الله يجازي فاعل الخير بالخير = عنا وفعل الشريبعدمجاله
ويكتب لناالخيرة بحكم المقادبر= ويزيدنافوق القناعةجماله
الصبر مفتاح الفرج والتباشير = كم صابرٍ والصبر فوق احتماله
لو تآاكل الزله سمان المعاذير = العذر عن بعض الخطاياجهاله
العمر مقفي والمنايا مناحير = وأحوالنا ما بين حاله وحاله
قام التطورينفض الريش ويطير=ويضفي على روس الخلائق ضلاله
ياكبرها يااهل الوجيه المسافير = صلواُ على محمد وصحبه وآله
وعسواُ مابين الذاهبه والمداوير = العلم الأبيض ما ندوربداله
أبدي بها من باب حشمه وتقدير = وأن عودت مالي عليكم وكاله
أدخل على المعبود ياوارد البير = لا تلتوي بين الرشاوالمحاله
عرب طرب مثربها الغرب تأثير = ترقص على التلفازياهملاله
راحت عوايدهم سوات الاساطير = ياساتر الشايب وفاضح عياله
من نقرة الطبله ودق المزامير = طاح الحصان اللي طوال حباله
والبرتقاله غير والفاكهه غير = يقولها اللي يعصر البرتقاله
عصيرها حالي ولاله محاذير = لاصار مسبوق بـ لفظ الجلاله
ياكثرماصاحت عليهاالمجاهير = يارابط المجنون مالك وماله
بث الغرايز حي والقصد تعزيز = وأم الخلاخل داخله من خلاله
فيديو كليب ذنوب فكره وتصوير = طوُح بناب الذيب قرن الغزاله
دبكه وربكه يــا حياة المخاسير =ودايم ضعيف العقل هذامجاله
يوم المشاهد ثار والمشهد مثير = صومع على الشاشه ونكس عقاله
عرض اللحم بين اللحوم المطايير= يخسربه اللي حافظ راس ماله
سياسة التشويق من غير تبرير = دفع العمولة واستلام العماله
الله يبارك فيك يا سالم الزيير = دور لهن صرفه وغرفه وصاله
لاأمسيت تلحفهن خشوم الدنانير = ولاأصبحت سرحهن على أقرب زباله
للعلم مدلوله .. وللحلم تفسير = وللطاق طربق طاق وللقرم طاله
واللوح حظ المطرقه والمسامير= وبكره يسمر ويتعلق لحاله
لومي على نسل الرجال المناعير= وألا الحثاله من سلايل حثاله