|
مدح في عقاب الخفشاء
السلام عليكم
هذي قصيده لواحد ٍ سرقتها منه وهوه ما درى وهي مدح في / عقـاب ابن مجاهد الخفشاء الغنامي
يا عقاب يا عزّي ويا تاج راسي = يا من يشرفني ليا حلّ طاريه علم ٍ صحيح ولا عليه التباسي = و راع الوفا كل ٍ يعزّه ويغليه و الطيب ماله حسب ظني مقاسي = ولا كل من هازه يحصل مشاهيه و عقاب دايم بالمواقف حماسي = على الشرف و العزّ مكبر هقاويه شبل ٍ عليه من المروه لباسي = لبس ٍ من الجدان ما هوب شاريه منصاً لمن حمله بدنياه قاسي = يشيل حمل اللي من الهم ناصيه لو عارضه دون الجميل احتباسي = من قوّ عزمه ما تزعزع مساعيه الطيب في شرواه معروف أساسي = ومن طيب ساسه ما تغيّر مباديه و القصيده الضاهر اطول من كذا مار هذا الي قدرة علاه. |
صح السان قائلها
ونعم بالخفاشين الاخ نواف بيض الله وجهك |
صح لسان شاعرها
بيض الله وجهك على النقل |
ونعم فيك وفي المادح والممدوح
ومن حصل شيء يستاهله وصح لسانه ولاهنت على روعة انتقائك اجمل التحايا بن مزنوت |
.
. نواف وين الغيبات :) فعلا يا بو عيد عقاب من خلال معرفتي به الشخصية رجل يستحق المدح وانسان جدا جدا ظريف وخفيف دم ولاينسى العشرة ابداا ،، مع اني مقصر في حق ابو مجاهد ولاعاد اواجهه الا قليل جداا ،، عقب السمرات اللي منول :) صح لسان الشاعر يانواف وشكرا كل الشكر لك اخوك :سلطان .. |
صح لسان قائلها وناقلها اشكرك اخ نواف
|
نواف بيض الله وجهك وصح لسان قائلها ولاهنت
|
نواف الله يحفظك
بعض السرق حلال وعلى مسئوليتي وانت ما عليك اسرق وانا احلل يابو عيد ولا يهمك عمك جمل انا ما اعرف الممدوح لاكن بما انه ينتمي لهذه الأسره فهو بلا شك يستحق المدح شكرآ لك يابو عيد والله يسعد ايامك |
شكراً لك يانواف وكثر من السرقات الطيبه اللي مثل هاذي وصح إلسان الشاعر ويستاهل الممدوح موفق إن شاء الله |
ابو فايح
وجهكــ ابيض ولا هنت يالذيب على المرور - سمو الذات وجهك ابيض يالقرم ولا هنت على المرور - ابن مزنوت ما علاك زووود يالذيب و الله يبيض وجهك على المرور و التعليق - ابو ديما جعلك ما تفقد غالي ( ما غار شوية اختبارات ولا خلصت لهالحين بعد ) :) ما يدوم الا وجه الله يبو ديما و الله يبيض وجهك على المرور - صح بدنكـــ يا سامي ولا هنت على المرور و التعليق و العفووووووو - صقر روق وجهك ابيض ولا هنت على التواجد يالقرم - ابو رامي الله يسعدك و يوفقك مار بعض السرق يمكن تجي بعده ضيقه ويمكن ذبحه بعد :) مار تراني في وجهك :) لا هنت على المرور و التعليق يبو رامي - بناخي الكعاري العفووو و اشكرك على المرور و التعليق يالقرم ولا هنتوا جميعاااااا وشكرا لكم |
يستاهل ابومجاهد
بيض الله وجهك يا نواف تحياتي |
لـو عارضـه دون الجميـل احتبـاسـي مـن قـوّ عزمـه مــا تـزعـزع مساعـيـه
الطيب فـي شـرواه معـروف أساسـي ومـن طيـب ساسـه مـا تغيّـر مبـاديـه الله الله الله الله بيض الله وجه راع القصيده وصح لسانه وتسلم يدك ياابو عيد والوعد الليله بظلم لتوبك السرق ههههههه كان ربي سلمنا يابعدى تقبل مرورى |
هههههههههههههههههههههههههههههههه
ليش الخطاء هذولي معشر الشعار الي يبونه طيب فهو طيب بقصيده على شاكلة هذي والي يبونه ردي فهو ردي بقصيده عكس هذي تماماً وعلى كيفهم احنا وش خسرانيـــن خلنا نشوف ونسمع ونسكت ؟؟؟؟ ؟؟؟ ؟؟ ؟ |
ألأ خ نواف بيض الله وجهك على النقل وصح لسان الشاعر الذي قالها
وعقاب بن مجاهد يستاهل المدح وعلى قول المثل الحسنه تدل بيت اهلها |
نواف بيض الله وجهك وصح لسان قائلها ولاهنت |
بــــــيض الله وجــــهك يابوعــــيــد
وصـــح لــــســـان الشاعر |
| +4. الساعة الآن 11:32 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط