منتديات شبكة قبيلة الغنانيم الرسمية - ياليت يانواف / سالم معيض الغنامي

ياليـت يانـواف لـو غيـم الجـو
ثـم اندفـق هتانهـا مـن سماهـا
وتهدا نسانيس الهوا ويشبك النـو
من عصرها للفجـر ماكـف ماهـا
واليا شرقت شمس الضحا فيه وحلو
ممشاه وارضه دوب ذعذع هواهـا
جت حزت المكشات مع شبت الضو
في فيضتـن قـدام يقفـي ثراهـا
واليا اسرج الجمر الحمر قم ثم سو
فنجال يجلا عـن الخلايـا صداهـا
فنجـال خولانيتـن جابهـا تــو
خبيرها الـي مـن بلدهـا جناهـا
لكـن يـانـواف يالـيـت يـالـو
ماتنفـع وقـد قالهـا الـي بداهـا
سالم معيض الغنامي ... شاعر معروف ومبدع جداً
يتمتع بذائقه شعريه عذبه كما هي طبيعته الطيبه
وأريحيته وسعة صدره وقلبه الكبير....
غنامي كل الشكر لك ولنقلك القصيده الرائعه للشاعر المبدع سالم معيض الغنامي