قصيده ام لولدها.....
 

جبتلكم هاالقصيده اللي تقطع القلب ...
كتبتها ام لولدها بعد ما رماها بدار العجزه..
تقول فيها الأم:

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا


..............صح لسانك يام حمدان ..............

مشششششششششكوره اختي بنت ابوهاعلي القصيده الحزينه.
وين البر وين الاحسان .يوم كلن قام يقط امه وابوه في دار العجزه .كذا يرد الجميل.
حسبي الله ونعم الوكيل .علي الي مايخاف الله في والديه
هذا من قلة الايمان والخوف من الله .
الله يهدي كل ضال .

اكتب لك الرد بدموع عيني حسبي الله ونعم الوكيل

ياخسارتها يوم جابتك العقوق والخوف من الزوجه

صار الدارج هالايام الله يرحمنا برحمته تدور الايام

ويرميه ولده ويذوقه نفس الطعم......الف شكر بنت ابوها

بنت ابوها اول شي شكرا على القصيده المعبره

والله انك تسببتي في وبكيت ودموع الرجال اغلى من ارقابها لان بصراحه كلش الى الام والله مانلحق جزاها والله يقدرني على برها

وبالنسبه الى دار العجزه الحمد الله ماتوقع اي عتيبي يسويها اكثرهم الحظر والطروش والله المصلح

تحياتي لك

انتي وين جيتينا بها القصيده الله يسامحك
والله ما ادري ويش اقول تلخبطة افكاري
هاذه هي الجريمه النكرا التي لايمكن ان تغتفر ولا يمكن ان تنسى
هذا العاق اللعين الآمعه الحشره كيف له ان يواجه الناس بهذا السواد في تاريخه والله ان القواد افضل منه وتارك الصلاه افضل منه وتاجر المخدرات افضل منه مثل هذا الشخص لا يستحق الحياه ولا يستحق حتى ان يدفن في مقابر المسلمين
انني انحني واضع خدي تحت قدمي والدي تعظيمآ واجلال لهما
مهما فعلنا لن نوفي الوالدين حقهم وقد سمعت عن قصص بر بالوالدين يعتبرها الناس بر وهي لا تعدو نقطه في بحر ولا تساوي ثانيه من عطف الأم
شكرآ لك اختنا على هذا الموضوع ولعنة الله على حمدان الكلب

الجريح شكرا لمرورك بعدين انا مو الحنونه .. انا بنت ابوها
سموالذات .. مشكور لردك وتفاعلك مع هالقصيده
صريح .. لاهنت ع المرور
الرعد ...تسلم لمرورك.. واحساسك للــ الام المسكينه ..
ابورامي .. اعذرني اذا ضايقتك القصيده .. تشكر لمرورك

حسبي الله ونعم الوكيل على الي يعق والدينه والله يرحم والدينا وعزالله مانلحق جزاهم شكرا على القصيده المولمه

سطام ابوبطين .. تسلم على المرور ..
صدقت حسبي الله ونعم الوكيل