|
طوى القيض ملهابه
طوى القيض ملهابه وقرب طلوع سهيل .. عسى ربعنا اللي فالمصايف يشوفونه
ليا بان في عرض السما مايبـــــا دربيل .. يشوفه ضـعيف الشوف فالليل بعيونه وينفح على عرق الرويكب براد اللـــيل .. يروق النســـيم ويسجع الطير بلحونه تخيل مزون الوســـم خلج وهدير السيل .. وجو تهالك يذهب الـــشوف من دونه منازل شعفة البدو واهل النضا والخـيـل .. ومداهيل وعل يكـسر الغصن بقرونـه ملاحظه (الغصن غصن الغضا والغضا ينبت فالنفود) |
طوى القيض ملهابه وقرب طلوع سهيل .. عسى ربعنا اللي فالمصايف يشوفونه
ليا بان في عرض السما مايبـــــا دربيل .. يشوفه ضـعيف الشوف فالليل بعيونه وينفح على عرق الرويكب براد اللـــيل .. يروق النســـيم ويسجع الطير بلحونه تخيل مزون الوســـم خلج وهدير السيل .. وجو تهالك يذهب الـــشوف من دونه منازل شعفة البدو واهل النضا والخـيـل .. ومداهيل وعل يكـسر الغصن بقرونـه قصيده جزله من شاعر مبدع صح السانك مليون |
قصيده جميله
ونابعه من اصالتك وحب للبداوه واضح فيها انك تحب البداوه من قلب الله يهنيك ويارب تحصل كل اللي في بالك يانايف |
أبوطلق شاعر مبدع وجزل دائما في كل جديد صح لسانك وبيض الله وجهك ننتظر جديدك دائما تحياتي وتقديري
|
شاعرنا المفضل صح لسانك على قصيدتك
الرئعه والله بيض وجهك لاكن لاتبخل علينا بما تجود به خاطرتك الشعريه ولي وقفه مع قصيده لشاعر وعلى مااعتقد انها لبدر الحويفيي يـقــــــــــــــول القيض راح وبردن الليالي والطير عقب القرنسة كمل الريش والمزن بالمنشأ غدا له ظلالي وتراكمت غر المزون المراهيش وتذكر الصقار وقت مضى لي ايام جالي بالغبية مغابيش يوم الحباري حوزهن بالدحالي ليا فرع النادر طلبهن مخاييش والخرب بادناهن يصير الموالي يوجس براسه للشجاعة نغاميش خرب مغفل ماحسب للتوالي طقيق حنكانه سوات القراقيش وجاه اشقر جوفه من النسر خالي جزام صياده يقض النشانيش له بالطيور البرق فعل ومدالي ضربه عطب ماهو مسوح وتناويش ذاك الزمان اللي به المر حالي يوم الصقارة تنعش القلب وتعيش واليوم لو نقنص جنوب وشمالي صرنا على ما قيل مثل القراريش ما شوف والله للصقارة مجالي نقفي ونقبل يالحميدي على ويش مهما تجاوزنا فياح السهالي غير الدجاجة ما لقينا عراميش ما شوف غير القوبعة والكحالي وزرق الثعال اللي سواة القرافيش عزي لحالك يازميلي وحالي بارض الرحيل نفتش القشع تفتيش والله يلولا الطير بالقلب غالي اني لاجوز من العنا والمطاريش لاكان حب الطير شارك اعيالي ولو ما تسلى بالولع كيف اباعيش والله ماني عن غلا الطير سالي لو نعلفه من بارد الخبز والعيش لوكان للخارج نشد الرحالي وندفع على شانه ضريبة وبخشيش |
صح لسانك وبيض الله وجهك على هالقصيدة الجميله حفظك الله بحفظه
|
يابرق الشمال عساه يبرق عليك برق رحمة من رب العالمين واشكرك على نقل هذه القصيده الرائعه
|
اخ نوح اشكرك على مرورك
|
ابوبتال اشكرك على مرورك
|
يعطيك العافيه واشكرك على مرورك
|
| +4. الساعة الآن 05:57 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط