منتديات شبكة قبيلة الغنانيم الرسمية

اقتباس:
المشاركة الأصلية كتبت بواسطة برق الشمال http://www.gnanim.com/vb/gnanimxp/buttons/viewpost.gif
شاعرنا المفضل صح لسانك على قصيدتك
الرئعه والله بيض وجهك لاكن لاتبخل علينا
بما تجود به خاطرتك الشعريه ولي وقفه مع قصيده
لشاعر وعلى مااعتقد انها لبدر الحويفيي يـقــــــــــــــول
القيض راح وبردن الليالي
والطير عقب القرنسة كمل الريش

والمزن بالمنشأ غدا له ظلالي
وتراكمت غر المزون المراهيش

وتذكر الصقار وقت مضى لي
ايام جالي بالغبية مغابيش

يوم الحباري حوزهن بالدحالي
ليا فرع النادر طلبهن مخاييش

والخرب بادناهن يصير الموالي
يوجس براسه للشجاعة نغاميش

خرب مغفل ماحسب للتوالي
طقيق حنكانه سوات القراقيش

وجاه اشقر جوفه من النسر خالي
جزام صياده يقض النشانيش

له بالطيور البرق فعل ومدالي
ضربه عطب ماهو مسوح وتناويش

ذاك الزمان اللي به المر حالي
يوم الصقارة تنعش القلب وتعيش

واليوم لو نقنص جنوب وشمالي
صرنا على ما قيل مثل القراريش

ما شوف والله للصقارة مجالي
نقفي ونقبل يالحميدي على ويش

مهما تجاوزنا فياح السهالي
غير الدجاجة ما لقينا عراميش

ما شوف غير القوبعة والكحالي
وزرق الثعال اللي سواة القرافيش

عزي لحالك يازميلي وحالي
بارض الرحيل نفتش القشع تفتيش

والله يلولا الطير بالقلب غالي
اني لاجوز من العنا والمطاريش

لاكان حب الطير شارك اعيالي
ولو ما تسلى بالولع كيف اباعيش

والله ماني عن غلا الطير سالي
لو نعلفه من بارد الخبز والعيش

لوكان للخارج نشد الرحالي
وندفع على شانه ضريبة وبخشيش

تسلم يابرق الشمال على النقل وصح لسان الشاعر

مشكور والله يحفظك بحفظه