراشف والزوالي والوساده - والمساند والكنب والطوفريه
اربط الخنفوس في ذيل الجراده - خلو الجرذي يودّه للرعيه
والشبث قام يتمرغ فالرماده - والصميل معلقن في ساق حّيه
ولبّق الوايت تحت ظل العراده - قدم سيل طويق يضرب في طميه
وحطو الصراف في وسط الحماده - ودفتر الشيكات فوق الجاذبيه
والشهاده مانبا منكم شهاده - خابراني كاسبن كل القضيه
افتحو فالمنتدى مركز عياده - وسلّمو نياف قسم الصيدليه
والله اني غرّيتكم من تاليها
مار فيها (اده) (وايّه) لين يصبح الصبح

هههههههههههه والله كفو ياذياب بن غانم انا ما وكلتك العب عارفنك تبا تجملنا مع ربعنا
بس نسيت بيتين من القصيده اللي يقول
فاتحلي فرن مع ورشــــة حداده ×××××××××× وجايبن خمسة هنودن سمكريه
وشفت لي عار يخثع في غمـاده ×××××××××× نـاطل راعـــــــــيه يم المهمهيه
في الغداري ما تشوفه من سواده××××××××× من على مد النضر تسمع دويه
ون درس جاب التفوق والشهاد×××××××××× شارب قرطوع من ما الخنفريـه
والمعم مطوفره فوق الصماده××××××××××× الله اكبر هب يا هاك البليـــــــه
ماني بخابرك تنسى
السرحه محلها والا شالها شعف الخريف اللي نهار هنيا ابا اروح الها اضني الالقي فيها قصيدة مثل هاذي

هههههههههههههههههههههههههههههههههههههههههههههههههه ههههههههههههههههههههههههههه

صح لسانك ياخطاف

ذيآب بن غانم قصيدتك هاذي معلقه

وابو رامي مشكور على الأيراد

صحة السنتكم

<< هذا المستخدم قد فطس من الضحك ,

موضوع طريف
ههههههه صح لسانك وصح بدنك يابو رامي والقصيده كما تفضلت لها تكمله ولعلنا نجد ماتبقا منها عند طلال الغنامي او احد الاخوه الافاضل من رواد المنتدى
:d بس سبحان الله القصيده الهلاليه وجت مطابقه على قافية القصيدة التي نقلها لنا اخونا الخطاف


{{{عبدالله الغنامي>>> عاين جاي وانتبه لا تمّشع الله يسعدك
ماتجيب شي من القصيد الهلالي :d والا حجاه مثلا
نلطف بها الجو ونستمتع بقراءتها
لكن انتبه لاتحطها في ديوانية شعار الغنانيم الا اذا صارت القصيده عليها وسم غنامي

عبد الله مشكور على المرور لاكن انتبه من ابو علي حافظن من قصيد الهلاليه الكثير وكل قصيده يقدر يجاريها بقصيده هلاليه ما عليه الا يروح يطوف بالسرحه سبع مرات وتهايل عليه قصيد الهلاليه
لا تقاشره
والمشكله طلال يبا يرجع من الجوف ويمرله سرحتآ في تيما ويجيبلك مثلها

ابشر بعزك يابو علي

ناطحت السحاب ثم جبت هالابيات

استمتع

الحسايف والولاول والقراده
لازمتني يامسرّي فالقضيه

اللحوج اللي يكدوني كدآده
أشهد إني قاربت لي المنيه

نوب بالراتب خصم ولا زياده
كلها الثنتين تجلب لي بليّه

جعل ربي يلطف ويفرج عباده
من لحوجـ(ن) مالها جاه وحميه

يم سلطانه نوجه للقياده
يرسلون الدعم من يم الحويه

هههههههههه عبدالله انت رايحن لسرحة مسري اللي يجيب منها قصايد الهلاليه
صح لسانك

طلا ل انت جيت من الشمال والا باقي عبد الله ومسري لهم يومين مبشكين تحت سرحة سفوه يعبون الخياش من قصيد الهلاليه والله الظاهر ان السرحه اللي انت رايحلها ما فيها فايده مر على سرحة سفوه يمكن تحصل لو بيتين والا ثلاثه

هههههههههههههههههههههههههههههههههه

طلال معطي له ريعن ماهوب كويس مغار بطانيج

واظاهر إنه نشب

الله يفك أسره

الله اكبر ابك الامر ويش

عياده وحداده وعبدالله بعد عنده مشكله

المهم هاكم اللي جبته ولاتقولون عساك ماتفيد

ههههههههههههههه والله ما ادري ويش اقول اعبر من رفيقك ابو زوالي
انا خابرنك تبا تعلن سفسفين اهلها الشداد من عود الشخط والرمث يقلعه والله اني كني اعاين فيه عجته واقفه
لاكن اقول صح لسانك

ابو رامي هذا اللي لقيته مكتوب فالسرحه

وتكلمتها يقولون منحوته في عود قطفه

مار دور لنا الديره اللي فيها قطف

صح لسانك ياعبدالله بس ماجبت المنحوته :d

السرحه موقعها غير معروف يابو رامي وموقعها مع ايمن سفوه في ماينكفيبه الما في علو البطان هههههههههه والله مايطيح علاها غار اللي يعرفها

ياوجه الله هههههههههههههههههههههههههههه
هههههههههههههههههههه
لا والله ماهيب من اللي لقيناها منحوتن في سرحه
صح لسانك يابو فيصل لكن المعلقه هاذي وين لقيتها :d
وان كان باقي منها شي هاته

ماشفت اللي جابوها الربع من الموروث الشعبي ههههههههه

هههههههههههههههههههههههههههههههههههههههههههههه

أبو فيصل صح لسآنك ,,’

اعقب يا هالخنفوس ههههههههههههههههههههههههههههههه


ابو علي الله يرضا عليك هاذي من الضيم اللي عايشينه ,,’

اللهم إفني كل لحجي على وجه الأرض

ابو علي انت وعبدالله متغطرسين علانا علشان انكم لقيتولكم سراحه التمني تعطيكم من القصايد تحسبون قصيد الهلاليه ما يكتب الا على السرح البارح ارسلني طلال افتش في القطف ليلي كله لين لقيط قطفتن ازين من سرحتكم ويوم اصبح الصبح اليوم بعد العصر وانا اجهملها وذكرت سالفة واحدينن يقولون سرحنا من مكه الرقه يوم اذن الديك وهدو على الدجاج عياله على حيل حلاحيل ما عليها غير اكابر اجماعه ابو زومه وابو حومه وحفيان الذيخ وطبق نعوله ويوم جا الضحى وحنا مع الحزم الصريم والله ان جلده في الحزم مثل جلد المره في .....تا
المهم ما علينا القصيده اللي لقيتها شافوها شعار وقالو هاذي كمالة القصيده اللي جابها طلال
والقصيده يامن تسرني سلامته تقول ...
القطف والرمث وعروق الكتاده×××××××××× هي علاج للوهم ما فيه زيه
اطبخوها طبخ بشوي وركاده ××××××××××× واسقو الخنفوس صبة شاذليه
واظبطو فوقه من الخيشه غماده×××××××××× واردفو فوقه ثنين شولقيه
يضربونه بالعصاء ويجيب ماده×××××××××× سرعته ميتين وزياده شويه
يسرحون الصبح والعالم هياده ×××××××××× قدم لايصحون قياد السريه
وبيعو الخنفوس في سوق الزياده×××××××× كان غرو من حراج في الحويه
وعلم الدلال يطبخ له رغاده×××××××××× قله الخنفوس مفتوح الشهيه

هذا اللي انا لقيته مكتوب على ساق القطفه ومغطى بقرش خنافيس

تبا الثنين الردفا منهم

والله جبتها يابو رامي

احسبنك يجي حوله اللاله مالقيتها


ههههههههههههههههههههههههههههههههههههههه

هههههههههههههههههههه
سارحين الصبح بعد العصر يوم هدو على الدجاج
هههههههههههههه والله مدري نقرا القصيده والا القصه
لكن ابو زومه وابو دومه وحومه وحفيان الذيخ وطبق نعوله مفاختيين الحيين والا على قيد الحياه
والقطفه هاذي وين لقيتها

الله يسامحك يا طلال انا اسد في اللزوم وحافظن نعتك زين منت بتقول تلقا القطفه في جنبها قطفة ثانيه في جذيبه على حرف وادي وتحت القطفه ملسه ربداء واضح النعت كلن يدله
وانت يا مسري تقول نقرى القصيده والا السالفه ما تعرف ان لكل قصيده سالفه يستشهدبها المسولف وبعدين ابو زومه وابو حومه وحفيان الذيخ وطبق نعوله معارضيني الاربعه مع حيد الستير وعقبتهم ما شافوني لان تعديتهم

تصدقون ما باقي عن تسحيب الجوالين غير شي بسيط

اقصد ماعاد اقدر اقرا من الضحك
اضحك الله سنك والله يسعد الخطاف اللي فتح الموضوع واظهر بعض المواهب
لكن نعتك انت وطلال كان مانيب موهم ان القطفه اللي تقولونها في قاعة العمللللط راس مفار
وبالعكس قصائد في قمة الروعه والراعه واكثر الشعر حشو كلام والشعر الهلالي يختلف عن شعر اليوم

أثركم ياربعنا وراكم علوم والسرحة اللي تقولونها عطونا نعتها نبا نشقر علاها مرة ثانية الضاهر أني مارها المرة الأولى بس مادريت أنها هي.......

صح ألسنتكم ياالربع وصح لسانك ياخطاف وماهوالظاهر إلا أكيد إنك مقيل فيها وممرح ذاك الليله والله يوسع صدوركم ياالغنانيم علومكم طريفه وفعولكم جزله وخوتكم وافيه.

ههههههههههههههههههههههههههههههههههههه

الله يسعدكم قصائد جميلة وروح مرحه

تحياتي للجميع

الله يعز مقدارك ياصقر مطير وصح بدنك وحياك الله ولاتعلم احد فالسرحه

ابن نما :d وراك ماتشاركنا لو بشطر

صقر مطير صح بدنك