منتديات شبكة قبيلة الغنانيم الرسمية - يـا الله لاتقطـع الهـقـوات (جديد أبوعذبي)

- ديوانية شعراء الغنانيم (https://www.gnanim.com/vb/forumdisplay.php?f=49)

- - يـا الله لاتقطـع الهـقـوات (جديد أبوعذبي) (https://www.gnanim.com/vb/showthread.php?t=14846)

يـا الله لاتقطـع الهـقـوات (جديد أبوعذبي)

نعود مجددآ مع شاعرنا الكبير القدير / سداح الغنامي بقصيده تعبر عن نفسها

يا صبح نورك عليـه إثبـات
شمسك على الكـون شعّالـه
.
والليـل لـو يستـر الغـرات
يبدي مـن اسـراره لحالـه
.
البارحه والهجـوس أفـوات
مابيـن رجـلـي وخيـالـه
.
شالن في صدري ثلاث اصوات
ونوم العوافـي بـرن حالـه
.
عقلت قلبـي عـن السجـات
وعـوّدت أسريّـه بعقـالـه
.
وروابعه عقب راحـت جـات
تحـط حمـلـه وتشتـالـه
.
وأمسيت أجرّ النسم بسكـات
وكبرت على القالـه القالـه
.
يا طول صبري على الميـلات
وقت العنـا فـاض مكيالـه
.
حنا في وقت ٍ مـن الاوقـات
يضفي على الخلـق سلالـه
.
زادت دشـوش الفضائـيـات
وانا الفضـا مالـي ومالـه
.
جاء مع عرب سات نايل سات
يرسـل وزانــه ويبـرالـه
.
موجة تطور على الشاشـات
ريموتهـا يكـبـس الآلــه
.
والمجد مـن بدهـا بالـذات
يا جعل مـا يقطـع ارسالـه
.
ما تعرض ألا ّ عبـر وآيـات
وصلّوا علـى محمـد وآلـه
.
والسلّـه الباقيـه هيـهـات
ماهـيـب لله وإنّــا لــه
.
قمصان نوم وعلـوم وشـات
بـث ٍ فـال الله ولا فـالـه
.
ارسل سلامك وهاك وهـات
وكـلٍ محـضّـر بجـوالـه
.
عسل وصل والحنونـه جـات
دجـال يضـحـك لدجـالـه
.
ناس ٍ بلاهـا حياهـا مـات
شبـاب الاسـلام يرثـالـه
.
الفن مـع كاشـف العـورات
يصلـح لشـرواه وامثـالـه
.
يـا الله لاتقطـع الهـقـوات
وتبلّـغ الـعـود فـعيـالـه

هههههههههههههههههههههههههه
احكمها ابو عذبي كالعاده
صقر روق سفيرنا عند ياسر الله يعطيك العافيه
اجمل تحيه لك وله

صح السان ابوعذبي

ابومنيف مشكور على النقل

احترامي وتقديري

صقر روق

شاعرها فاق الجزاله

هذا احد صقور الغنانيم فالشعر لله دره وسلمت يمناك على هذا النقل

وتقييم مستمر لامحاله يستاهل وتستاهل الطيبه

صح لسان سداح وبيض الله وجهك ياصقر ماتجيب الاالجزل

اقتباس:
المشاركة الأصلية كتبت بواسطة ابو رامي http://www.gnanim.com/vb/gnanimxp/buttons/viewpost.gif
هههههههههههههههههههههههههه
احكمها ابو عذبي كالعاده
صقر روق سفيرنا عند ياسر الله يعطيك العافيه
اجمل تحيه لك وله

أبورامي مرورك شرف لي دائما تحياتي وتقديري طال عمرك

اقتباس:
المشاركة الأصلية كتبت بواسطة نوح فايح الغنامي http://www.gnanim.com/vb/gnanimxp/buttons/viewpost.gif
صح السان ابوعذبي

ابومنيف مشكور على النقل

احترامي وتقديري

أبوفايــــح مرورك يشرفني دائما تحياتي وتقديري

اقتباس:
المشاركة الأصلية كتبت بواسطة عبدالإله القبوري http://www.gnanim.com/vb/gnanimxp/buttons/viewpost.gif
صقر روق

شاعرها فاق الجزاله

هذا احد صقور الغنانيم فالشعر لله دره وسلمت يمناك على هذا النقل

وتقييم مستمر لامحاله يستاهل وتستاهل الطيبه

شاعرنا المتالق مرورك شرف لنا تحياتي وتقديري

اقتباس:
المشاركة الأصلية كتبت بواسطة الضامي http://www.gnanim.com/vb/gnanimxp/buttons/viewpost.gif
صح لسان سداح وبيض الله وجهك ياصقر ماتجيب الاالجزل

شاعرنا المبدع سعد مرورك يشرفني ويسعدني دائما تحياتي واحترامي

مشكوووووور والله يعطيك الف عافيه
على نقل قصيد ســــــــــــــــــــــــــــــــداح
احترامي لك

المشعاب شرفني مرورك وتعليقك تحياتي

بيض الله وجه ابو عذبي على هذه القصيده الممتازه
والمعبره شكراً على النقل الجميل وتقبل تحياتي

أبوتركي شرفني مرورك وتعليقك تحياتي وتقديري

ياالله لاتقطعنا من أبو عذبي صح لسانه مليار

وتسلم ياصقر على النقل المميز كعادتك الله يحفظك ويحفظ ابو عذبي آمين

صح لسان سداح

ولاهنت ياصقر