|
موضوع للنقااش ارجو الكل يشارك
السلام عليكم ورحمة الله وبركاته اخواني ابناء العمومه من افراد القبيله اسعد الله اوقاتك بكل خير الموضوع وسلامتكم يخص القبيله والوضع الحالي انا والله مهتم مثل ما الكل مهتم وزبدت الموضوع عزوف الشباب عن حضور المناسبات ولاحضت في الاواني الاخيره قله في الحضور من الشباب لفراح ومناسبات ابناء القبيله وصراحه شي يفشل امام الاجناب وصدقوني هذي الظاهره خطيره جداً واول نتاجها الشباب صارو مايعرفون افراد القبيله لو يقابله في مكان عام ماعرفه الحين انا لو يسالني احد عن فلان من الغنانيم مااعرفه يمكن اعرف ابوه بس هوو لا وصارت مع شباب كثير بعضهم يستغرب ان فلان من الناس له ولد اسمه فلان وغير كذا نتاجها في المستقبل اخطر بكثير ثاني شي صلت الرحم بيننا قليله جداً ونسيا انها سنه ونها من اسباب طولت العمر ووصا بها ديننا الحنيف والمناسبات افضل وقت لصلت الرحم وغير كذا الي الي ملاحضة الطراقي قلووو ماعاد يسيرون على ربعهم يستاجرون ويخلصون شغلهم ويمشون بدون حس وخبر وانا اشوف ان القبيله انقسمت الى اقسام وهذا الشي نكبه ( الله يكفينا شرها ) للاجيال القادمه والمشكله مافيه احد ( مع احترامي للكل ) يحل الموضوع واذا ماحلينها بنفسنا راح نجني على عيالنا انا بالنسبه لي احضر اغلب المناسبات الي ادعي فيها وتلبيت الدعوه واجب واخذ اعيالي مع العمل انهم صغار بالسن بس ابيهم يتعلمون ويعرفون اعيال عمهم المهم لازم يكون فيه مبادره من شباب الغنانيم وبالاخص الي في المنتدى وانا اقترح على اعضاء ومشرفين المنتدى وضع جدول يتم فيه التنسيق للمناسبات مثلن محافضة عفيف يتم التنسيق مع احد الاعضاء المعروفين لدى ابناء القبيله وهو من ابناء المحافضة يتم الاتصال فيه قبل تحديد وقت الزواج ويختار يوم مناسب مافيه زواج ويحجز التاريخ بحيث اذا نوا احد الزواج في نفس اليوم يكتشف ان اليوم محجوز ويختار تاريخ بديل بهذي الطريقه يصير الزواجات منضمه وتسهل على الحضور مايصير انقسام يعني مايروحون ابناء القبيله في مجموعات بين فلان وفلان ويزيد الحضور للمناسبات ومثلها في الرياض وباقي المناطق ويفضل وضع جوال الغنانيم رسايل لدعوات المناسبات ويصير الكل حاضر ولا يكلف الله نفس الا ماصتطاعه والحضور تشريف لبن العم وتشريف للقبيله امام الاجناب للاسف انا اشوف حضور الغنانيم في الوقت الاخير الاقل بين القبايل وغير كذا يثبت موضوع جدول للمناسبات ع شان مايصير فيه عذر للحضور غير الي عنده ضرف وهذي الفكره انا صراحه مقتبسها من احد الزملاء اتصل وهو معي على واحد وقال وش الايام الي مافيها زواجات في الصيف واعطاه التواريخ واتصل على اخوه وقال اختر تاريخ مناسب وشف لك قصر وخلني احجز التاريخ وبصراحه عجبتني الفكره وشفت نتاجها في حضور زواج اخووه شي يشررف صراحه وانا والله اعلم لو يحضر نص افراد القبيله / لاكان الي يتاخر ماراح يحصل مكان في القصر وصدقنوني ماراح يشيلهم اي قصر وهذا الشي نتاجه لافراد القبيله مهم جداً من ناحيت التعرف على بعض والتواصل بيننا وثاني شي من يرقد في السرير الابيض لازم يبلغ افراد القبيله اول شي للدعاء له بالشفاء وثاني شي لزيارته وزيارت المريض واجب وغير كذا تعود على نفسيت المريض والنفسيه نصف العلاج واخيراً وليسا اخراً اتمنى من لديه القدره بالمبادره يبتدي فيها وله الشكر مقدما ووضع دراسه وضوابط ويصير هذا الشي معتمد لدى افراد القبيله // ونسي الخلافات // والتواضع زيين :msn-wink: واتنمى من تهمه القبيله المشاركه بوضع مقتراحات وحلول للوضع الراهن دمتم بخير |
صراحه موضوع حلو للنقاش وطرح مميز
انا قريت الموضوع واستغربت الزيارات 24 بدون ترك اي ملاحظه او تعليق ماحبيت كون مثلهم على العموم بالنسبه للزواجات اعتقد من توصه عزيمه يحضر لكن اكثر المتزوجين يعتمد على غيره في توصيل الدعوات ويجي هنا التقصير واغلب الشباب يكون مرتبط باعمال خارج المنطقه ويصعب عليه الحضور بالرغم ان كل تلك مجرد اعذار نلتبسها ولا تعذرهم عن الحضور ..... بالنسب لكلامك وغير كذا الي الي ملاحضة الطراقي قلووو ماعاد يسيرون على ربعهم يستاجرون ويخلصون شغلهم ويمشون بدون حس وخبر الناس قبل كانت مضطره انهم يضيفون ابناء عمومتهم اذا صار لهم شغل في نفس المنطقه وغالبايكون بيت او بيتين ولكن الان الحمدلله الشقق صارت متوفره بكثره وابناء العمومه في نفس المنطقه يكونو بعدد كثير مايتجاوز العشرين بيت او اكثر فصعب عليه يجي عند فلان ويخلي فلان يخاف يزعل وغير ذلك لو جاء عنده ارتبط مع الباقين وبدل مو وقت اقامته بالمنطقه يوم او يومين جلس سبوع واكيد كلكم تتذكرون قبل الشاب اذا جاء للبحث عن وظيفه يجي عن ابنا عمه في المنطقه المتاهلين وتلقون البيت فيه اربعه خمسه عزوبيه ينظرون مواعيد وغيره وماكان فيه عزاب ساكنين بشقق لكن هالايام اختلفت الشاب يجي مع شباب وعندهم شقه عزوبيه ويجلس عندهم فصار الكل يجي عن قريبه سواء عزوبي او متاهل بالنسبه للمناطق الكبيره _________________ بالنسبه للسرير الابيض اتمنى من رب العالمين ان يشفى كل مسلم ومسلمه كل ماكتبته فوق مجرد نقاش للموضوع وطبيعة الحياه اتغيرت كثير متجهه لرغد الحياه ونسيان الناس بعضهم لبعض الله يكفينا شر عواقبها |
أخوي الرمش بيض الله وجهك على العلوم الطيبه
وأنا أول من يدعوكم في يوم الجمعه وليلة السبت في قصر مبارك للاحتفالات با الرياض وأقول تشريف لاتكليف ولا أبي من أبنا عمومتي ألا مثل ماقال الرمش تعارف وصلة رحم وتشريف وهذ رقم جوالي السعودي للجميع 0545446272 والجوال القطري 0097466670074 وعسى الله يحييكم يا أخواني والله أني أتشرف بحضوركم ومن عنده مناسبه يتصل علي ولي الشرف في تشريفه ويشهد الله أني صادق واللي زعلان علي يواجهني ويبشر با اللي يرضيه لاني أحس أن بعض الاخوان ناشف في ردوده على قصايدي وحنا أكبر من هذ كله واللي تبون ياربعي أبشروبه غالي وألا رخيص أنا عشت في بلد أجتماعي وفي مجتمع نسهر سوى والى أصبحنا سلمنا على بعض وأذا طلعنا من الدوام سلمنا على بعض يشهد الله وتقبلو تحياتي |
نقاط جيده ومفيده التي ذكرتها في موضوعك والله يجزاك خير عليها فهي تمثل روح الاخوه والقرابه بين ابناء العمومه والتكاتف بينهم فكما هو معلوم ان المناسبات عند الاقارب لابد ان يحضرها ضيوف من خارج القبيله سواء جيران او زملاء عمل او دراسه فنحن مهمتنا الظهور بمظهر حسن امامهم وتشريف ابن عمنا بخدمة ضيوفه من ابناء العم وجيرانه وزملائه وتلك النقطه بالذات تقف عند الشباب من اقاربه ومدى تكاتفهم ولاكن كما قلت لاحضنا عزوف اغلب الشباب عن حضور المناسبات فهذا تصرف غير لائق فكما هو معلوم عند علماء النفس بان الشخصيات لدى الانسان فيها الاجتماعي والانطوائي فالاجتماعي تجده دائمآ يحضر المناسبات حسب استطاعته واما الانطوائي لايحضرها حتى لو كانت عند والده او اخوه فتلك الصفه لابد تغييرها بالنصح من الاخرين ومحاوله تغيير هذا الاسلوب الغير جيد له او لغيره من اقاربه الخاصين
ونحن لابد لنا من التكاتف في تلك المسائل لانها مهمه وتعتبر من صلة الرحم بين الاقارب وعن نفسي ولله الحمد لا اتغيب عن اي مناسبه سواء قريبه او بعيده وقد مررت في هذا الاسبوع بثلاث مناطق وهي الرياض والدمام وجده لكي احضر المناسبات لابناء العمومه وقد لاحضت تغيب اغلب الشباب عن تلك المناسبات فهذا يدل على نفور فئه الشباب عن المناسبات فهذا يعطي صوره سيئه لمدى التواصل بينهم ومن اهم اسباب ترك هذه الظاهره المنتشره في المجتمع وليس حصريه على فئه معينه هو التناصح فيما بيننا والتشجيع للتعارف بيننا بشكل اكبر ومن لم يحضر في اي مناسبه لابد لنا من انتقاده بشكل محترم وليس بالتلفظ عليه لكي يحاول ان يتلافا تلك المشكله في وقت لاحق واشكرك جزيل الشكر لهذا الموضوع المهم والذي يجب علينا ان نتكاتف في ايجاد حلول لهذه المشكله |
موضوع مهم جداً ومفيد تشكر كل الشكر على طرحه ومناقشته ونحن أبنا القبيله يجب علينا التكاتف والتعارف وأستجابة الدعوه والنصح وألأرشاد الدال على الخير ويجب علينا أن لا نفرق بين هذا ولا ذاك بمعنى يجب علينا أن نتجنب العنصرية عنصرية الجاهليه ويجب علينا أن نعتبر القبيله بمسماً واحد وتحت مضلتن واحده الي هو غنام يعني غنامي أبن عمي ويجب على أبناء القبيله عدم التحيز مثل هذا من الفلانيه وهذا من الفلانيه وهذا الكلام هو الذي يسبب التفرق بين أبناء القبيله يجب علينا تجنبه ويا حبذا لو تجمعوا عدد من أفراد القبيله من أهل الذمه وألأمانه وعملوا نداء لأبنا القبيله وستأجروا خيام في كل صيف لأبنا القبيله وعملوا فيها محاضرات دينيه وألأعاب ترفيهيه للاطفال ومحاورات شعريه وأمسيات شعريه والتكلفه على أبناء القبيله بالتساوي فهذا اعتقد افضل للتعارف |
غنامي نجد بيض الله وجهك وكلامك طيب جدّاً ولايجي فوقه كلام غير ماكان مثله وأطيب
بالنسبه للمناسبات حنا قبيله وعيال عم ولنا حقوق وواجبات على بعض ومن أقل هالواجبات والحقوق بإتجاه أبناء العمومه أننا نشاركهم الأفراح والأتراح (الحزن والفرح ) وهالشي طيب وفيه أجر عظيم من تطييب لنفس إبن العم وبيان اللحمه بين أبناء العمومه وتكاتفهم ويعلم الله إني أفرح لاسمعت بمناسبة غنامي وألبي الدعوه لاوصلتني قبل الناس كلها والجدول فكرته ممتازه جداً لأن فيها تنظيم وزياده على التنظيم يكون الجميع عارف بمناسبة إبن عمه ورفيقه ويكون هناك حضور طيب وانا عندي إقتراح عليكم وعلى المنتدى ليش مايصير فيه رعاية من المنتدى لزواجات الشباب ولو بالإسم إذا كان هناك عروس فيها أمسيات ولا محاورات شعريه بيفيدنا وبيفيد المنتدى كذلك |
اقتباس:
المشاركة الأصلية كتبت بواسطة المستلبد http://www.gnanim.com/vb/gnanimxp/buttons/viewpost.gif نقاط جيده ومفيده التي ذكرتها في موضوعك والله يجزاك خير عليها فهي تمثل روح الاخوه والقرابه بين ابناء العمومه والتكاتف بينهم فكما هو معلوم ان المناسبات عند الاقارب لابد ان يحضرها ضيوف من خارج القبيله سواء جيران او زملاء عمل او دراسه فنحن مهمتنا الظهور بمظهر حسن امامهم وتشريف ابن عمنا بخدمة ضيوفه من ابناء العم وجيرانه وزملائه وتلك النقطه بالذات تقف عند الشباب من اقاربه ومدى تكاتفهم ولاكن كما قلت لاحضنا عزوف اغلب الشباب عن حضور المناسبات فهذا تصرف غير لائق فكما هو معلوم عند علماء النفس بان الشخصيات لدى الانسان فيها الاجتماعي والانطوائي فالاجتماعي تجده دائمآ يحضر المناسبات حسب استطاعته واما الانطوائي لايحضرها حتى لو كانت عند والده او اخوه فتلك الصفه لابد تغييرها بالنصح من الاخرين ومحاوله تغيير هذا الاسلوب الغير جيد له او لغيره من اقاربه الخاصين ونحن لابد لنا من التكاتف في تلك المسائل لانها مهمه وتعتبر من صلة الرحم بين الاقارب وعن نفسي ولله الحمد لا اتغيب عن اي مناسبه سواء قريبه او بعيده وقد مررت في هذا الاسبوع بثلاث مناطق وهي الرياض والدمام وجده لكي احضر المناسبات لابناء العمومه وقد لاحضت تغيب اغلب الشباب عن تلك المناسبات فهذا يدل على نفور فئه الشباب عن المناسبات فهذا يعطي صوره سيئه لمدى التواصل بينهم ومن اهم اسباب ترك هذه الظاهره المنتشره في المجتمع وليس حصريه على فئه معينه هو التناصح فيما بيننا والتشجيع للتعارف بيننا بشكل اكبر ومن لم يحضر في اي مناسبه لابد لنا من انتقاده بشكل محترم وليس بالتلفظ عليه لكي يحاول ان يتلافا تلك المشكله في وقت لاحق واشكرك جزيل الشكر لهذا الموضوع المهم والذي يجب علينا ان نتكاتف في ايجاد حلول لهذه المشكله نفس الكلام اللي ذكره اخوي المستلبد ويجب علينا ان نتكاتف في ايجاد حلول لهذه المشكله |
الله يعطيك العافيه .. واحسنت في ماقلت ..
|
اشكرك كل الشكر على موضوعك المميز
نحنو بحاجه ماسه لتكتف والتلااحم بيننا ولابد من التقارب اكثر تمر السنين والايام ولانرا بعضنا بعض وهناك زواجاة لاابناء القبيله ولاندعو لها في هذا المنتدى واين صور حفل ابناء القبيله في زوجاتهم جميع القبائل الاخرا تطرح مواضيع تهنئه وصور حفل الزوجات والدعوات الى المحافل الخاصه بــ بقبيلتهم اين نحنو لماذ لانفعل مثل مايفعلون لاماذا لا تتحرك مشاعركم ايه الاخوه لماذ لانرا كثير في هذ المنتدى من ابناء القبيله اين هم متواجدون في منتديات اخرا معذه على الاطاله او خروج عن النص اشكر طارح الموضوع والمعلقون |
السلام عليكم
مساء الخير انا بلخص المشكله او الاسباب في عدة نقاط البعد له دور كبير ربعنا زواجاتهم مثل طشيش اغنمن مصبحها ذيب من كشب للشرقيه من الشرقيه للرياض من الرياض للطايف من الطايف العفيف ضف الى ذلك انهم يحطون التواريخ ورى بعض انا اليوم حاضر زواج بجده بعده بليلة معزوم بالرياض وهم يقربون لبعض كيف اغطي الاولى ان يكون فيه تنسيق وان يكون بينهم اقل شي ثلاثة ايام المسافه ماهي بسيطه كذلك الاولويه بالحضور فيه شخص عزيز وغالي اولى من شخص اقل معزه كذلك ارتباطات العمل والنقطه الرئيسيه هي ان البعض يجازي انت ماحضرت زواجي ليه اتعنا وحضر لك الصيفيه من يوم تبدى لين تنتهي وهي ملاسب وملاهب عجزنا نغطي الملاسبات والملاهب لو يخلونها مسيار اخف وبرك |
كلام ســليم وأنــا مــاعندى زياده عــلى الاخوان
وكــلنا يد وحـــده (( عــــــــــــلى القــــــــــووووه )) |
اقتباس:
معك 100% رأيك " معزوفه موسيقيه " تحيتي |
غنامي نجد بيض الله وجهك موضوع جيدللامانه واناشخصياحصلت معي كثيراقابل غنانيم مااعرفهم والسبب هوهذه الظاهره تقريباوالله مقصرين بحق البعض لكن يزينهاالله ياغنامي نجد معك غنامي الحجاز
|
السلام عليكم ورحمة الله وبركاته
اول شي شكراً من كل قلبي لكل من مر على الموضوع وشارك معنا وثاني شي ودي ارد على مشاركة كل واحد بس لكثرها وتنوع الاراء فيها نكتفي بالشكر والعذر مقدم لهم انا يااخواني وابناء العمومه ماكتبت الموضوع غير لغيرتي مثل غيرتكم وودي نطلع بنتيجه وننساء زمن الكلام والتمنى الى زمن التطبيق لا نحتري احد يغير بوضعنا وضعنا بكل اسف ( وليس تشائم ) في تدهور .. نساءل الله العفو والعافيه انا اتمنى من الاداره العمل بوضع جدول للزواجات ( حجوزات ووضع لكل منطقه مندوب او نكتفي بمراسلة احد الاعضاء ونبلغه بتاريخ الزواج والعضو يحجز التاريخ .. بحيث اذا احد اراد الحجز يستعلم عن التواريخ الي فيها زواج من نفس المنطقه وهذا حل اشووفه مناسب جداً وثاني شي ينزل موضوع يكتب فيه المناسبات وتاريخها والمنطقه وتصير عزيمه لبنا القبيله ... لكي مايصير عذر انه ماعلم بالزواج ويصير الحضور للجميع وتشريف للمعرس وثاني شي اتمنى وضع رسائل اذا امكن وبعد موافقه المعرس يرسل رساله بالمناسبه وباقي المقترحات الي اقتروحوها الشباب وتقبلوو مني فائق ودي واحرامي |
هلابك اخوي معدي
المعذره ياشباب انا بس حبيت ارد على معدي الغنامي واوضح له كم نقطه انا معك ان فيه عدم تنسيق زواج في جده ومن بكره في الرياض وهذي تعني الناس وهذي هي المشكله الرئيسيه انه مافيه جدوله للتوضيح لوو بس يحضرون 50% من غنانيم الرياض في الزواج المقام بالرياض مايشيلهم قصر وانا متاكد من كلامي ونفس الوضع عفيف انا كل مااحضر زواج في الرياض احصل غير الحضور للزواج الي قبل يأخي صرنا احزاب ( وهنا المشكله انا مره حضرت زواج في عفيف قبل زمن يمكن 8 سنوات او حوول اول مره تحصل معي وشي غريب جداً انه في زواج العشاء ثلاث دفعات ...! حنى مناسباتنا الي تجي في البيوت يالله يالله دفعتين اذا صار حضور عاد كيف زواج ماشاءالله بس راح زمن الحضور والحين صار الواحد ياخذ قصر ويتعنا والحضور 30 رجال وهذا صراحه شي محزن انا حضرت زواج بالرياض الحضور يكفيهم 5 ذبايح والله فشله والمشكله جيران العريس او زملاء العمل وش بيقولون عن الغنانيم !! والله ياشباب هذا الشي له مشاكل وسلبيات في المستقبل القريب علينا وعلا عيانا صرنا مانعرف وعيالنا بالمستقبل يمكن مايعرفون غير ولد عمه الواقف وخاله بسس الحضوور له فوائد كثيره ومن اهمها معرفت بعض وتشريف المعرس واهله قدام الاجناب يكفي ان مالنا ديره عليها الكلاااام تكف كافت ابناء القبيله ( صرنا طشيش يامعدي (: يادااافع البلاء بسسس |
| +4. الساعة الآن 10:53 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط