|
سدآح الغنامي
بسم الله الرحمن الرحيم السلام عليكم ورحمة الله وبركاته وبعد، هذه قصيدة اعجبتني للشاعر (سدآح الغنامي) وحبيت أشارككم فيها اترككم معها ____ سـاد الظـلام وذعـذع النـود وأمسيت أعيـد الاسطوانـه وأخذت أطقّ العود بالعـود وأهــزّ غـصـن الخـيـزرانـه وقطفت لي من كل ّ عنقود مـا يتعـب الشاعـر عشانـه يا هاجسي ماعنك منشود من راهنـك تكسـب رهانـه مدّ الوفاء والطيـب والجـود على النقاء والشعـر أمانـه لا تحسب إني غير موجـود جيتك معـي ختـم الضمانـه بعض المحبّه مـا بهـا فـود لا صــار مــا لـلـودّ خـانــه دايــم يـقـود قلوبـنـا قـــود والوقت يا صعـب إمتحانـه يا بنت حبل الحـبّ مشـدود كــل ٍ يتـلّـه فـــي مـكـانـه قامت تمون عيونك السـود ولا بيـنـي وبـيـنـك مـيـانـه لا قلت أحبك عندي شهـود هـمّـي و دمّــي وإغليـانـه كنتي لحالك باشـة الخـود وأشوفـك مـع الغيـد دانــه طيفك يجي ويروح ويعـود أتابـعـه وأمـشـي وزانـــه ودار الزمان ونقّـص الـزود وضيّـق وسيعـيـن البطـانـه كـل الخطايـا هيّـنـه كــود بـيـع المشـاعـر والخيـانـه تفضّلـي مـن غيـر مـطـرود الـقـلـب مـغـلـق للـصـيـانـه اللـي لسانـه كـان معـقـود الـيــوم صـــح الله لـسـانـه بأنتظار الردود :shiny01: |
.
. هذي حبيبة الكل هالقصيدة شفها في قسم الصوتيات وكل ليل امر عليها اسمعها فيها قمة ابداع وصوت السليس مناسب لها بشكل عجيب ،، سلمت وسلم نقلك يا فهد وصح لسان ابو عذبي تحياتي لك اخوك :سلطان .. |
القصيده رائعه لشاعر جزل وناقلها يستحق التقدير
تقبل احترامي وتقديري اخوي فهد |
تسلم اخ فهد .. على مانقلت .. هالقصيده تستحق الثناء عليها ..
|
مشكور اخوي فهد على نقل قصيده سداح ابوعذبي
|
سلمت لنقلك الرائع يافهد
|
الله يعطيك العافيه وصح الله لسان سداح ..
احترامي لك يافهد.. |
الله يعافيكم جميعاً وأشكر لكم المرور الاكثر من رائع
|
صح لسان سداح ومشكور فهد الباجد على نقل القصيدة
|
العــــــــــــــــــــــفو
|
| +4. الساعة الآن 05:34 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط