|
اطررف شاعر
اطرف شاعر يستلم
وتراني عليمي :( وحبذا شاعر متواجد نبا نتسامر في حلة اللي لهم فالمعرفه والشعر صولات = سلام تسليمتن من هاجسي واللعب حامي نبغا لنا شاعرن فنان في تركيب الابيات = وانا نظامي واحب اللي بعد مثلي نظامي |
في حلة اهل الوفا والجود ورجال المروات=يامرحبا فيك ياصدام جعلك لرحامي
الفن والشعر مابين الثين اية علاقات=لاتخلط القشر بالقهوه وتغلط فالأسامي |
الله الله
بعد السلام وبعد ترحيبك ونقل التحيات احزم حزامك ترا المسرى يمن ماهو بشامي .. الفن ماهو بمحصورن على قوم الكمنجات مار المصيبه ليامن صرت ماتفهم كلامي |
صدام ومسعود العز فالكم
متابعينكم ونتمنى لكم التوفيق |
عان الصناديد فالميدان ياراع المثارات=حاضر بحاضر وقدمك لاتصد ولا تعامي
افهم كلامك واعرف انك تبا حاجه ولا جات=يقولها الي ليا شاف العدا سل الحسامي |
ابو رامي صح لسانك وطاب مسائك شرفتنا بحضورك
|
سل الحسامي
يا سلام صدام مسعود صحت السنتكم يا مبدعين ووااااصلوا وحنا متااابعين |
صح بدنك نواف وطاب مسائك شرفتنا بحضورك
|
ياسلام
صح لسانك يا صـدام صح لسانك يامسعود مبدعين ماشاءالله عليكم , متابعينكم واصلو |
ياسلام ياسلام
ماودي اجرحك يامسعود واطلب منك الاثبات لكن ابا اشوفها بالعين لاامن دار عامي الليل توه بدا ياللي تقدم للمهمات زان الرمي والفشق ياصاحبي ملي الحزامي |
ابورامي
مرحبا ومتابعتك نوماس |
صح بدنك سمو الذات وطاب مسائك شرفتنا بحضورك
|
نواف الغنامي
هلا وغلا متابعتك فخر |
سمو الذات
حياك الله انت ومتابعك معك :) |
اثباتنا مايثبت بالهويه والبطاقات=نمشي مع الارض عرض وطول ونسوق الجهامي
الي ليا نام يحلم في منامه بانتصارات=بكره لياقام من نومه يحس الانهزامي |
انته تبرا ولو انك مسجل فالسجلات
ولو غبت ماحاصلن لك لاشراب ولاطعامي .. ماني بمن ينهي الاحياء ويبعث بعض الاموات تبرالها والمطيه روحت وابلا خطامي |
المشنقه في رقبتك وانت ياصدام هيهات = ترغي وتزبد ولالك لاصديق ولا محامي
اهب ياشاعر المعنى نظمت المستحيلات=ولياك مايفهمك غير السناني والزلامي |
طيب طيب
الظاهر إنا نبا نقرا على مسعود الآيات النور واضح ولاهو ياولد مثل الظلامي .. الظاهر انك معبّا لين جيت بدون ليتات ارتح وخذ خطة الممشى من كبار الاسامي |
هذا الزمن فيه ترهيب وتصادم للحضارات=والرابح الي جعل نهجه على نهج الامامي
حنا نبا نروح مكه وانت مع درب الخواجات= ماهو بكره لكم خوفا عليك من الزحامي |
اشوفك سجلت خروج ولا علمتني عسى ماشر تركتني مسنتر فالصفحه وطلعت سكاتي
|
صحت السنتكم جمييعا وامتعتونا
كل الود والاحترام |
صح بدنك معدي شرفتنا بحضورك
|
صدام صح لسانك وبيض الله وجهك .
مسعود صح لسانك وبيض الله وجهك . |
صح لسانك يا صدام وصح لسانك يا مسعود الى الامام
|
صدام ومسعود صحت السنتكم وبيض الله وجيهكم لهذه المحاوره الممتعه
|
صدام ومسعود ألله يسعدكم واصلو الى الامام وصح ألله ألسنتكم
ونحن متابعين |
| +4. الساعة الآن 11:19 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط