|
قصيدة شكر
الشاعر : عايض ثقل الغنامي شــف بنزيمـه و حــوَلــنا نــدفـه = مــع ثـلاث اسياد مرفوع رصيفه وكـل ما اشـرّنا يـجي السـواق خفة = خـطـهـم سـريــع والـوقـفـه كليفه قـلت ولــع فـلـشـره والنور طـفـه = يـوقـف الـلـي مامعه في القلب خيفه مر جـيـبً مركب الطـيــب وشـفـه = يـوم احلي سرعته سرعة قـذيـفـه واعـفـتـه راعـيـه فــالسـكـه ولـفـه = لـفـة الـفـارس على الـتالي بسيفـه اعــكـس الـخـط الـسريع وجا يزفه = شــمــري بــذلــة المعروف كـيـفـه قـلـت لـه وراك عـارضت المطفه = قال انــا خـابـرك مانت إب فالحتيـفه مـاقـدرت اروح مـار الـهـرج كـفـه = ابـشـر بعـزك لاتترك لــك حسيفه يـارثـون الـطـيـب صفـه بعد صفه = شمر وساع الطعن والضيف ريفه كـان لــلأمــجاد بـيـتً ولــه رفـــه = تــمـلـكـه شـمـرمـرويـة الـرهـيـفـه |
صح الله لسآنكك يآ اخ َ عبدالله ، وتراء لزم تسسويَ قصيدهة في منتدىً الغنآنيمً
تحيآتي لك ،، |
شكراً على مرورك اخي : الصريح والقصيده للشاعر : عايض ثقل الغنامي (انا مجرد ناقل للموضوع فقط :shiny01: ) |
صح الله لسانك وشمر يستاهلون
تقبل تحياتي وتقديري |
الاخ : الصريح بنأً على طلبك اخترت ان انزل هذه القصيده من قصائد الشاعر عايض ثقل الغنامي والتي قالها في إحدى مناسبات زواجات ابنا القبيله .
مـــرحــبـا بالضيوف اعداد وبل الغمام = عد وبلٍ يهل وبارقه يشعلي قــلـتـهـا بــاسـم ماجد للضيوف الـكرام = عند ربعً كرام وشأنهم معتلي قسمهم من صروح المجد ذروة سنام = ضيفوا والعرب فوق الزمل رحلي وكــــان حمي الوطيس وطاير الجـو حام = كم شيخ بحد سيوفهم جندلي ويــحــتـمـون المجنا بالقنا والحسام = بـحـق ولا بغير وجيههم تدخلي وقـفـةً مـن بـني غـنام تـجـلا الـمـلام = يوم شانت وقامت نارها تصتلي بــيـن ربـعً قـروم وكـلـبـوهـم حـشـام = في جنيه وعنها الوجه متعطلي وقــفــوا لابـتـي بـالـلـي تشيل الهوام = وحنثوا يادخيل البيت مايوصبي مـاركـنـوا للحقوق ولاركنوا لنظام = حولوها على المصقول والله ولي ذا سـبـب تسميتهم من خيار الاسام = صار زبن المجنا من بعدها اسم لي ذا كــلامــي وانــا الـلـي مابديت الكلام = قلت ماقال ذاك الشاعر الاولي قول ابن عقل تشهد به جميع الأنام = مشـهـدٍ مـن حكيم يعقل الجاهلي والعطاوي شهد به قبل تسعين عام = واما انا قلت موجز دون ما فصلي |
شكرا على الطرح الجميل
تحياتي لك |
الاخ :مـبـارك الـعـتــيبـي شكراً على مرورك |
غـيـوم نـجـد شكراً على مرورك |
روووووووووووووووووووووووووووووعه صح الله لسان الشاعر الكبير عايض ابن ثقل الغنامي الله يحفظه قصيدة جزله وهو راع الجزاله وأيضاً قبيلة شمر ونعم بهم "السناعيس "يستاهلون الله يوفق حيهم ويرحم ميتهم .
|
صح لسان الشاعر وتسلم يمين الناقل قصائد جزله من شاعر جزل حفظكم الله بحفظه
|
| +4. الساعة الآن 06:15 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط