قــــــصيـدة الوالد(صنهات الخفشاء)(رحمه الله)
 

(السلام عليكم ورحمة الله وبركاته)

مبداء من قصايد الوالد المرحوم (صنهات بن مصلح الخفشاء)

فاطري جات من مطلاع شمس
من هلا السيف مدري من ظفير

محلا فوقها نقل ام خمس
عز للحي وارزاقهـ تـسـيـر

انحمسنا الظماء والقيض حمس
ماقلط قدمها بنت البـعـيــر

مانشوف الأماره كود رمس
من وحمها العمامه تـتـطـيـر

وكل يوم علاها اطيب من امس
يوم سـاج الحقب وهيه نـظير



(ومناسبة القصيده كسب ذلول من الشمال
وراح عليها لمقر اقامت اهله في الشبرم )




(((وانتظرو المزيد من قصايد صنهات الخفشاء)))
============================

رد: قــــــصيـدة الوالد(صنهات الخفشاء)(رحمه الله)
 

الله يرحم والدك صنهات الخفشاء

ويعطيك العافيه على الايراد

رد: قــــــصيـدة الوالد(صنهات الخفشاء)(رحمه الله)
 

الله يرحم صنهات الخفشاء بس انت وراك مقفل جوالك ؟؟

رد: قــــــصيـدة الوالد(صنهات الخفشاء)(رحمه الله)
 

رد: قــــــصيـدة الوالد(صنهات الخفشاء)(رحمه الله)
 

ما شاء الله تبارك الله قصيدة اكثر من رائعة الله يرحمه ويسكنه الجنه وبيض الله وجهك على الإيراد لا تبخل علينا ياوليد بالقصايد والعلوم الغانمة يالذيب

رد: قــــــصيـدة الوالد(صنهات الخفشاء)(رحمه الله)
 

السلام عليكم ورحمة الله وبركاته

رحمه الله وأسكنه فسيح جناته وجعل الجنة مثواه

قصيدة جزلة ولانستغرب هذا على أفراد هالقبيلة المثقفة

وسلمك الله ياوليد على ماأحضرته لنا .

رد: قــــــصيـدة الوالد(صنهات الخفشاء)(رحمه الله)
 

رحم الله اموات المسلمين قصيدةرائعه .

رد: قــــــصيـدة الوالد(صنهات الخفشاء)(رحمه الله)
 

صح لسانك صنهات الخفشاء
ولاتستغرب عليه مثل هالقصيده
وهالقصيده حيرتنا انت تقول لصنهات الخفشاء
وحبيب العازمي يقول لجده
وغيركم من ينسبها لبطحي
اتمنى من الشباب اللي مهتمين بالشعر يبحثون لنا في هالقصيده حتى لا يحدث فيها لبس

استبيحك عذرا اخوي على التعليق ولكن حبيت اكون على بينه واعرف من يكون صاحب القصيده بدون لايكون عندنا لبس
ولكن انا من قريتها واول مره اسمع انها لصنهات الخفشاء حسيت انه الاقرب بينهم للقصيده
اتمنى نلاقي احد يبت لنا في هالقصيده

رد: قــــــصيـدة الوالد(صنهات الخفشاء)(رحمه الله)
 

هذي قصيدة صنهات الخفشاء وصار عليها شكوى . واخر شيء ثبت انها لصنهات

رد: قــــــصيـدة الوالد(صنهات الخفشاء)(رحمه الله)
 

السلام عليكم ورحمة الله وبركاته

بالنسبة للقصيدة قد سمعتها من تركي بن ماطر

ويذكر أنه سمع دحيم بن رشيدالغنامي ينقل عن كريم بن شعوي الغنامي بأنه سمعها

شخصيا من بطحي بن غنيمة رحمه الله تعالى في قصة معينة وهي عبارة

عن ثمانية أبيات والأهم أنها لغنامي وليست لأحد غيرهم

وكلام حبيب بأنها لجده فهذا غير صحيح لأنه ذكر أنه ربما يكون واهم ،

يعني ليس لديه مايثبت أنها لجده .

إذا نستخلص بأن القصيدة لغنامي لاشك ولاريب.

هذا والله أعلم

رد: قــــــصيـدة الوالد(صنهات الخفشاء)(رحمه الله)
 

رد: قــــــصيـدة الوالد(صنهات الخفشاء)(رحمه الله)
 

جدي مشعان بن حمدان أبو بطين الغنامي سألته عن القصيده وأكدلنا إنها لخاله بطحي بن غنيمه

لاتقولون صاير عليها شكوى لأن القصيده عليها شهود إنها لبطحي بن غنيمه وأرجو منك التأكد يالخفشا

رد: قــــــصيـدة الوالد(صنهات الخفشاء)(رحمه الله)
 

صحيح اخوي كلامك لايختلف عليه اثنين اهم شئ انها لغنامي
ولكن يالغالي وجودها هنا خلاص يثبتها لصنهات الخفشاء اذا ماحد اعترض عليها
وانا صراحه الشكوى ماسمعت عنها بالرغم اني بعيد عن الجماعه ومجتمعاتهم واكثر الاخبار لاتصلني

لكن حبيت اوضح اللي عندي من معلومات وغير من الشباب من يحمل نفس معلوماتي
ولا انا ولا انت ولا اي عضو في المنتدى نرضى قصيده شخص تنسب لشخص ثاني مهما كانت الاسباب
وانا اتمنى انها توضح اكثر لان المنتدى يعتبر مرجع للجميع ومانبي واحد بكره يتكلم على منتدانا نبي نثبت انها لصنهات الخفشاء او لبطحي وكلهم عينين في راس والحمدلله فقط لاغير حتى من يقرى المنتدى يعرف ان فيه ناس يوضحون الامور الذي فيها لبس
لاني من طلعت على الدنيا وانا اعرف انها لبطحي حسب ماسمع واتفاجئيت بوجودها لصنهات الخفشاء وانا راح استفسر من ابناء صنهات الخفشاء شخصيا واقارب بطحي
واخوي اللي ذكر الشكوى ماوضح لنا اكثر ياليت يالغالي اللي ذكرت الشكوى ترسل لي تفاصيلها اذا ماتقدر تكتب وتوضح لنا تفاصيلها ومن اللي اشتكى واشتكى مين

اتمنى لكم التوفيق جميعا

الله يرحم اموات المسلمين

ماذكر من الرواه
القصيده لبطحي الغنامي

اما حبيب العازمي عليه مراجعت حساباته